بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

جيپ ماركالى اۆتوكولىك تيان-انمىن الاڭىنداعى جينشۇي كوپىرىنە سوعىلدى

2013.10.29 14:48     كەلۋ قاينارى : حالىق تورابى

  

  بۇگىن (28-قازان) ساعات 12دەن 05 مينۋت وتكەندە جيپ ماركالى اۆتوكولىك بەيجيڭ قالاسى نانچىزى كوشەسىنىڭ وڭتۇستىگىنەن چاڭ-ان كوشەسىندەگى جاناما جولعا كىرىپ، شىعىستان باتىسقا قاراي كەتىپ بارا جاتقاندا تيان-انمىن الاڭىنداعى جينشۇي كوپىرىنىڭ راشەتكاسنا سوعىلىپ ورتەنگەن، وسى بارىستا كوپتەگەن ساياحاتشىلار مەن كەزەكشى ساقشىلار جارالانعان. بەيجيڭ قالاسىنداعى قوعام حاۋىپسىزدىگى، شۇعىل جاعدايلارعا توتەپ بەرۋ، دەنساۋلىق ساقتاۋعا جاۋاپتى قاتىستى تاراۋلار شۇعىل جاعدايلارعا توتەپ بەرۋ جوباسىن دەرەۋ ىسكە قوسىپ، قىزمەتتى ورىستەتتى ءارى قۇتقارۋ قىزمەتىن ۇيىمداستىردى، جارالانعاندار سول ماڭداعى ەمحاناعا جەتكىزىلىپ، ساعات 13تەن 09 مينۋت وتكەندە قاتىناس قالپىنا كەلتىرىلدى.

  وقيعا تۋىلعاننان كەيىن ورتالىقتاعى باسشى جولداستار مەن قوعام حاۋىپسىزدىگى مينيسترلىگى، بەيجيڭ قالالىق پارتكوم مەن قالالىق ۇكىمەتتىڭ باسشىلارى ىلگەرىندى-كەيىندى ناق مايدانعا بارىپ، ءىستى ءبىرجاقتىلى ەتۋ قىزمەتىنە جەتەكشىلىك ەتىپ، جارالانعانداردى كۇش سالا ەمدەپ، ءىستىڭ انىق-قانىعىن دەرەۋ تەكسەرىپ، پارمەندى شارالار قولدانىپ، استانا قالانىڭ حاۋىپسىزدىگى مەن ورنىقتىلىعىنا كەپىلدىك ەتۋدى تالاپ ەتتى.

  العاشقى تەكسەرۋ مالىمەتىنە قاراعاندا، بۇل وقيعادا 5 ادام قازا بولىپ، 38 ادام جارالانعان، مۇندا وقيعا تۋدىرعان اۆتوكولىكتىڭ ىشىندە 3 ادام قازا بولعان، تاعى 2 ساياحاتشى (فيليپپيندىك ايەل ساياحاتشى، گۋاڭدۇڭدىق ەر ساياحاتشى) قازا بولعان، جارالانعان 38 ادامنىڭ ىشىندە فيليپپيندىك 3 ساياحاتشى (2 ايەل، ءبىر ەر)، جاپونيالىق ءبىر ەر ساياحاتشى بار. جارالانعانداردى كۇش سالا قۇتقارۋ ءۇشىن، قاتىستى ەمحانالار مامانداردى دەرەۋ ۇيىمداستىرىپ، شۇعىل كەڭەسىپ، جارالانعانداردىڭ احۋالىنا قاراي وپەراتسيا جاساۋ، جاراقاتىن تاڭۋ جانە باسقا دا شۇعىل ەمدەۋ شارالارىن قولدانعان. سول كۇنى تۇستەن كەيىن بەيجيڭ قالالىق پارتكوم مەن قالالىق ۇكىمەتتىڭ باسشىلارى ىلگەرىندى-كەيىندى ەمحاناعا بارىپ، ەمدەۋ قىزمەتىنە جەتەكشىلىك ەتتى ءارى جارالانعانداردان حال سۇرادى. قازىر جارالانعانداردى كۇش سالا ەمدەۋدە.

  قاتىستى تاراۋلار بۇل ىسكە تەكسەرۋ جۇرگىزۋدە.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.