ۆيەتنامداعى 4 مىڭعا جۋىق جۇڭگولىق جۇمىسشى بۇگىننەن باستاپ ەلگە ورالا باستادى

2014.05.19 16:03   كەلۋ قاينارى : حالىق تورابى

　　حالىق تورابى 19 - مامىردا بەيجيڭنەن حابارلايدى: سىرتقى ىستەر مينيسترلىگى توراپ بەكەتىنىڭ حابارىنا قاراعاندا، 18 - مامىردا جۇڭگولىق جارالانعان جۇمىسشىلار ەلىمىز ۇكىمەتى ورنالاستىرعان جالداما ۇشاقپەن ەلگە ورالعاننان كەيىن، جۇڭگو ۇكىمەتىنىڭ تاراۋلار ارالىق قىزمەت گرۋپپاسى ۆيەتنامنىڭ حا - تين ولكەسىندەگى جۇڭگو مەتاللۋرگيا عىلىم – ونەركاسىپ توبى تايسۋ بولات زاۋاتىنىڭ نىسان بازاسىنا بارىپ، ونداعى زورلىقتى كۇش وقيعاسىندا سوققىعا ۇشىراعان جۇڭگولىق جۇمىسشىلاردان حال سۇرادى.

　　قىزمەت گرۋپپاسىنىڭ باستىعى، سىرتقى ىستەر مينيسترىنىڭ كومەكشىسى ليۋ جيانچاۋ ەڭ اۋەلى پارتيا مەن ۇكىمەتتىڭ سونداي - اق وتان حالقىنىڭ ولاردان شىنايى حال سۇرايتىندىعىن جەتكىزدى. ول زورلىقتى كۇش وقيعاسى تۋىلعاننان كەيىن، پارتيا مەن ۇكىمەتتىڭ كوپشىلىكتىڭ باس اماندىعىنا ەرەكشە كوڭىل بولگەندىگىن ءارى ەڭ تەز ۋاقىت ىشىندە ءۇش جالداما ۇشاق پەن ءتورت جولاۋشىلار كەمەسىن ورنالاستىرىپ كوپشىلىكتى وتانعا الىپ قايتاتىندىعىن ءبىلدىردى. ول كوپشىلىكتىڭ ويداعىداي ازىرلىك كورىپ، ءتارتىپتى شەگىنىپ، وتانعا امان – ەسەن ورالۋىن ءۇمىت ەتتى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى