- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مىڭ ديقان ولكە، قالا جانە رايون سىندى ءۇش دارەجەلى ۇكىمەتتى سوتقا بەردى
2013.11.29 13:15 كەلۋ قاينارى : حالىق تورابى
(حالىق تورابى قازاقشا ارناسى اۋدارىپ ۇسىنادى) جۋىردان بەرى گانسۋ ولكەسى لانجۋ قالاسىنداعى بۇرىن «اتى التى قىردان ارى اسپاعان» قالا ورتاسىنداعى قىستاق ــ سۇڭجياتان قىستاعىنىڭ اتاعى اسپانداپ كەتتى. «داۋدىڭ باسى دايرابايدىڭ كوك سيىرى» دەگەندەي، بىلتىر لانجوۋ قالالىق ۇكىمەت قالا جوسپارى مەن زاڭدا بەلگىلەنگەن ءتارتىپ بويىنشا اتالعان قىستاقتىڭ كوللەكتيۆ مەنشىگىندەگى تاقتايشا ماتەريالدار بازارىن وتكىزىپ الماقشى بولادى، الايدا ۇكىمەتتىڭ بازاردى وتكىزىپ الۋى مەن بەرىلگەن تولەم توڭىرەگىندە بوتەن پىكىرلەر تۋىنداعاندىقتان، سۇڭجياتان قىستاعىنداعى 1102 ديقان گانسۋ ولكەسى، لانجوۋ قالاسى، چىڭگۋان رايونى سىندى ءۇش دارەجەلى ۇكىمەتتى سوتقا بەرەدى.
بۇنداي ءىس بۇرىن تۇسىمىزگە دە كىرمەيتىن، ال بۇگىن زامانا وزگەردى، ماسەلەنى ءبىر جاقتىلى ەتۋ كوزقاراسى مەن امالىندا دا وتكەندەگىمەن زور ۇقساماستىقتار پايدا بولدى.
الدىمەن ديقانداردىڭ قولدانعان شاراسىنا كەلەيىك. قىستاقتىڭ كوللەكتيۆ مەنشىگىندەگى جەردى قالالىق ۇكىمەتتىڭ وتكىزىپ الۋى تۋرالى ماسەلەدە پىكىر الاۋىزدىعى تۋىلعاندا، ءوز ۇقىق مۇددەمىزدى قالاي قورعاۋىمىز كەرەك؟ جوعارىعا ارىز – ارمان ايتا بارۋ؟ ءىس شىعارۋ؟ بولماسا بىرەۋگە اماناتتاۋ؟ سۇڭجياتان قىستاعىنداعى ديقاندار ادۆاكات ۇسىنىس ەتىپ، زاڭدى جولمەن ۇقىقتارىن قورعادى، وسى ءۇشىن ولار نەشە ءجۇز مىڭ يۋاندىق بوداۋ بەرۋدەن تايىنبادى. وزدەرىنىڭ «زاڭدى ۇقىقتى ورىندى قورعاي الماعان» قىستاق كوميتەتىنىڭ بۇرىنعى مەڭگەرۋشىسىن اقىلسىز بالاعاتتاماستان، زاڭ ءتارتىبى بويىنشا قىزمەتىنەن الىپ تاستادى. ديقانداردىڭ وسىلاي ىستەۋى وزگەرىس بولعانىنان دەرەك بەرەدى. مۇنداي وزگەرىستىڭ قاراپايىم ديقانداردىڭ بويىنان تابىلۋى، راسىندا، نازار اۋدارۋعا تاتىرلىق، ۇيتكەنى بۇل قوعامنىڭ شاعىن كورىنىسى رەتىندە، زامانا وزگەرىسىنىڭ ادامدار ساناسىنا، ارەكەتىنە تەرەڭ ىقپال جاساعانىن تيۆتىڭ تۇرعىدان ايگىلەدى.
ۇكىمەتتىڭ ارەكەتىنە كەلەيىك. لانجوۋ قالاسى مەن چىڭگۋان رايونىنىڭ بۇل جەردى وتكىزىپ الۋى زاڭ – بەلگىلەمەلەر بويىنشا، تارتىپپەن جۇرگىزىلگەن، تولەم بەرۋ جاعىندا دا قىستاق تۇرعىندارىنىڭ مۇددەسىنە بارىنشا كوڭىل بولگەن: وتكىزىپ الىنعان جەردىڭ ورنىنا جاڭادان بەرىلەتىن جەردىڭ اۋدانى بۇرىنعىدان دا ۇلكەن ءارى مال – مۇلىك ۇقىعى بەرىلگەن؛ قىستاقتىڭ كوللەكتيۆىنىڭ جىلىنا 3 ميلليون يۋان ءارى جىل سايىن ارتىپ وتىراتىن جەردى مايعا بەرۋ اقىسى ىقپالعا ۇشىراعاندىقتان، چىڭگۋان رايونى ءوز قالتاسىنان زياندى تولىقتاپ تولەمەك بولعان؛ سونىمەن بىرگە، چىڭگۋان رايونى تاعى 29 ميلليون 190 مىڭ يۋانمەن قىستاق تۇرعىندارىنا زەينەتاقى قامسىزداندىرۋىن تاپسىرۋ ارقىلى، ولاردىڭ تۇرمىسىن قامتاماسىزداندىرماق بولعان. قىستاق تۇرعىندارىنىڭ زاڭ تارتىپتەرىنە سۇيەنە وتىرىپ، قىستاق كوميتەتىنىڭ مەڭگەرۋشىسىن قىزمەتىنەن قالدىرۋ ىسىنە ۇكىمەت قۇرمەتپەن قاراعان. ارينە، بۇل ءىس بارىسىندا، قاتىستى ۇكىمەت ءمانساپتىلارى «قيىندىقتى» سەزدى. جەرگىلىكتى ۇكىمەت وزدەرىنىڭ قايتا – قايتا بەرگەن كەڭەستەرى مەن جاقسى كوڭىلدەرىن قىستاق تۇرعىندارىنىڭ تۇسىنبەگەنىن سەزىندى، بۇل قىزمەتتى جالعاستى ىلگەرىلەتۋدە قيىنشىلىققا ءدۇپ كەلدى. وسىنداي جاعدايدا، زاڭ كەسىمىنىڭ ماڭىزى ارتا ءتۇستى. سوندا دا ۇكىمەت حالىق سوتىنا ارىزدانبادى.
ەڭ سوڭىندا سوتتىڭ ۇكىمىنە كەلەيىك. بۇقارانىڭ ءمانساپتىلاردى سوتقا بەرۋى اڭگىمە بولۋدان قالعان، الايدا ولكە، قالا، رايون سىندى ءۇش دارەجەلى ۇكىمەتتى سىپىرا سوتقا بەرۋ سىندى ءىستى لانجوۋ قالالىق ورتا دارەجەلى حالىق سوتى تۇڭعىش رەت قابىلداعان. ەڭ سوڭىندا لانجوۋ قالالىق ورتا دارەجەلى حالىق سوتى سوت ۇكىمىن شىعارىپ، 14 ارىز – شاعىمنىڭ ىشىندە، سۇڭجياتان قىستاعى 5 ارىزدا جەڭىپ، 9 ارىزدا جەڭىلدى، ەكى جاقتا دا جەڭۋ مەن جەڭىلۋ بار. سوتتىڭ ۇكىمىنە ەكى جاق نەگىزىنەن رازى بولدى.
وسى تۇرعىدان الىپ قاراعاندا، كەزىندە مەديالار جاعىمسىز جاقتان حابارلاعان سۇڭجياتان ديقاندارىنىڭ ارىزدانۋ دەلوسىندا كوپتەگەن جاعىمدى مالىمەتتەر قامتىلعان، ول بولسا ءارقايسى جاقتاردىڭ زاڭعا دەگەن قۇرمەتى ــ ديقانداردىڭ زاڭ بويىنشا ۇقىق – مۇددەلەرىن قورعاۋى، ۇكىمەتتىڭ زاڭ بويىنشا اكىمشىلىك جۇرگىزۋى، سوتتىڭ زاڭ بويىنشا ۇكىم شىعارۋى. بۇل بارىس توتەنشە كەمەلدى بولماسا دا، ءمانى وزگەشە، ۇيتكەنى، ول جۇڭگودا تۋىلىپ جاتقان وزگەرىستەردى كورسەتتى، مۇنان دا ماڭىزدىسى، ول بولاشاقتاعى دامۋ باعدارىن نۇسقادى. بارعان سايىن كۇردەلىلەسكەن قوعامدا، سايكەستىرۋ مەن اكىمشىلىك ادىستەمەلەر قايشىلىقتاردى شەشۋدەگى رولىن ءالى جوعالتپادى، الايدا قايشىلىقتى شەشۋدىڭ ەڭ نەگىزگى جولى زاڭ – ءتۇزىم. زاڭمەن باسقارۋ جانە زاڭ ءتاسىلى بولاشاقتا تۇرمىسىمىزدا بارعان سايىن ماڭىزدى رول وينايدى، بارلىق ادام، بارلىق قۇرىلىمدار زامانانىڭ وسى وزگەرىسىنە ءسوزسىز بەيىمدەلۋى كەرەك.
ديقانداردىڭ جەرىنە ۇيلەسىمدى تولەم بەرۋ، جەر باسقارۋ تۇزىمىندەگى رەفورما، جۋىردا عانا اشىلعان 18 – كەزەكتى ءۇشىنشى جالپى ءماجىلىس باعدارىمىزدى ايقىندادى، ءىس جۇزىندىك رەفورما ەندى جۇرىلەدى. ءتىپتى دە ۇيلەسىمدى ناتيجەلەردىڭ بارلىققا كەلۋىنەن ۇمىتتەنۋگە قاقىلىمىز.
«حالىق گازەتى» (2013 – جىلى 29 – قاراشا، 5 – بەت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
