يتاليادا جاڭادان ساۋىعىپ شىققان ناۋقاستاردىڭ سانى جاڭادان ارتقان دياگنوزى تۇراقتانعانداردىڭ سانىنان تۇڭعىش رەت استى

2020.04.24 14:07   كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 23 – كۇنى، ريم (ءتىلشى: چىن جانجيە) يتاليا حالىقتىق ىستەر قورعاۋشى تاراۋلارىنىڭ 4 – ايدىڭ 23 – كۇنى جاريالاعان ساندى دەرەكتەرىنە قاراعاندا، يتاليادا سول كۇنى جاڭادان ارتقان جاڭا تيپتى ايدارشا ۆيروس ىندەتىنە شالدىققان ناۋقاستاردان 3033 ناۋقاس ساۋىعىپ شىققان، جاڭادان ارتقان دياگنوزى تۇراقتانعان ناۋقاستاردىڭ سانى 2646 ناۋقاس بولعان. بۇل يتاليادا ىندەت ورشىگەننەن بەرى جاڭادان ارتقان ساۋىعىپ شىققان ناۋقاستاردىڭ سانىنىڭ جاڭادان ارتقان دياگوزى تۇراقتانعان ناۋقاستاردىڭ سانىنان تۇڭعىش رەت اسۋى، بۇل ىندەتتىڭ اناعۇرلىم جاقسى جاققا قاراي بەت العانىن تۇسىندىرەدى.

　　يتاليا حالىقتىق ىستەر قورعاۋشى تاراۋىنىڭ جاۋاپتىسى، جاڭا تيپتى ايدارشا ۆيروسقا قاتىستى شۇعىل جاعدايلارعا توتەپ بەرۋ كوميسسياسىنىڭ ارناۋلى قىزمەتكەرى بورەلليدىڭ اقپار جاريالاۋ جيىنىندا ايتۋىنشا، 4 – ايدىڭ 23 – كۇنىنە دەيىن، يتاليادا دياگنوزى تۇراقتانعان ناۋقاستاردىڭ جالپى سانى 189963 ادام بولعان، ساۋىعىپ شىققانداردىڭ جالپى سانى 57576 ادام بولعان؛ قازا بولعانداردىڭ جالپى سانى 25549 ادام بولىپ، وسىدان ءبىر كۇن بۇرىنعى سانمەن سالىستىرعاندا 464 ادام ارتقان.

　　يتاليادا قازىر جاڭا تيپتى ايدارشا ۆيروسقا شالدىققان ناۋقاستاردان 106848 ناۋقاس بار، ءبىر كۇن بۇرىنعى سانمەن سالىستىرعاندا 851 ادام ازايىپ، جالعاستى ءتورت كۇن بويى ازايعان. قازىر ءالى ساۋىقپاعان ناۋقاستاردىڭ ىشىندە، 18710 ناۋقاس ۇيىندە اۋاشالانىپ، 22871 ناۋقاس ەمحانادا ادەتتەگىدەي ەمدەلۋدە، 2267 ناۋقاس سالماقتى ناۋقاستاردى كۇتىمدەۋ بولمەسىندە ەمدەلۋدە. سالماقتى ناۋقاستار مەن ادەتتەگىدەي ەمدەلىپ جاتقان ناۋقاستاردىڭ سانى جەكە – جەكە ءبىر كۇن بۇرىنعى سانمەن سالىستىرعاندا 117 ناۋقاس جانە 934 ناۋقاس ازايىپ، جالعاستى ازايۋ بەتالىسىن بايقاتقان.

　　بورەلليدىڭ ايتۋىنشا، حالىقتىق ىستەر قورعاۋشى تاراۋلارى قۇرعان جاڭا تيپتى ايدارشا ۆيرسقا قاتىستى شۇعىل جاعدايلارعا توتەپ بەرۋ قورى قازىرگە دەيىن 129 ميلليون ەۆرو جىلۋ قاراجات تاپسىرىپ العان، اتالعان تاراۋ قازىرگە دەيىن وسىدان 71 ميلليون ەۆرو قاراجاتتى جۇمساپ، تىنىس الدىرۋ اسپابى مەن جەكەلىك قورعانۋ جابدىقتارىن ساتىپ العان.

　　كەلۋ قاينارى: حالىق تورابى