بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

ءتورت تاراۋ بىرلىكتە كەمەلەتكە تولماعاندارعا جىنىستىق زالال جەتكىزۋ قىلمىسىن زاڭ بويىنشا جازالاۋ تۋرالى پىكىردى تاراتتى، وندا

جىنىستىق زالال جەتكىزۋ قىلمىسىن دەركەزىندە بايقاۋ جانە وعان تيىم سالۋ بەلگىلەندى

2013.10.25 12:59     كەلۋ قاينارى : حالىق تورابى

  حالىق تورابىنىڭ ءتىلشىسى ياڭ مىڭچىن 24-قازاندا بەيجيڭنەن حابارلايدى. ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى جانە ءادىليا مينيسترلىگى بىرلەسىپ اقپار جاريالاۋ جينالىسىن وتكىزىپ، «كامەلەتكە تولماعاندارعا جىنىستىق زالال جەتكىزۋ قىلمىسىن زاڭ بويىنشا جازالاۋ تۋرالى پىكىردى» (تومەندە قىسقاشا «پىكىر» دەلىنەدى) جاريالادى جانە تيپتىك دەلولار جونىندە تىلشىلەردىڭ سۇراۋىنا جاۋاپ بەردى. «پىكىردە» كەمەلەتكە تولماعاندارعا جىنىستىق زالال جەتكىزۋ قىلمىسىن زاڭ بويىنشا قاتاڭ جازالاۋ كەرەك دەپ بەلگىلەنگەن. ەڭ جوعارى حالىق سوت مەكەمەسىنىڭ اقپارات مالىمدەمەشىسى سۇن جۇنگوڭنىڭ تانىستىرۋىنشا، «پىكىر» 34 تارماققا ءبولىنىپ، جالپى تۇلعا جاعىنان «ەڭ جوعارى شەكتە قورعاۋ»، «ەڭ تومەنگى شەكتە سابىر ساقتاۋ» سىندى جەتەكشى يدەيا ايگىلەنگەن، جىنىستىق زالال جەتكىزۋ قىلمىسىن زاڭ بويىنشا قاتاڭ جازالاۋ، كامەلەتكە تولماعانداردى قورعاۋ تەبىنىن كۇشەيتۋ سىندى باستى ەكى جاق ءتۇيىن ەتىلىپ بەلگىلەمە جاسالىپ، جىنىستىق زالال جەتكىزۋ قىلمىسىن دەركەزىندە بايقاۋ جانە وعان تيىم سالۋ تالاپ ەتىلگەن.

  «پىكىردىڭ» 9-تارماعىندا كەمەلەتكە تولماعاندار جونىندە قامقور بولۋ، ولاردى تاربيەلەۋ، جاتتىقتىرۋ، قۇتقارۋ، كۇتۋ، ەمدەۋ قاتارلى ەرەكشە جاۋاپكەرلىگى بار ادامدار (تومەندە قىسقاشا ەرەكشە جاۋاپكەرلىگى بار ادامدار دەلىنەدى) مەن باسقا دا ازاماتتار جانە ورىندار كامەلەتكە تولماعانداردىڭ جىنىستىق زالالعا ۇشىراپ جاتقانىن بايقاسا، قوعام حاۋىپسىزدىك ورگانىنا، حالىق پروكۋراتۋراسىنا، حالىق سوت مەكەمەسىنە مالىمدەۋگە نەمەسە اشكەرەلەۋگە ۇقىقتى جانە بورىشتى دەپ بەلگىلەنگەن. «پىكىردىڭ» 10-تارماعىنىڭ 2-تارماقشاسىندا قوعام حاۋىپسىزدىك ورگانى كامەلەتكە تولماعانداردىڭ جىنىستىق زالالعا ۇشىراۋ مۇمكىندىگى بارلىعىن بايقاسا نەمەسە وعان قاتىستى دەرەكتەر جونىندە مالىمەت السا، ول دەلو ءوز ورنىنىڭ قاراستىلىعىندا بولسىن-بولماسىن، تۇگەلدەي دەركەزىندە قىلمىستىق ارەكەتتى تيىپ، زيانكەستىككە ۇشىراۋشىنى، ناق مايداندى قورعاۋ شارالارىن قولدانۋى، قاجەت بولسا، قاتىستى ورىندارعا زيانكەستىككە ۇشىراۋشىنى ۋاقىتشا ورنالاستىرا تۇرۋدى، ونى قۇتقارۋدى حابارلاۋى كەرەك دەپ بەلگىلەنگەن. بۇلاي بەلگىلەۋدەگى ماقسات كامەلەتكە تولماعاندارعا جىنىستىق زالال جەتكىزۋ قىلمىسىن سول كەزدىڭ وزىندە بايقاپ جانە ونى تيىپ، زيانكەستىككە ۇشىراۋشىنىڭ ءتىپتى دە اۋىر زالالعا ۇشىراۋىنىڭ الدىن الۋ بولىپ تابىلادى.

  قامقورشىنىڭ كەمەلەتكە تولماعاندارعا جىنىستىق زالال جاساۋى جونىندە «پىكىردىڭ» 33-تارماعىندا قامقورشى بولۋ تولىمدىلىعىنا يە باسقا دا ادامدار، حالىق ىستەرى تاراۋى قاتارلى ورىندار مەن ۇيىمدار حالىق سوت مەكەمەسىنە ءوتىنىش بەرىپ، قامقورشىنى قامقورشىلىق تولىمدىلىعىنان قالدىرىپ، باسقادان قامقورشى بەلگىلەۋدى تالاپ ەتسە، حالىق سوت مەكەمەسى ونى قولداۋى كەرەك دەپ بەلگىلەنگەن. بۇلاي بەلگىلەۋدەگى ماقسات كامەلەتكە تولماعان زيانكەستىككە ۇشىراۋشىنىڭ كەلەشەگىنەن الاڭداپ، زالالعا شىداپ، ءتىپتى دە اۋىر زالالعا تاپ بولۋىنا سەبەپ بولۋىنىڭ الدىن الۋ بولىپ تابىلادى.

  (ورتالىق ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.