بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

ورتالىقتاعى ورگانداردا قانداي جاڭا مەكەمەلەر قۇرىلدى؟

2014.04.30 14:21     كەلۋ قاينارى : حالىق تورابى

  ەڭ جوعارى حالىق سوتى مەكەمەسى 29 – ساۋىردە جاۋاپكەرشىلىككە ساياتىن اۋىر شىرعالاڭداردى تەكسەرۋ كەڭسەسىن قۇردى. بۇل جاڭا مەكەمەنى قۇرۋداعى ماقسات: مەملەكەتتىك ورگاندارداعى قىزمەتكەرلەردىڭ جاۋاپكەرشىلىككە ساياتىن اۋىر شىرعالاڭدار بارىسىندا مىندەتىن اتقارماۋ نەمەسە جاۋاپكەرسىزدىك ىستەۋ قىلمىسىنا ارناۋلى تەكسەرۋ جۇرگىزۋ.

  وسى تەكتەس جاڭا قۇرىلىمداردى قۇرۋ ارقىلى جاڭا تۋىنداعان ماسەلەلەردى شەشىم ەتۋ ءارى 18 – كەزەكتى 3 – جالپى ماجىلىستە بەكىتىلگەن رەفورمانى جالپى بەتتىك تەرەڭدەتۋ وي جەلىسىن تياناقتاندىرۋ ورتالىقتاعى ورگاندار مەن مينيسترلىك – كوميتەتتەردىڭ جاڭا كەزەكتى رەفورما بارىسىنداعى كوزگە تۇسەر رەفورما تۇيىنىنە اينالدى.

  جاڭا قۇرىلىمدار ارقىلى جاڭا تۋىنداعان ماسەلەلەر شەشىم ەتىلەدى

  مينيسترلىك – كوميتەتتەرگە قاراستى ورگاندارعا جاڭا كەزەكتى رەتتەۋ جۇرگىزۋ شارالارىنىڭ ىشىندە، ساۋدا مينيسترلىگىندە جاڭادان قۇرىلعان «ەۆر - ازيا مەڭگەرمەسى» نازارعا بىردەن ىلىگەدى.

  ءتوراعا شي جينپيڭ ورتاعا قويعان مەملەكەتتىك دەڭگەيدەگى ماڭىزدى ستراتەگيا ەسەبىندەگى «جاڭا جىبەك جولى ەكونوميكالىق بەلدەۋى» مەن «21 – عاسىرداعى تەڭىزدەگى جىبەك جولى» سىندى ۇلى جوسپارلاردىڭ قالاي ىسكە اسىرىلاتىنىن «سىرت كوز» سىناپ وتىر.

  17 – ساۋىردە اشىلعان ساۋدا مينيسترلىگىنىڭ داعدىلى اقپار جاريالاۋ ماجىلىسىندە اتالعان مينيسترلىكتىڭ مالىمدەمەشىسى شىن دانياڭ مىنالاردى مالىمدەدى: بۇرىنعى مەڭگەرمە – مەكەمەلەر نەگىزىندە ساۋدا مينيسترلىگى تاعى 5 مەڭگەرمە – مەكەمە قۇرادى، مۇندا ەۆر – ازيا مەڭگەرمەسى «جاڭا جىبەك جولى» ستراتەگيالىق وي جەلىسىن سايكەستىرۋ جانە باسقارۋ قىزمەتىنە ارنايى جاۋاپتى بولىپ، ساۋدا – ەكونوميكا سالاسىنداعى سەلبەستىكتى دامىتۋ ستراتەگياسىن، وسى جاعىنداعى جوبالاردى جانە ساياساتتاردى جاساپ اتقارۋ، ەكى جاقتى، وڭىرلىك ساۋدا – ەكونوميكا بىرلەسپە كوميتەتتەرىن، ارالاسپا كوميتەتتەردى قۇرۋ، ەكى جاقتى وڭىرلىك ساۋدا – ەكونوميكا كەلىسسوزدەرىن ۇيىمداستىرۋ قاتارلى مىندەتتەردى ءوز ۇستىنە الىپ، قىزمەتتىڭ باعىتتامالىلىعىن ارتتىرادى.

  «جاڭا جىبەك جولىن بويلاعان بۇرىنعى سوۆەت وداعىنا قارايتىن ايماقتار مەن ورتا ازيا ەلدەرى ەۆروپا وداعىنا ۇقسامايتىن ەكونوميكالىق جۇيە، سوندىقتان، بۇل رەتكى قۇرىلىمدى رەتكە سالۋ ساۋدا مينيسترلىگىنىڭ «ەكونوميكالىق ديپلوماتيا» ستراتەگياسىن دايەكتىلەندىرۋ جانە تياناقتاندىرۋدى بەلسەندى قولدايتىنىن ايقىندادى. سونىمەن بىرگە، وسى ارقىلى مينيسترلىكتىڭ ىشكى بولەگىندەگى مىندەت ءبولىسى دە ايقىندالدى»، - دەيدى جۇڭگو قىزمەت وتەۋ سيپاتىندىق ساۋدا قوعامىنىڭ 1 – ورىنباسار باستىعى حۋاڭ حاي گازەتىمىزدىڭ تىلشىسىنە.

  ءبىر اپتانىڭ الدىندا قۇندى قاعاز ايىرباسىن باقىلاۋ كوميتەتى دە قۇرىلىم رەفورماسىنا «قوسۋ – الۋ امالىن» قولداندى.

  «الۋ» دەپ وتىرعانىمىز: بۇرىنعى 8 ءىرى ءبولىمنىڭ ىشىندەگى ۇقساس سالاداعىلار بىرىكتىرىلىپ، 4 ءبولىم بولىپ ىقشامدالدى؛ «قوسۋ» امالى دەگەندە 4 بولىمگە ىقشامداۋ الدىندا بولماعان جەكەلىك قوردى باقىلاۋ – باسقارۋ ءبولىمى، جاڭالىق سيپاتتى قىزمەت وتەۋلەردى باقىلاۋ – باسقارۋ ءبولىمى، سەرىكتىكتەردىڭ بەرەشەگىن باقىلاۋ – باسقارۋ ءبولىمى جانە زاڭسىز قۇندى قاعاز – مەرزىمدەمەلى بۇيىم ارەكەتتەرىنە سوققى بەرۋ مەكەمەسى قاتارلى مەكەمە – بولىمدەردىڭ قۇرىلۋى كورسەتىلگەن.

  جاڭا قۇرىلىمدار رەفورمانىڭ جاڭا وي جەلىسىن ايقىندادى

  ماسەلەلەردى شەشىم ەتۋدەن سىرت، جاڭا قۇرىلىمداردى قۇرۋ ءتاسىلى ارقىلى رەفورمانىڭ جاڭا وي جەلىسىن ايقىنداۋ ورتالىق پەن مەملەكەت ورگاندارىنىڭ قۇرىلىمدىق رەتتەۋ جۇرگىزۋىندەگى كورنەكتى ءتۇيىن.

  ورتالىق ءتارتىپ تەكسەرۋ كوميتەتىنىڭ تۇراقتى مۇشەسى، ورتالىق شتات كەڭسەسىنىڭ مەڭگەرۋشىسى جاڭ جينان 15 - ساۋىردە ورتالىق ءتارتىپ تەكسەرۋ كوميتەتى باقىلاۋ ءبولىمى تورابىنىڭ سۇحباتىن قابىلداعاندا ورتالىق ءتارتىپ تەكسەرۋ كوميتەتىنىڭ جاڭا كەزەكتى قۇرىلىمدىق رەفورماسىن ىشكەرىلەي تانىستىردى. وسى جولعى رەفورما بارىسىندا «ءتارتىپ تەكسەرۋ – باقىلاۋ قىزمەتىندەگى كادرلاردى قاداعالاۋ كەڭسەسىنىڭ» قۇرىلۋى دا قىزۋ تالقىعا مۇرىندىق بولدى.

  بيىل قاڭتاردا ورتالىق ءتارتىپ تەكسەرۋ كوميتەتىنىڭ 3 – رەتكى ماجىلىسىندە باس شۋجي شي جينپيڭ ءتارتىپ تەكسەرۋ – باقىلاۋ جۇيەسىندەگى «شامنىڭ ءتۇبى قاراڭعى» بولۋ ماسەلەسىن شەشۋدى باسا كورسەتكەن بولاتىن. بۇل تۋرالى جاڭ جينان ءوز ويلارىن بىلاي ءبولىستى: ەلدى تۇزەۋ ءۇشىن الدىمەن ءوزىمىز ءتۇزۋ بولۋىمىز كەرەك، بۇل رەتكى رەفورما بارىسىندا ورتالىق ءتارتىپ تەكسەرۋ كوميتەتى ىشكى جاقتاعى قاداعالاۋ قۇرىلىمدارىن كەمەلدەندىرۋ ارقىلى باقىلاۋ – باسقارۋدىڭ جابىق جۇيەسىن قۇردى، باسقالاردى باقىلاۋ بارىسىندا ورتالىق ءتارتىپ تەكسەرۋ كوميتەتى ءوزىن – ءوزى قاداعالاۋعا دەن قويىپ، باسقارۋدى كۇشەيتتى.

  وي جەلىسىندەگى وسى تەكتەس وزگەرىستەر باسقا دا مينيسترلىك – كوميتەتتەردە بايقالدى.

  جۋىردا قاتىناس – تاسىمال مينيسترلىگى جاريالاعان «ءۇشتى تۇراقتاندىرۋ» (قىزمەت فۋنكتسياسىن، قۇرىلىمدى، قىزمەتكەرلەردىڭ شتاتىن تۇراقتاندىرۋ) جوباسىندا تاس جول مەڭگەرمەسى، سۋ جولى مەڭگەرمەسى قۇرىلىپ، جەكە – جەكە تاس جول مەكەمەسى جانە سۋ جولى مەكەمەسى بولىپ وزگەرتىلدى ءارى تاس جول تاسىمال مەڭگەرمەسى جانە حاۋىپسىزدىكتى باقىلاۋ مەڭگەرمەسى قۇرىلدى. ساراپشىلاردىڭ ايتۋىنشا، بۇل كەلەسى قادامدا مەملەكەتتىك تاس جول مەكەمەسى مەن مەملەكەتتىك سۋ جولى مەكەمەسىن قۇرۋعا جاسالعان دايىندىق، وسى ارقىلى مەملەكەتتىك جول توراپتارىنىڭ سايكەسىمدىلىك ماسەلەسىن اناعۇرلىم ويداعىداي شەشىم ەتۋگە بولادى.

  ناۋرىزدا اشىلعان مەملەكەتتىك ەكى ماجىلىستە مەملەكەتتىك دامۋ – رەفورما جاساۋ كوميتەتىنىڭ مەڭگەرۋشىسى شۇي شاۋشى دامۋ – رەفورما جاساۋ كوميتەتىنىڭ دە «ءۇشتى تۇراقتاندىرۋ» جوباسىن جاريالاعانىن العاش رەت انىق اتاپ كورسەتتى. جاڭا جوبادا دامۋ – رەفورما جاساۋ كوميتەتىنىڭ قىزمەت فۋنكتسياسىندا ىشىكەرىلەي بۇرىلىس جاساۋ، زەيىندى شوعىرلاندىرا وتىرىپ ماكرولىق تەڭشەۋدى ويداعىداي ىستەۋ تالاپ ەتىلگەن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.