- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2014 - جىلعى قورا - جاي بازارىن تىزگىندەۋگە قاتىستى ءۇش ءتۇرلى ساياسات جونىندەگى سەگنال
2013.12.25 13:11 كەلۋ قاينارى : حالىق تورابى
24 - جەلتوقساندا اشىلعان مەملەكەتتىك تۇرعىن ءۇي، قالا - اۋىل قۇرىلىسى قىزمەتى ماجىلىسىندە تۇرعىن ءۇي جانە قالا - اۋىل قۇرىلىسى مينيسترى جياڭ ۋيشين كەلەر جىلعى قىزمەت جايلى ورنالاستىرۋ جاساعاندا، «قورا - جاي بازارىن تىزگىندەۋ جانە باقىلاۋ - باسقارۋ قىزمەتى جالعاستى مىقتى يگەرىلەدى» دەپ اشىق ايتتى، سونىمەن بىرگە مىناداي ءۇش ءتۇرلى ساياسات جونىندە سەگنال بەردى: تۇرگە ءبولىپ جەتەكشىلىك ەتۋگە اناعۇرلىم ءمان بەرۋ، مۇلىك ۇقىعى ورتاق تۇرعىن ءۇي قۇرىلىسىن دامىتۋ جاعىندا ىزدەنىس جاساۋ جانە بازاردى باقىلاپ - باسقارۋدى كۇشەيتۋ.
ءبىرىنشى سەگنال: تۇرگە ءبولىپ جەتەكشىلىك ەتۋگە اناعۇرلىم ءمان بەرۋ
جياڭ ۋيشين بىلاي دەدى: «تىزگىندەۋدىڭ باعىتتامالىلىعىن باسا دارىپتەۋ كەرەك. قورا - جاي بازارىندا جارىققا شىققان جاڭا جاعدايدى كوزدە ۇستاي وتىرىپ، تۇرگە ءبولىپ جەتەكشىلىك ەتۋگە اناعۇرلىم ءمان بەرۋ. بەيجيڭ، شاڭحاي، گۋاڭجۋ، شىنجىن سياقتى ءۇي باعاسىنىڭ قىمباتتاۋى تىم تەز قالالاردا پارىقتى تۇرعىن ءۇي قارىز اقشا باجىسىن الۋ مەن تۇرعىن ءۇي ساتىپ الۋعا شەك قويۋ ساياساتىن قاتاڭ تياناقتاندىرۋ كەرەك. ءۇي باعاسى قۇلدىراي باستاعان قالالاردا ساتىلماي بوس تۇرعان ۇيلەردى ءبىرجاقتىلى ەتۋگە ءمان بەرىپ، تىڭنان سالىناتىن ءۇي سانىن تىزگىندەۋ كەرەك.
ەكىنشى سەگنال: مۇلىك ۇقىعى ورتاق تۇرعىن ءۇي قۇرىلىسىن دامىتۋ جاعىندا ىزدەنىس جاساۋ
قالا - قالاشىقتانۋ مەن ونەركاسىپتەنۋدىڭ ىشكەرىلەي دامۋىنا بايلانىستى ءبىرتالاي جەرلەردە تۇرعىن ۇيمەن قامداۋ قاجەتسىنۋدى قاتاعاتتاندىرا الماۋ، ءۇي باعاسىنىڭ قىمباتتاۋ قىسىمى ءبىرشاما اۋىر بولۋ، ورتاشا - تومەن كىرىستى وتباسىلاردىڭ تۇرعىن ءۇي جاعىنداعى تولەۋ قۋاتىنىڭ ءالسىز بولۋى سياقتى جايتتەر جارىققا شىقتى.
جياڭ ۋيشين بىلاي دەدى: جەرگىلىكتى ورىنداردى ءوز جەرلەرىنىڭ ىسجۇزىندىك جاعدايىن شىعار ءتۇيىن ەتە وتىرىپ، تۇرعىن ۇيمەن قامداۋ ۇلگىسىندە بەلسەنە جاڭالىق جاراتىپ، مۇلىك ۇقىعى ورتاق تۇرعىن ءۇي قۇرىلىسىن دامىتۋ جاعىندا ىزدەنىس جاساۋعا شابىتتاندىرۋ كەرەك.
ءۇشىنشى سەگنال: بازاردى باقىلاپ - باسقارۋدى كۇشەيتۋ
جياڭ ۋيشين بىلاي دەدى: 2014 - جىلى تاۋار ءۇيدى كۇنى بۇرىن ساتۋ مەن ساتۋدىڭ جالپى بارىسىن باسقارۋدى جالعاستى كۇشەيتىپ، جەرگىلىكتى ورىنداردى ساۋدا قارجىسىن باقىلاۋ - باسقارۋ ءتۇزىمىن جەدەل كەمەلدەندىرۋگە جەتەلەپ، قايتا ساتىلاتىن ءۇي جونىندە توراپتا توقتامداسۋدى زور كۇشپەن ىلگەرىلەتىپ، ۇيگە قاتىستى ساۋدا - ساتتىق قيمىلدارىن ارناعا ءتۇسىرۋ كەرەك.
جياڭ ۋيشيننىڭ تانىستىرۋىنا قاراعاندا، 2014 - جىلى تۇرعىن ءۇي جانە قالا - اۋىل قۇرىلىسى مينيسترلىگى مەن مەملەكەتتىك ونەركاسىپ - ساۋدا اكىمشىلىك باسقارۋ باس مەكەمەسى تاۋار ءۇيدى كۇنى بۇرىن ساتۋ توقتامىنىڭ ۇلگى نۇسقاسىن وزگەرتىپ جاريالايدى ەكەن. سونىمەن بىرگە، جەر-جەردەن قورا - جاي شارۋاشىلىعىمەن شۇعىلداناتىن كاسىپورىندارىن، قوجالىق كاسىپورىندارىن، دانەكەر قۇرىلىمدارىن باقىلاپ - باسقارۋدى كۇشەيتۋ تالاپ ەتىلەدى ەكەن.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
