بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

عارىشقا ۇشۋ ارمانىنىڭ ايبىندى داستانى جازىلدى

ــ پارتيا ورتالىق كوميتەتىنىڭ عارىشقا ادام الىپ ۇشۋ ينجەنەرياسىن ىلگەرىلەتكەندىگى جايلى ناقتى دەرەكتەر

2013.07.26 16:09     كەلۋ قاينارى : حالىق تورابى


  ۇشى-قيىرسىز زەڭگىر اسپاندا، جۇڭحۋا ەلىنىڭ عارىشقا ۇشۋ ارمانىنىڭ شىت جاڭا داستانى جازىلدى.

  2013-جىلى 26-ماۋسىم ساعات 8 دەن 7 مينۋت وتكەن كەزدە، عارىشتا ساياحاتتاعانىنا 15 كۇن بولعان شىنجوۋ 10-ءنومىرلى عارىش كەمەسى ەلىمىزدىڭ اسپان مەن جەر اراسىنداعى تاسىمال جۇيەسىندە تۇڭعىش رەتكى قولدانىلمالى ۇشۋدى ءساتتى ورىنداعاننان كەيىن، عارىش كەمەسىنىڭ قايتۋ بولمەسى ىشكى مۇڭعۇلدىڭ ورتا بولەگىندەگى امگالاڭ جايلاۋىندا جەرگە ءساتتى قوندى.

  سونىمەن، جۇڭگونىڭ شىنجوۋ اتتى عارىش كەمەسىنەن 10 ىن جانە تيانگۇڭ 1-ءنومىرلى نىسانالى ۇشۋ جابدىعىن ۇشىرۋ قىزمەتى تولىق تابىستى بولدى. جۇڭگولىقتار كەڭىستىك بەكەتىن قۇرۋ ارمانىنا جەتۋگە تاعى دا ءبىر قادام جاقىنداي ءتۇستى. ءار جولعى عارىشقا ادام الىپ ۇشۋعا ۇقساس، تيانگۇڭ 1-ءنومىرلى نىسانالى ۇشۋ جابدىعى مەن شىنجوۋ 10-ءنومىرلى عارىش كەمەسىنىڭ عارىشقا ادام الىپ ۇشۋ مىندەتىن ۇيىمداستىرۋ، اتقارۋعا دا پارتيا ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جانە بۇكىل ەلدەگى ءار ۇلت حالقى ايرىقشا كوڭىل ءبولدى.

  11-ماۋسىم، شىنجوۋ 10-ءنومىرلى عارىش كەمەسى كەڭەستىككە كوتەرىلۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيۋچۋان جاساندى سەرىك ۇشىرۋ ورتالىعىنا كەلىپ، وسى جولعى عارىشقا ۇشۋ مىندەتىن وتەيتىن نيە حايشىڭ، جاڭ شياۋگۋاڭ، ۋاڭ ياپيڭ قاتارلى عارىشكەرلەردەن ىستىق ىقىلاسپەن حال سۇرادى جانە ولاردى سالتاناتپەن اتتاندىردى.

  شىنجوۋ اتتى عارىش كەمەسى ەل ءۇمىتىن ارقالاپ، ەلىمىزدىڭ عارىشقا ۇشۋ ارمانىن جۇزەگە اسىردى. عارىشكەرسىز عارىش كەمەسىن ۇشىرۋدان عارىشكەرلى عارىش كەمەسىن ۇشىرۋعا دەيىن، ءبىر كۇندە ءبىر عانا ادام ۇشۋدان بىرنەشە كۇندە بىرنەشە ادام ۇشقانعا دەيىن، عارىشتا جۇرۋدەن عارىش كەمەسى مەن نىسانالى ۇشۋ جابدىعىن ءساتتى تۇيىلىستىرگەنگە دەيىن، جالعىز كەمەنى ۇشىرۋدان تىركەمەلى كەمەنى ۇشىرۋعا دەيىن، عارىشتا تۇرىپ جەر بەتىندەگىلەرمەن سويلەسكەننەن عارىشتا تۇرىپ ساباق وتۋگە دەيىن …… عارىشقا ادام الىپ ۇشۋ ينجەنەرياسىنىڭ ءاربىر قادامىنان پارتيا ورتالىق كوميتەتى زور ءۇمىت كۇتىپ، ەلىمىزدىڭ عىلىم تەحنيكانىڭ العا باسۋىن اڭسايتىن زامانالىق كۇشتى تىلەگەن بەينەلەدى.

  (ورتالىق ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.