گەرمانيانىڭ پرەمەر مينيسترى مەركەل ۇيىندە اۋاشالاندى

2020.03.23 13:54   كەلۋ قاينارى : حالىق تورابى

　　شينحۋا اگەنتتىگى، 3 – ايدىڭ 22 – كۇنى، بەرلين (ءتىلشى: رىن كى، جاڭ يۋان) گەرمانيا ۇكىمەتىنىڭ مالىمدەمەشىسى سەيبەرتتىڭ 3 – ايدىڭ 22 – كۇنى ايتۋىنشا، گەرمانيانىڭ پرەمەر مينيسترى مەركەلمەن ۇشىراسقان شيپاگەردىڭ جاڭا تيپتى ايدارشا ۆيروسپەن جۇعىمدالعانى تۇراقتاندىرىلعاندىقتان، مەركەل قازىر ۇيىندە اۋاشالانۋدا.

　　سەيبەرتتىڭ ايتۋىنشا، مەركەل 3 – ايدىڭ 22 – كۇنى كەشتە اقپارات قۇرالدارىمەن كەزدەسكەن سوڭ بۇل جاعدايدى بىلگەن. بۇل شيپاگەر 3 – ايدىڭ 20 – كۇنى تۇستەن كەيىن مەركەلگە وكپە قابىنۋ شارشا باكتەرياسىنىڭ ۆاكسيناسىن سالعان. قازىر بۇل شيپاگەرگە جاڭا تيپتى ايدارشا ۆيروس وكپە قابىنۋ ىندەتىنە شالدىقتى دەگەن دياگنوز قويىلعان.

　　سەيبەرتتىڭ ايتۋىنشا، مەركەل الداعى بىرنەشە كۇن ىشىندە كوپ رەت تەكسەرىلەدى، ۇيدە اۋاشالانعان كەزدە ول ۇكىمەت قىزمەتىن ءبىرجاقتى ەتۋدى توقتاتپايدى.

　　3 – ايدىڭ 22 – كۇنى تۇستەن كەيىن، مەركەل گەرمانيانىڭ ءارقايسى وبلىستارىنىڭ باستىقتارىمەن كەسكىندى ءماجىلىس وتكىزدى. ماجىلىستە ول اقپارات قۇرالدارىنا ىندەتتىڭ ۇزدىكسىز تارالۋىن تىزگىندەۋ ءۇشىن، مەملەكەت بويىنشا ەڭ قاتاڭ ساقتانۋ – تىزگىندەۋ شارالارى اتقارىلاتىنىن، مۇندا ادامدار اراسىنداعى ۇشىراسۋعا دا شەكتەمە قويىلاتىنىن جاريالاعان.

　　كەلۋ قاينارى: حالىق تورابى