پۋتين: نەگىزگى زاڭعا وزگەرىس ەنگىزۋ جالپى حالىقتىق داۋىس بەرۋ قيمىلى 7 - ايدىڭ 1 – كۇنى وتكىزىلەدى

2020.06.02 16:19   كەلۋ قاينارى : حالىق تورابى

　　6 - ايدىڭ 1 - كۇنى رەسەيدىڭ ماسكەۋ شتاتىنداعى جاڭا وگارەۆو پرەزيدەنت سارايىندا رەسەيدىڭ پرەزيدەنتى پۋتين مەن ورتالىق سايلاۋ كوميسسياسىنىڭ باسشىلىق جىگى جانە نەگىزگى زاڭعا وزگەرىس ەنگىزۋ جوباسىن ازىرلەۋ قىزمەتى گرۋپپاسىنىڭ مۇشەلەرى قىزمەت ءماجىلىسىن وتكىزۋدە. شينحۋا اگەنتتىگى / سپۋتنيك اگەنتتىگى

　　شينحۋا اگەنتتىگى، 6 - ايدىڭ 1 - كۇنى، ماسكەۋ (ءتىلشى جاڭ شياۋ). رەسەيدىڭ پرەزيدەنتى پۋتين 6 - ايدىڭ 1 - كۇنى رەسەيدىڭ 7 - ايدىڭ 1 – كۇنى نەگىزگى زاڭعا وزگەرىس ەنگىزۋ جوباسىن جالپى حالىقتىق داۋىسقا سالۋ قيمىلىن وتكىزەتىنىن جاريالادى.

　　كرەمل سارايى توراپ بەكەتىنىڭ حابارلاندىرۋىنا قاراعاندا، پۋتين سول كۇنى ورتالىق سايلاۋ كوميسسياسىنىڭ باسشىلىق جىگى جانە نەگىزگى زاڭعا وزگەرىس ەنگىزۋ جوباسىن ازىرلەۋ قىزمەتى گرۋپپاسىنىڭ مۇشەلەرىمەن قىزمەت جيىنىن اشىپ بىلاي دەگەن: رەسەيدە جاڭا تيپتى ايدارشا ۆيرۋس وكپە قابىنۋ ىندەتى كۇن سايىن ورنىعىپ كەلەدى، «سوندىقتان ءبىز نەگىزگى زاڭعا وزگەرىس ەنگىزۋ جوباسىنىڭ قىزمەتىنە قايتا ورالۋعا ءتيىسپىز».

　　بيىل 1 - ايدىڭ 15 - كۇنى پۋتين رەسەي پارلامەنتىنە مەملەكەت جاعدايىنان بايانداما جاساعاندا نەگىزگى زاڭعا وزگەرىس ەنگىزۋدى ۇسىنىس ەتتى. 1 - ايدىڭ 20 - كۇنى پۋتين رەسەي مەملەكەتتىك دۋماسىنا (پارلامەنتتىڭ تومەنگى پالاتاسى) نەگىزگى زاڭعا وزگەرىس ەنگىزۋ نۇسقاسىنىڭ جوباسىن تاپسىردى. 3 - ايدا رەسەي مەملەكەتتىك دۋماسى، رەسەي فەدەراتسيالىق كوميتەتى (پارلامەنتتىڭ جوعارى پالاتاسى) جانە رەسەيدىڭ بارلىعى 85 وداقتىق نەگىزگى تۇلعاسى بۇل جوبانى داۋىسقا سالىپ ماقۇلداعاننان كەيىن، پۋتين سول ايدىڭ 17 - كۇنى بۇيرىققا قول قويىپ، 4 - ايدىڭ 22 – كۇنى نەگىزگى زاڭعا وزگەرىس ەنگىزۋ جوباسى جونىندە جالپى حالىقتىق داۋىس بەرۋ قيمىلىن وتكىزدى ۇيعاردى. 3 - ايدىڭ 25 ـ كۇنى رەسەي ازاماتتارىنىڭ ومىرىنە، دەنساۋلىعىنا كەپىلدىك ەتۋ ءۇشىن، پۋتين نەگىزگى زاڭعا وزگەرىس ەنگىزۋگە جالپى حالىقتىق داۋىس بەرۋ قيمىلىن كەشەۋىلدەتۋدى ۇيعاردى.

　　رەسەي اقپارات دانەكەرلەرىنىڭ حابارىنا قاراعاندا، بۇل جوبادا نەگىزگى زاڭدىق بيلىك ءتۇزىمى مەن ازاماتتاردىڭ كىسىلىك ۇقىعىنىڭ ماڭىزدىلىعى كورنەكتىلەندىرىلگەن، باستىسى مەملەكەتتىك دۋمانىڭ ۇقىعىن كەڭەيتۋ، ازاماتتاردىڭ يگىلىگىن ارتتىرۋ سياقتى مازمۇندار قامتىلعان.

　　كەلۋ قاينارى: حالىق تورابى