جاڭا زەرتتەۋ: پانگوليننىڭ ءتاج ءتارىزدى ۆيرۋسى جاڭا تيپتى ايدارشا ۆيرۋسپەن ۇقساس
2020.03.31 17:07 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 30 - كۇنى، بەيجيڭ (ءتىلشى جاڭ يىڭ). جۇڭگو شانتوۋ ۋنيۆەرسيتەتى مەن شياڭگاڭ ۋنيۆەرسيتەتىنىڭ بىرلەسكەن ۆيروس زەرتتەۋ ورنى جانە گۋاڭشي مەديتسينا ۋنيۆەرسيتەتى قاتارلى قۇرىلىمداردىڭ زەرتتەرمەندەرى جۋىردا ۇلى بريتانيانىڭ «تابيعات» جۋرنالىندا جاريالاعان بايانداماسىندا بىلاي دەگەن: ءبىز اتكەزشىلىك ەتىلگەن پانگوليننىڭ (تاۋتەسەر) ۇلگىسىنەن جاڭا تيپتى ايدارشا ۆيرۋسپەن ۇقساس ءتاج ءتارىزدى ۆيرۋستى بايقادىق. ءبىراق مۇنداي ۇقساستىق پانگوليننىڭ كوز الداعى ىندەت تۋدىرىپ وتىرعان ارالىقتاعى پارازيت يەسى بولۋىن ءتۇسىندىرىپ بەرە المايدى.
زەرتتەرمەندەر تاياۋداعى بىرنەشە جىلداردان بەرى جۇڭگونىڭ گۋاڭشي، گۋاڭدۇڭ قاتارلى جەرلەرىندە قولعا تۇسىرىلگەن، اتكەزشىلىك ەتىلگەن كوپتەگەن پانگولينعا يە بولىپ، ولاردىڭ نۇسقالارىنا RNA (ريبونۋكلەين قىشقىلى) جوعارى وتكىزۋ قابىلەتتىلىگى بويىنشا تالداۋ جاساپ، وسى پانگوليندار الىپ جۇرگەن ءتاج ءتارىزدى ۆيرۋستار مەن جاڭا تيپتى ايدارشا ۆيرۋس قاتارىنىڭ ۇقساستىعى %85.5 - %92.4 بولاتىنىن بايقادى.
تالداۋدا كورسەتىلۋىنشە، ءتاج ءتارىزدى ۆيرۋستىڭ وزگەرۋى جاعىندا، وسى پانگوليندەر الىپ جۇرگەن ءتاج ءتارىزدى ۆيرۋستار مەن جاڭا تيپتى ايدارشا ۆيرۋس تۇگەلدەي «جاڭا تيپتى ايدارشا ۆيرۋستىڭ قاتىستى وزگەرگەن تارماق جۇيەسىندە» تۇرعان، پانگولينگە قاتىستى ۆيرۋستار وسى تارماق جۇيەدەگى ەكى قوسالقى تيپكە جاتادى، مۇنىڭ ىشىندە ءبىر قوسالقى تىپتى تىكەندى بەلوك بىرىككەن اۋماعى مەن جاڭا تيپتى ايدارشا ۆيرۋستىڭ ۇقساستىعى %97.4 كە جەتكەن.
تىكەندى بەلوكتىڭ بىرىككەن اۋماعى پارازيت كلەتكاسىن ىلۋگە بولاتىن «قارماق» سياقتى، ۆيرۋستىڭ كلەتكاعا كىرۋ بارىسىندا شەشۋشى رول اتقارادى.
قازىرگە دەيىن جاڭا تيپتى ايدارشا ۆيرۋسپەن ەڭ جاقىن ۋلى ءتۇپ (شتام) جۇڭگو عىلىم اكادەمياسى ۋحان ۆيرۋس زەرتتەۋ ورنى سياقتى قۇرىلىمداردىڭ زەرتتەۋشىلەرى جارقاناتتىڭ دەنەسىنەن تاپقان ءتاج ءتارىزدى ۆيرۋس، ونىڭ جاڭا تيپتى ايدارا ۆيرۋسپەن ۇقساستىعى %96 كە جەتەدى، ءوزارا ۇشتاسقان اۋماقتىڭ ۇقساستىق دارەجەسى %89.2 كە جەتەدى.
زەرتتەۋشىلەر مىنانى ءبىلدىردى: پانگولين − قازىرگە دەيىن جارقاناتتان تىس جاڭا تيپتى ايدارشا ۆيرۋسپەن قاتىستى ءتاج ءتارىزدى ۆيرۋسپەن جۇعىمدالعان بىردەن - ءبىر ءسۇت قورەكتى حايۋانات، بۇل وسى تۇردەگى ۆيرۋستىڭ ۇزاق ۋاقىتتىق يەسى بولۋى مۇمكىن.
زەرتتەۋشىلەر بىلاي دەپ اتاپ كورسەتتى: ەڭ جاڭا بايقاۋ پانگوليننىڭ قازىرگى ىندەت جاعدايىن تۋدىراتىن پارازيت يەسى ەكەنىن تۇسىندىرە المايدى، ءبىراق ونى جاڭا تيپتى ايدارشا ۆيرۋستىڭ مۇمكىندىگى بار پارازيت يەسى دەپ قاراۋعا بولادى. بازاردا پانگوليندى ساۋدالاۋعا قاتاڭ تيىم سالۋ بولاشاقتا ۆيرۋستىڭ ادامزاتقا تارالۋ قاتەرىن تومەندەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
