- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تاپتالۋ وقيعاسى تۋرالى شاڭحاي پۋدۇڭ رايوندىق ۇكىمەت بۇلتارتپاس جاۋاپكەرشىلىك ارقالايدى
2015.01.22 15:33 كەلۋ قاينارى : حالىق تورابى
حالىق تورابى، 22 – قاڭتار، بەيجيڭ. شاڭحاي قالالىق ۇكىمەتتىڭ اقپارات كەڭسەسىنىڭ رەسمي ميكروبلوگىندا جاريالانعان حابارعا قاراعاندا، شاڭحاي قالالىق ۇكىمەتتىڭ اقپارات كەڭسەسى 21 – قاڭتار تۇستەن بۇرىن ساعات 11دەن 10 مينۋت وتكەندە اقپار جاريالاۋ ءماجىلىسىن اشىپ، ۋايتاندا تۋىلعان تاپتالۋ وقيعاسى تۋرالى تەكسەرۋ احۋالىن جاريالاعان.
بىرلەسكەن تەكسەرۋ گرۋپپاسى وقيعا تۋىلعان جەردە تەكسەرۋ جۇرگىزۋ، دالەل ىزدەۋ، مامانداردىڭ دالەلدەۋى، جان – جاقتىلى ساراپتاۋ ارقىلى وقيعانىڭ تۋىلۋ بارىسىن قايتادان وي ەلەگىنەن وتكىزىپ، وقيعا تۋىلعان كەزدەگى توتەپ بەرۋ احۋالىن تەكسەرىپ انىقتاپ، وقيعانىڭ تۋىلۋ سەبەبىنە تالداۋ جاساپ، وقيعانىڭ سيپاتىن تۇراقتاندىرىپ، قاتىستى جاۋاپتىلاردى ءبىرجاقتىلى ەتۋ پىكىرىن ورتاعا قويدى ءارى وقيعا بارىسىندا اشىققا شىققان كورنەكتى ماسەلەلەرگە قاراتا، قالانىڭ الەۋمەتتىك حاۋىپسىزدىگىن كۇشەيتۋ قىزمەتى تۋرالى ۇسىنىس پىكىر ءبىلدىردى.
تەكسەرۋ ارقىلى راستاۋعا قاراعاندا، 31 – جەلتوقسان ساعات 23تەن 33 مينۋت وتكەندە ۋايتانداعى چىن – ي الاڭىنىڭ شىعىس وڭتۇستىك ءمۇيىسى سولتۇستىك جاعالاۋىنداعى جولاۋشىلار جولىنىڭ باسپالداققا شىعاتىن جەرىندە ارلى – بەرلى جۇرگەن ادامدار توتەنشە كوپ بولعاندىقتان، باسپالداقتىڭ ورتاسىنداعى ادامدار قوزعالۋعا شاراسىز قالعان ءارى ابىرجىپ تولقي باستاعان. ساعات 23تەن 35 مينۋت وتكەندە تىرەسىپ تۇرعان ادامدار شوعىرىنىڭ جوعارعى جاعىنان ءبىر لەك كەلىپ قوسىلىپ، باسپالداقتىڭ تومەنگى جاعىندا تۇرعان ءىشىنارا ادامدار تەپە – تەڭدىگىنەن ايىرىلىپ جىعىلعان، تاعى ءبىر توپ ادام ولاردىڭ ۇستىنە جىعىلىپ، سوڭىنان قاسىرەتتى وقيعا تۋىلعان.
وقيعا تۋىلعان كەزدە سەرۋەندەپ جۇرگەندەر مەن تۇرعىندار وزدىكتەرىنەن ۇيىمداسىپ، ءوز دەنەلەرىمەن «قورعان» بولۋ ارقىلى قۇتقارۋ اۆتوموبيلىنە جول اشقان. قالا تۇرعىندارى مەن ساياحاتشىلاردىڭ اراسىنداعى شيپاگەرلەر مەن سەسترالار وزدىكتەرىنەن قۇتقارۋعا اتسالىسقان. شاڭحاي قالاسى بۇكىل قالاداعى ەڭ وزىق ەمدەۋ اسپاپتارى مەن شيپاگەرلەردى جارالانعانداردى قۇتقارۋعا ۇيىمداستىرعان. جارالانعان 49 ادامنان قازىرگە دەيىن 45 ادام ەمحانادان جازىلىپ شىققان (جاراقاتى سالماقتى 13 ادامنىڭ 11ى وسىلاردىڭ ىشىندە)، جارالانعان 4 ادام (اۋىر دارەجەدە جارالانعان 2 ادام مەن جەڭىل جارالانعان 2 ادام) ەمحانادا ەمدەلۋدە.
وقيعا تۋىلعان كۇنى كەشتە ۋايتان كورىنىس رايونىنا، وتە – موتە، چىن – ي الاڭىنا قالىڭ ادامنىڭ جينالعانى جونىندە، حۋاڭپۋ رايوندىق ۇكىمەت پەن قاتىستى تاراۋلاردىڭ باسشىلارى سالعىرتتىققا سالىنىپ، الەۋمەتتىك ورتاداعى حاۋىپسىزدىككە تونەتىن قاتەردەن ساقتانۋ تانىمدارى وتە كەمشىل بولعان، الەۋمەتتىك ورىنعا كوپ ادامنىڭ جينالۋىنان تۋىندايتىن حاۋىپتى مەجەلەمەگەن، ساقتانۋ جانە توتەپ بەرۋ دايىندىعى وتە كەمشىل بولعان، وقيعا تۋىلعان كۇنى ساقتاندىرۋ شارالارى ويداعىداي بولماعان، توتەپ بەرۋ شارالارى ۇيلەسىمسىز بولعان، بۇل وقيعا تۋىلۋىنىڭ باستى سەبەبى.
بۇل رەتكى وقيعانىڭ سيپاتى: بۇقارالىق ارەكەت بارىسىندا ساقتىق دايىندىعى جەتەرسىز بولۋ، باسقارۋ ويداعىداي بولماۋ، توتەپ بەرۋ شارالارى ۇيلەسىمسىز بولۋ سىندى سەبەپتەردەن تۋىنداعان ۇيلىعۋ – تاپتالۋ وقيعاسى ءارى اۋىر دارەجەدەگىءولىم – ءجىتىم جانە اۋىر زارداپ تۋدىرعان الەۋمەتتىك حاۋىپسىزدىككە ساياتىن جاۋاپكەرشىلىك وقيعاسى. حۋاڭپۋ رايوندىق ۇكىمەت پەن قاتىستى تاراۋلاردىڭ باسشىلارى بۇل وقيعادا بۇلتارتپاس جاۋاپكەرشىلىك ارقالايدى.
تەكسەرۋ ارقىلى تۇراقتاندىرۋعا قاراعاندا، وقيعانىڭ تۋىلۋىنا حۋاڭپۋ رايوندىق ۇكىمەت نەگىزگى باسقارۋ جاۋاپكەرشىلىگىن، حۋاڭپۋ رايوندىق قوعام حاۋىپسىزدىگى مەكەمەسى تىكەلەي باسقارۋ جاۋاپكەرشىلىگىن، حۋاڭپۋ رايوندىق اكىمشىلىك باسقارۋ كوميتەتى باسقارۋ جاۋاپكەرشىلىگىن، حۋاڭپۋ رايوندىق ساياحات مەكەمەسى باسقارۋ جاۋاپكەرشىلىگىن، حۋاڭپۋ رايوندىق ۋايتان كورىنىس رايونىن باسقارۋ كەڭسەسى باسقارۋ جاۋاپكەرشىلىگىن، شاڭحاي قالالىق قوعام حاۋىپسىزدىگى مەكەمەسى باقىلاۋ – باسقارۋ جاۋاپكەرشىلىگىن ارقالايدى.
تەكسەرۋ مالىمەتىندە رەتكە سالۋ جونىندە مىناداي بەس تارماقتى ۇسىنىس قويىلعان: ءبىرىنشى، حاۋىپسىزدىك جاۋاپكەرشىلىك ءتۇزىمىن شىنايى تياناقتاندىرىپ، «قىزىل سىزىق»، «جيەك سىزىق» تانىمىن بارىنشا كۇشەيتۋ؛ ادامدار كوپ جينالاتىن ورىندار مەن قيمىلدار بارىسىندا حاۋىپسىزدىك باسقارۋىن شىنايى كۇشەيتىپ، ءتۇزىم مەن بەلگىلەمەلەردى اناعۇرلىم كەمەلدەندىرۋ جانە تياناقتاندىرۋ؛ ءۇشىنشى، باقىلاۋ – ساقتاندىرۋ شارالارىن شىنايى كۇشەيتىپ، شۇعىل جاعدايلاردان ساقتانۋ قۋاتىن اناعۇرلىم جوعارىلاتۋ؛ ءتورتىنشى، شۇعىل جاعدايلاردا بىرلەسىپ ارەكەت جاساۋدى شىنايى كۇشەيتىپ، شۇعىل جاعدايلاردى ءبىرجاقتىلى ەتۋ قۋاتىن اناعۇرلىم جوعارىلاتۋ؛ بەسىنشى، ۇگىت – تاربيە قىزمەتىن شىنايى كۇشەيتىپ، بۇكىل قوعامداعىلاردىڭ الەۋمەتتىك حاۋىپسىزدىك تانىمىن اناعۇرلىم جوعارىلاتۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
