- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇرعىنداردىڭ زەينەتاقىسى قاشان وسەدى (حالىق تۇرمىسىنا نازار)
2014.03.14 16:01 كەلۋ قاينارى : حالىق تورابى
جاڭاشا اۋىل – قىستاق قامسىزداندىرۋى مەن قالا – قالاشىق تۇرعىندارىنىڭ تۇرمىستىق قامسىزداندىرۋىن بىرلەستىرۋ جۇرتتىڭ تۇرعىنداردىڭ زەينەتكەرلىك قامسىزداندىرۋ تۇزىمىنە اناعۇرلىم نازار اۋدارۋىنا تۇرتكى بولدى. كوپتەگەن ادام اتى «زەينەتكەرلىك قامسىزداندىرۋ» بولعانىمەن، ءبىراق وسى قامسىزداندىرۋعا سۇيەنىپ قارتتاردى باعۋدىڭ قيىن ەكەنىن بايقادى.
2013 – جىلدىڭ سوڭىندا جاڭاشا اۋىل – قىستاق قامسىزداندىرۋى مەن قالا – قالاشىق تۇرعىندارىنىڭ تۇرمىستىق قامسىزداندىرۋىنا قاتىناسقان ادام سانى 498 ميلليون ادامعا جەتىپ، مۇنىڭ ىشىندە اي سايىن زەينەتاقى الاتىن قالا – اۋىل تۇرعىندارىنىڭ سانى 138 ميلليون ادام بولعان، ولاردىڭ ايلىق ورتاشا زەينەتاقىسى 81 يۋان بولىپ، تۇتاس جىلدا الاتىنى 1000 يۋانعا دا جەتپەگەن.
سونىمەن بىرگە، كاسىپورىننان دەمالىسقا شىققان قىزمەتكەرلەردىڭ ايلىق ورتاشا زەينەتاقىسى 2000 يۋان اينالاسىندا؛ اۋىل – قىستاقتارداعى ەڭ تومەنگى تۇرمىسى قامتاماسىزداندىرىلاتىنداردىڭ جىلىنا الاتىن 2200 نەشە يۋان؛ كەدەيلەردى سۇيەمەلدەۋ ولشەمى ادام باسىنا ورتا ەسەپپەن 2300 يۋان.
تۇرعىنداردىڭ زەينەتكەرلىك مامىلەسىنىڭ ولشەمى جوعارىلاي ما – جوعارىلاماي ما؟ بۇدان نەشە 100 ميلليون ادام ۇمىتتەنىپ وتىر.
«55 يۋان بولعانىنا تالاي جىل بولدى، نەگە ەكەن؟ ايتەۋىر وسپەي قويدى». لي حۇڭ: جاڭاشا اۋىل – قىستاق قامسىزداندىرۋى جامان دەگەندىك ەمەس، مامىلەنى جوعارىلاتسا بولادى، بۇل قامسىزداندىرۋعا قاتىناسۋشىلاردىڭ ورتاق تىلەگى دەدى.
قالا – قالاشىقتارداعى كاسىپورىن قىزمەتكەرلەرىنىڭ نەگىزگى زەينەتكەرلىك قامسىزداندىرۋى ءۇرتىس 10 جىل ارتتى، جاڭاشا اۋىل – قىستاق قامسىزداندىرۋى مەن قالا – قالاشىق تۇرعىندارىنىڭ تۇرمىستىق قامسىزداندىرۋى بويىنشا بەرىلەتىن زەينەتاقى سوڭعى بەس جىلدا ءبىر تيىن دا وسپەدى، كەيبىر قامسىزداندىرۋعا قاتىسۋشىلار بىلاي دەدى: كاسىپورىننان دەمالىسقا شىققاندار ەندىگى جەردە قامسىزداندىرۋ اقىسىن تاپسىرماسا دا، زەينەتاقىلارى جىل سايىن وسە بەرەدى. تۇرعىنداردىڭ زەينەتكەرلىك قامسىزداندىرۋ مامىلەسىن كاسىپورىنداردىڭ زەينەتاقىسىمەن سالىستىرۋعا مۇلدە كەلمەيدى، الايدا رەتتەۋ جيىلىگىندە مۇنداي ۇلكەن پارىق بولماۋ ءتيىس، ويتپەگەندە كىسىگە تەڭسىز سەزىلەدى.
ۇعىسۋعا قاراعاندا، 2011 – جىلدىڭ سوڭىندا ەلىمىزدە «قوعامدىق قۇتقارۋ مەن قامتاماسىزداندىرۋدىڭ ولشەمى زات باعاسىنىڭ قىمباتتاۋىمەن بايلانىستىرىلعان» ءوزارا اسەر ەتەتىن مەحانيزم تولىق ورنادى. ەڭ تومەنگى تۇرمىستى قامتاماسىزداندىرۋ ولشەمى، جۇمىسسىزدىق قامسىزداندىرۋ قاراجاتى، كاسىپورىن قىزمەتكەرلەرىنىڭ زەينەتاقى مامىلەسى سياقتى ءتۇرلى كورسەتكىشتەر زات باعاسىنىڭ قىمباتتاۋ جاعدايىمەن بىرلەستىرىلىپ، سوڭعى جىلداردا جىل سايىن رەتتەلدى. الايدا، جاڭاشا اۋىل – قىستاق قامسىزداندىرۋى مەن قالا – قالاشىق تۇرعىندارىنىڭ تۇرمىستىق قامسىزداندىرۋىنىڭ نەگىزگى زەينەتاقىسى وزگەرمەدى.
بۇل جونىندە، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى حۋ شياۋ – ي مىناداي تۇسىندىرمە جاسادى: جاڭاشا اۋىل – قىستاق قامسىزداندىرۋى 2009 – جىلدان باستاپ تۇيىندە سىناق ەتىلدى، 2010 – جىلدان باستاپ سىناق تۇيىندەرى كەڭەيتىلدى، 2012 – جىلى تولىق جالپىلاستىرىلدى. تۇيىندە سىناق ەتۋ مەزگىلىندە سىناق ەتىلگەن جەرلەردە اۋىل – قىستاقتاعى قارتتارعا زەينەتاقى بەرىلدى، سىناق ەتىلمەگەن جەرلەردە اۋىل – قىستاقتاعى قارتتارعا ەشتەڭە بەرىلمەدى، سول سەبەپتى، وسى كەزەڭدە ەڭ الدىمەن شەشۋگە ءتيىستى ماسەلە دەرەۋ مامىلەنى جوعارىلاتۋ ەمەس، قايتا ءتۇزىم جاعىندا مەملەكەت بويىنشا تولىق جالپىلاستىرۋ ماسەلەسى بولدى. كەزەكتە وسى ەكى قامسىزداندىرۋ مەملەكەت بويىنشا تولىق جالپىلاستى ءارى بىرىگىپ قالا – اۋىل تۇرعىندارىنىڭ بىرلىككە كەلگەن زەينەتكەرلىك قامسىزداندىرۋ تۇزىمىنە اينالدى، سوندىقتان مامىلەسى مەن دەڭگەيىن مەزگىلگە قاراي لايىقتى ءوسىرۋدى كۇن تارتىپكە ەنگىزۋ قاجەت.
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
