شۇي گانلۋ ۇسىنىس بويىنشا قازاقستاننىڭ جۇڭگودا تۇراتىن باس ەلشىسى نۇرىشەۆپەن كەزدەستى
2022.07.29 16:18 كەلۋ قاينارى : حالىق تورابى
7 – ايدىڭ 27 – كۇنى، قوعام حاۋىپسىزدىگى مينيسترلىگىنىڭ ورىنباسار مينيسترى، مەملەكەتتىك كوشى – قوندى باسقارۋ مەكەمەسىنىڭ باستىعى شۇي گانلۋ بەيجيڭدە قازاقستاننىڭ جۇڭگودا تۇراتىن باس ەلشىسى نۇرىشەۆپەن كەزدەسىپ، جۇڭگو مەن قازاقستاننىڭ كوشى – قون سالاسىنداعى ناقتى سەلبەستىكتەرىن ىشكەرىلەي ىلگەرىلەتۋ تۋرالى پىكىر الماستىردى.
شۇي گانلۋ نۇرىشەۆتىڭ جۇڭگوعا كەلىپ مىندەت وتەگەنىن قارسى الاتىنىن ءبىلدىردى. ول مىنانى اتاپ كورسەتتى: جۇڭگو مەن قازاقستاننىڭ دوستىعى ارىدان باستالعان، ديپلوماتيالىق قارىم – قاتىناس ورناتقان 30 جىلدان بەرى ءتۇرلى سىناقتاردى باستان كەشىرىپ، ماڭگىلىك جان – جاقتى ستراتەگيالىق سەرىكتەستىك قارىم – قاتىناستىڭ جاڭا بەلەسىنە جەتتى. كوپ جىلداردان بەرى، ەكى جاقتىڭ زاڭ اتقارۋ، حاۋىپسىزدىك تاراۋلارى ءبىرقىدىرۋ ناقتى سەلبەستىكتەردى ورىستەتىپ، مەملەكەتتىڭ حاۋىپسىزدىگى مەن شەكارانىڭ ورنىقتىلىعىن قورعاۋدا بەلسەندى ۇلەستەر قوستى. جۇڭگونىڭ قوعام حاۋىپسىزدىگى مينيسترلىگى مەن مەملەكەتتىك كوشى – قوندى باسقارۋ مەكەمەسى قازاقستان جاقتاعى قىزمەتتەستەرمەن بىرگە ەكى ەل باسشىلارى قول جەتكىزگەن ماڭىزدى ورتاق تانىمعا ساي، قىزمەتتىك رولىن مۇقيات، توىق ساۋلەلەندىرىپ، زاڭ اتقارۋ، حاۋىپسىزدىك جانە كوشى – قون سالاسىنداعى ناقتى سەلبەستىكتەردى ىشكەرىلەي ىلگەرىلەتىپ، ەكى جاقتىڭ قارىم – قاتىناسىنىڭ اقاۋسىز، ورنىقتى دامۋىنا بەلسەندى قىزمەت وتەۋدى ءارى ونى ىلگەرىلەتۋدى قالايدى. سونىمەن بىرگە، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، وتكەلدە شەكارالىق باسقارۋ – تىزگىندەۋدى تەرەڭدەتىپ، زاڭعا قايشى قىلمىستىق ارەكەتتەرگە سوققى بەرىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاپ، ادامداردىڭ زاڭدى تۇردە، تارتىپپەن كەلىپ – كەتۋىن قامتاماسىزداندىرادى. جۇڭگو جاق وسى جونىندە قازاقستاننىڭ جۇڭگودا تۇراتىن باس ەلشىلىگىمەن جانە باس ەلشىنىڭ وزىمەن ءجيى بايلانىس جاساۋدى قالايدى.
نۇرىشەۆ جۇڭگونىڭ قوعام حاۋىپسىزدىگى مينيسترلىگى مەن مەملەكەتتىك كوشى – قوندى باسقارۋ مەكەمەسىنىڭ قازاقستاننىڭ جۇڭگوداعى باس ەلشىلىگىنىڭ قاتىستى قىزمەتتەرىنە زور كۇشپەن قولداۋ كورسەتكەنىنە راقىمەت ايتىپ، قازاقستان – جۇڭگونىڭ كوشى – قون، شەكارا قورعانىسى تاراۋلارىنىڭ ۇزاق ۋاقىتتان بەرى تاماشا سەلبەستىك قارىم – قاتىناس ورناتقانىنا جوعارى باعا بەردى. ول قازاقستان جاقتىڭ جۇڭگومەن سەلبەسۋ ىستەرىن دامىتۋعا وسكەلەڭ ءمان بەرەتىنىن، ءوزىنىڭ مىندەت وتەۋ مەرزىمىندە ەكى جاقتىڭ سەلبەستىگىنىڭ زاڭدىق نەگىزىن بەكەمدەۋدى، ناقتى بايلانىس پەن سەلبەستىكتى كۇشەيتۋدى، كوشى – قون سالاسىنداعى جوعارى دارەجەلى قىزمەتكەرلەردىڭ بارىس – كەلىسىن جيىلەتۋدى كۇش سالا ىلگەرىلەتىپ، ەكى ەلدىڭ ەكونوميكاسى مەن قوعامىنىڭ دامۋىنا جانە حالقىنىڭ باقىتتى تۇرمىسقا كەنەلۋىنە قۇلشىناتىنىن ءبىلدىردى.
مەملەكەتتىك كوشى – قوندى باسقارۋ مەكەمەسىنىڭ ورىنباسار باستىعى چۇي يۇنحاي، كوشى – قون ىستەرى حالىقارالىق سەلبەستىك مەڭگەرمەسىندەگى، ازاماتتاردىڭ شەكارادان كىرىپ – شىعۋىن باسقارۋ مەڭگەرمەسىندەگى، شەكارالىق قورعانىس جانە تەكسەرۋ ىستەرىن باسقارۋ مەڭگەرمەسىندەگى باستى جاۋاپتى جولداستار كەزدەسۋگە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
