بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

مىنبالاردىڭ ارمانىن جالعاۋشى گىساڭدىجي (ۇلتتار ىنتىماعىن ىلگەرىلەتۋدەگى وزات جەكە)

2014.09.24 14:22     كەلۋ قاينارى : حالىق تورابى

  شيزاڭنىڭ مەدوگ اۋدانى جۇڭگوداعى ەڭ سوڭعى تاس جول جەتكىزىلگەن اۋدان، ال باڭشين اۋىلى ەڭ سوڭعى تاس جول جەتكىزىلگەن اۋىل. 36 جاستاعى گىساڭدىجيدىڭ وسى باڭشين اۋىلىنداعى باستاۋىش مەكتەپتە تاپجىلماي وقىتۋشىلىق قىزمەت ىستەگەنىنە 14 جىل بولدى.

  بالا كەزىنەن يارلۇڭزاڭبو وزەنىنىڭ جاعاسىندا، گيمالاي تاۋىنىڭ باۋرايىندا وسكەن مىنبا ازاماتى گىساڭدىجيدىڭ اتا-مەكەنگە دەگەن ساعىنىشى بولەك ەدى. مىنە وسىنداي ساعىنىش 14 جىلدىڭ الدىندا ونى اتا-مەكەنگە ورالۋعا بەلدى بەكەم بايلاۋعا جەتەلەدى.

  بالا كەزىنەن وقۋعا ىنتالى گىساڭدىجي 16 جاسىندا ىشكەرىدەگى شيزاڭ كلاسىنا وقۋعا قابىلداندى؛ 1998-جىلى ۇزدىك ناتيجەمەن حىبي پەداگوگيكالىق ينستيتۋتىنا (قازىرگى حىبي پەداگوگيكالىق ۋنيۆەرسيتەتى) قاراستى ۇلتتار ينستيتۋتىنىڭ حانزۋ ءتىلى كاسىبىنە وقۋعا قابىلداندى. تاعدىرىندا بەلگىلى وزگەرىس بولعانىمەن، ءبىراق گىساڭدىجي ارتىنا كىلت بۇرىلدى. 2001-جىلى ماۋسىمدا، جوعارى مەكتەپ تاۋىسقاننان كەيىن، اياۋلى ۇستازدارى مەن قيماس ساباقتاستارىنا اسىعىس-ۇسىگىس قوشتاسقان گىساڭدىجي ”مەنىڭ ارمانىم تۋعان اۋىلىم مەدوگتا، اۋىلعا ءسوزسىز قايتۋىم كەرەك“ دەپ ات باسىن توتەسىنەن تۋعان اۋىلىنا تارتتى.

  وقۋعا جىگەرلەندىرۋ جولى

  باڭشين اۋىلداق باستاۋىش مەكتەپكە قىزمەتكە ءبولىنىپ، سىنىپ جەتەكشىسى مىندەتىن ارقالاعان گىساڭدىجيگە ەڭ الدىمەن كەزىككەن ماسەلە بالالاردى وقۋعا تۇسۋگە قالاي جەتەلەۋ ماسەلەسى بولدى.

  وقىتۋشىلىك قىزمەتكە ەندى عانا ارالاسقان گىساڭدىجيدىڭ بىلىمگە ىنتىزار بولىپ وتىرعان قوس جانارلاردى كورىپ جىگەرى تاسقىنداي ءتۇستى: ”ۇيرەنگەن ءبىلىمىمنىڭ بارلىعىن ولارعا ۇيرەتەمىن، ءارقانداي ءبىر بالاعا ۇيرەتۋدەن باس تارتاتىن سەبەبىم جوق.“ دەگەنمەن، ءامالياتتا اناعۇرلىم كوپ بالانىڭ وقۋدان قالۋى سىندى قيىن جاعدايدان باس تارتۋعا شاراسىز قالدى.

  مۇنىڭ سەبەبى ونشالىقتى كۇردەلى ەمەس، بىرىنشىدەن، جول جاقسى ەمەس، جىل بويى كوشكىن ءتۇسىپ، سەل ءجۇرىپ تۇرادى، جول جاقسى بولماعاندىقتان بالالاردىڭ اتا-اناسى بالالارىنىڭ اماندىعىنان الاڭدايدى؛ ەكىنشىدەن، كوزقاراستىڭ مەشەۋلىگى، ءبىرتالاي اتا-انالار وقۋدان ەش پايدا جوق، وقىعاننان گورى سىرتقا شىعىپ جۇمىس ىستەپ اقشا تاپقان نەمەسە اۋىلدا ەگىنشىلىكپەن شۇعىلدانعان جاقسى دەپ قارايدى.

  گىساڭدىجي ءۇي-ءۇيدى ارالاپ اتا-انالارعا پەرزەنتتەرىن وقۋعا بەرۋگە ناسيحاتتادى. ول ءۇشىن ۇنەمى قياداعى يىر-قيىر، جالعىز اياق قاتەرلى جولدارمەن جۇرۋىنە تۋرا كەلەدى. اتا-انالارعا قىزمەت ىستەگەندە، ءاردايىم ءوزىن مىسالعا الادى ــــ ۇيلەرىنىڭ ءال-اۋقاتى جاقسى بولماسا دا، ونىڭ اكە-شەشەسى ونى وزىمەن قۇرداس باسقا بالالار سياقتى وقۋدان قالدىرىپ ەگىس جۇمىسىنا سالمادى، بۇل گىساڭدىجيدىڭ اڭساعان ارمانىنا جەتۋىنە مۇمكىندىك جاراتتى.

  ول قىزمەت ىستەگەن 14 جىلدا، ول جەردەگى مىنبا ورەندەرىنىڭ وقۋعا ءتۇسۋ سالىستىرماسى %95 عا جەتتى، مۇنى گىساڭدىجيدىڭ قاجىرلى ەڭبەگىنەن بولە قاراۋعا كەلمەيدى.

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.