بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

تۋىت ارالىعىن الىستاتۋ ەكىنشى بالالى بولۋعا جول قويۋدىڭ بەلگىسى دەگەندى قوعامدىق عىلىمدار اكادەمياسى تەرىسكە شىعاردى

2013.06.26 14:00     كەلۋ قاينارى : حالىق تورابى

  اي باسىندا جان سانى كوپ شاندۇڭ ولكەسى ءبىرىنشى بالا مەن ەكىنشى رەتكى تۋىتتىڭ ارالىعىن الىستاتۋدى كۇشىنەن قالدىردى دەگەن حابار بۇكىل ەلدى ەلەڭ ەتكىزدى، ونى جۇرت «ەكىنشى بالالى بولۋعا جول قويۋدىڭ بەلگىسى» دەپ ءتۇسىندى.

  ماماندار مۇنى تۋىت ارالىعىن الىستاتۋ مەن تۋىت ساياساتىن جەڭىلدەتۋدىڭ ماندىك پارقى بار دەپ ءتۇسىندىردى. الايدا بۇل ەلىمىزدىڭ جوسپارلى تۋىت ساياساتىنىڭ بارعان سايىن «ادامدى نەگىز ەتۋگە بەيىمدەلىپ» كەلە جاتقاندىعىنىڭ بەلگىسى دەدى ولار.

  17-ماۋسىمدا مەملەكەتتىك كەڭەس كەڭسەسى مەملەكەتتىك دەنساۋلىق ساقتاۋ جانە جوسپارلى تۋىت كوميتەتىنىڭ «ءۇشتى بەلگىلەۋ» (فۋنكتسيانى، قۇرىلىمدى، شتاتتى بەلگىلەۋ) جوباسىن جاريالاپ، جاڭادان قۇرىلعان مەملەكەتتىك دەنساۋلىق ساقتاۋ جانە جوسپارلى تۋىت كوميتەتىنىڭ مەملەكەتتىڭ جوسپارلى تۋىت سىندى نەگىزگى ساياساتىن جالعاستىرۋ، تۋىت ساياساتىن كەمەلدەندىرۋ مىندەتىن ۇستىنە الاتىندىعىن ايقىندادى، بۇل ادامداردىڭ جاپپاي نازارىن اۋداردى.

  بۇل جوسپارلى تۋىتقا قاتىستى حاباردىڭ وسى ايدا تۇڭعىش جارىققا شىعۋى ەمەس. ۋحاننىڭ «كوڭىلدەس ايەلگە ايىپ پۇل تارتقىزۋىنان» شاندۇڭ ولكەسىنىڭ تۋىت ارالىعىن الىستاتۋىنا دەيىن، ودان بەرى تاعى الدىڭعى اپتادا مەملەكەتتىك دەنساۋلىق ساقتاۋ جانە جوسپارلى تۋىت كوميتەتىنىڭ ۇكىمەتتىك ميكرو بلوگ اشۋىنا دەيىن، وسىنىڭ بارىندە كوپشىلىك جوسپارلى تۋىت ساياساتىنداعى وزگەرىستەرگە بارىنشا نازار اۋدارىپ وتىر.

  جۇڭگو قوعامدىق عىلىمدار اكادەمياسى جان سانى جانە ەڭبەك-ەكونوميكا زەرتتەۋ ورنىنىڭ پروفەسسورى جىڭ جىنجىن بىلاي دەپ قارادى: تۋىت ارالىعىن الىستاتۋدى كۇشىنەن قالدىرۋ مەن تۋىت ساياساتىن جەڭىلدەتۋدىڭ ماندىك پارقى بار، الدىڭعىسى كەيىنگىسىنىڭ بەلگىسى ەمەس.

  ەلىمىزدە «تۋىت ارالىعىن الىستاتۋ» دەپ باستىسى ەكىنشى بالالى بولۋىنا بولاتىن ەرلى-زايىپتىنىڭ ءبىرىنشى بالاسى مەن ەكىنشى بالاسىنىڭ تۋىلۋ ۋاقىتىن ۇزارتۋى ايتىلادى.

  الدىڭعى عاسىردىڭ 80-جىلدارى جەر-جەرلەر «جوسپارلى تۋىت ساياساتى» سىندى مەملەكەتتىڭ نەگىزگى ساياساتىنا نەگىزدەلىپ، جەرگىلىكتى ورىنداردىڭ جوسپارلى تۋىت ەرەجەلەرىندە ەكىنشى بالالى بولۋ ساياساتىنا ۇيلەسەتىن ەرلى-زايىپتىلاردىڭ ەكى بالانىڭ تۋىلۋ ارالىعىن الىستاتۋىن بەلگىلەدى. بۇل ارالىق ادەتتە 4 جىل دەپ بەلگىلەندى، كەيبىرەۋى 3 جىل دەپ بەلگىلەدى.

  (ورتالىق ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.