جۇڭگو جاق كومەككە بەرگەن زاتتار قىرعىزستانعا جەتكىزىلدى

2020.03.27 16:00  

　　شينحۋا اگەنتتىگى، 3 – ايدىڭ 26 – كۇنى، بيشكەك (ءتىلشى: گۋان جيانچىڭ، نۇرجان) جۇڭگو جاق قىرعىزستاننىڭ ىندەتكە توتەپ بەرۋىنە كومەككە بەرگەن ءبىرىنشى توپتاعى بۇيىمدارى 3 – ايدىڭ 25 – كۇنى جۇڭگو مەن قىرعىزستاننىڭ شەكاراسىنداعى تورعات وتكەلى ارقىلى قىرعىزستان جاققا وتكىزىپ بەرىلدى.

　　بۇل توپتاعى زاتتاردى شينجياڭ ۇيعۇر اۆتونوميال رايونى قىزىلسۋ قىرعىز اۆتونوميالى وبلىسى كومەككە اتاعان. سول كۇنى كەشتە وتكىزىلگەن وتكىزىپ بەرۋ – وتكىزىپ الۋ سالتىندا «اپات - الاپاتتا ءوزارا قارايلاسىپ، ۋاقىتتىق قيىنشىلىقتى بىرگە جەڭەمىز» دەگەن مەيىرگە تولى ءسوز جازىلعان لوزينكا ىلىنگەن. قىزىلسۋ قىرعىز اۆتونوميالى وبلىسى مەن قىرعىزستاننىڭ نارىن وبلىسىنىڭ جاۋاپتىلارى وتكىزىپ بەرۋ – وتكىزىپ الۋ كۋالىگىنە بىرگە قول قويدى.

　　جۇڭگونىڭ قىرعىزستاندا تۇراتىن باس ەلشىلىگى مىنانى ءبىلدىردى: جۇڭگو حالقى ىندەتپەن كۇش سالا ايقاسىپ جاتقان ساتتە، قىرعىزستان ۇكىمەتى مەن حالقى جۇڭگو جاقتى باستان – اقىر قولدادى ءارى جۇڭگو جاققا بارىنشا كومەكتەستى. قازىر قىرعىزستانداعى ىندەت جاعدايى جۇڭگو حالقىن الاڭداتۋدا، جۇڭگو ۇكىمەتى، ءارقايسى ولكە، اۆتونوميالى رايون، توتە قاراستى قالالار، قوعامنىڭ ءار سالاسىنداعىلار، سونداي – اق، قىرعىزستانداعى جۇڭگو ازاماتتارى شۇعىل ارەكەتكە كەلىپ، زات توپتاپ، قىرعىزستان جاقتىڭ ىندەتكە توتەپ بەرۋىنە كۇش سالا كومەكتەستى.

　　قىرعىزستان دەنساۋلىق ساقتاۋ مينيسترلىگىنىڭ حابارىنا قاراعاندا، قىرعىزستاندا جاڭا تيپتى ايدارشا ۆيروس وكپە قابىنۋ ىندەتىنە شالدىقتى دەپ دياگنوز قويىلعانداردىڭ سانى جيىنى 44 ادامعا جەتكەن. قىرعىزستان پارلامەنتى 3 – ايدىڭ 24 – كۇنى پرەزيدەنت بۇيرىعىن ءتۇسىرىپ، ىندەتكە توتەپ بەرۋ ءۇشىن، نەگىزگى 3 قالا مەن 3 ايماقتىڭ شۇعىل كۇيگە وتكەنىن جاريالاعان.

　　كەلۋ قاينارى: حالىق تورابى