بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

پارتيا ۇكىمەت ورگاندارىنىڭ ءىسساپارىنا باعىتتالعان ۇكىمەتتىك قوناق ءۇي تۇيىندەرىندە ساقتالعان كەلەڭسىز جايىتتەر: تالون ارقىلى ەسەپتەن كوتەرۋدىڭ استارىنداعى شىرىكتەسۋشىلىكتەر

2013.08.26 15:59     كەلۋ قاينارى : حالىق تورابى

  2006-جىلى قازىنا مينيسترلىگى جولعا قويعان پارتيا مەن ۇكىمەت ورگاندارىنىڭ ءىسساپارىنا، جيىن اشۋىنا باعىتتالعان ۇكىمەتتىك قوناق ءۇي تۇيىندەرى ءتۇزىمى ۇكىمەت اقشاسىن توگىپ شاشۋدىڭ، شىرىكتەسۋدىڭ الدىن الۋداعى قارىمدى قارۋعا اينالىپ وتىر. الايدا، قازىرگى «جەزوكشەنىڭ اپانى» بولعان تۇنگى ساۋىقحانالار بۇل ءتۇزىمدى وزدەرىنە قالقا تۇتىپ وتىر، مۇنداي كەرەعارلىق جايت بۇقارانىڭ قاتتى نارازىلىعىنا ۇشىراۋدا.

  بۇل جونىندە شىرىكتەسۋگە قارسى تۇرۋدىڭ مامانى مەملەكەتتىك اكىمشىلىك ينيستيتۋتىنىڭ پروفەسسورى جۋ ليجيا: «ۇكىمەتتىك قوناق ءۇي تۇيىندەرى تۇراقتاندىرىلعان سوڭ ول جونىندەگى باقىلاۋدىڭ بوساڭسۋى سالدارىنان بەيباستاق جايىتتەر ءوربىپ وتىر» دەپ تۇجىرىمدادى. جاقىندا جۇڭگو جاستار گازەتىنىڭ ءتىلشىسى ەلىمىزدەگى 31 ولكە، اۆتونوميالى رايون، توتە قاراستى قالالارداعى 4740 ۇكىمەتتىك قوناق ءۇي تۇيىندەرىنە تەكسەرۋ جۇرگىزۋ بارىسىندا، «قوناق ءۇيدىڭ دارەجەسى قالىپتى، باعاسى لايىق بولۋداي» پرينسيپ بولا تۇرا، تىزىمدەگى ءتورت-بەس جۇلدىزدى قوناق ۇيلەردىڭ سانى ءالى دە تەڭ جارتىسىنا تاياۋ بولىپ، استا-توك قىزمەت وتەۋ تۇرلەرى مولايىپ، ۇكىمەت ءمانساپتىلارىنىڭ سانىن جالعان مالىمدەۋ، ەسەپتەن ارتىق كوتەرتۋ، «جالعان تالون» تاپسىرۋ قازىرگى كومەسكى ەرەجەگە اينالىپ وتىر.

  «ارتىق باعا جازىلعان» تالوندى ەسەپتەن كوتەرۋ شىرىكتەسۋدىڭ كومەسى تاسىلىنە اينالۋدا

  كەزەكتە «ارتىق ولشەمدى كەڭەس بولمە» مەن «كول-كوسىرلىك قىزمەت وتەۋ» قاتار ومىر سۇرۋدە، بۇل ءتىلشىنىڭ ۇكىمەتتىك قوناق ءۇي تۇيىندەرىن ەكشەۋ بارىسىندا بايقاعان تاعى ءبىر بىلىقپالىق جايت. الايدا جاپپاي ءومىر ءسۇرىپ وتىرعان، كومەسكى ەرەجەنىڭ بىرىنە اينالعان تالونعا «ارتىق باعا جازدىرۋ» قۇبىلىسى ءبىر ءبولىم قىزمەتكەرلەردىڭ ۇكىمەتتىك ءىسساپارداعى شىرىكتەسۋ قۇبىلىسىن جىلماعايلاپ، ءىز-توزىن بىلدىرتپەۋگە مۇمكىندىك تۋدىرعان.

  پروفەسسور جۋ ليجيا مەديانىڭ سۇحباتىن قابىلداعاندا: ۇكىمەتتىك قوناق ءۇي تۇيىندەرى «تۇراقتى بولعاندىعى ءۇشىن قاداعالانباۋى» سالدارىنان شىرىكتەسۋدىڭ جاڭا ورتاسىنا اينالۋىنا جەبەۋشى بولىپ وتىر، دەگەندى توتەسىنەن ايتتى.

  «ۇكىمەتتىك قوناق ءۇي تۇيىندەرىنىڭ جابدىقتارى ولشەمگە تولسا، ونى ‹تۇراقتاندى› دەۋگە بولمايدى. باسقا قوناق ۇيلەرگە قاراعاندا، ۇكىمەتتىك قوناق ءۇي تۇيىندەرى بولعان مەيمانحانالاردى جايشىلىقتا اناعۇرلىم جيى-جيى ، اناعۇرلىم قاتاڭ تەكسەرىپ وتىرۋ ءجون. ويتكەنى ولار ءوتىنىش بەرۋ، مەردىگەرلىككە قاتىناسۋ سىندى جاريا تارتىپتەر ارقىلى، ءوز ەرىكتەرىمەن ‹تۇراقتى تۇيىنگە›اينالعان، بۇل ونىڭ اناعۇرلىم كوپ جاۋاپكەلىك ارقالايتىندىعىن جانە ءوزىن - ءوزى تەجەيتىندىگىن» تۇسىندىرەدى، دەدى جۋ ليجيا.

  پروفەسسور لي چىڭيان بىلاي دەپ قارادى: «مونوپوليالاۋدان شىرىكتەسۋشىلىك ءوربيدى، ونىڭ ۇستىنە باقىلاۋ ويداعىداي بولماسا» ول ءبىر ءبولىم ۇكىمەتتىك قوناق ءۇي تۇيىندەرىن بىلىقپالىققا دۋشار ەتەدى. «ۇكىمەت تە بازارعا قاراي باعا بەلگىلەپ، بازاردىڭ باقىلاۋىن قابىلداۋى كەرەك». ول تاعى دا قاتىستى تاراۋلاردىڭ جاڭا بەلگىلەمەلەر شىعارىپ، «قوناق ۇيدىڭ قىمباتىنا جۇگىرمەي، ودان گورى قاراپايىمداۋلارىن تاڭداۋىن ءجون» سانادى. قوناق ۇيلەر تۇراقتى تۇيىندەر تىزىمدىگىنە ەنگىزىلگەننەن كەيىن، ۇكىمەت قىزمەتكەرلەرى كول-كوسىرلىك قىزمەت وتەۋ جاعىندا، ءوزىن تەجەي ءبىلۋى، تارتا جەۋ، تارتا جۇمساۋى؛ قاتىستى ورىندار دا ەسەپتەن كوتەرەتىن تالونعا قازىنالىق باقىلاۋ جۇرگىزۋدى كۇشەيتۋى قاجەت. ويتكەنى «قازىنالىق باقىلاۋ ەڭ كەمەلدى باقىلاۋ».

   (ورتالىق ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.