- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون اقىسىن تولەۋدەن، كولىككە وتىرۋ كارتوچكاسىنا اقشا سالۋدان، شەتەلگە ساياحاتتاپ بارۋ، اۆتوكولىك ساتىپ الۋعا دەيىن عىلىم - تەحنيكالىق قاراجات الۋان ءتۇرلى فورمالارمەن جەكەلەردىڭ قالتاسىنا ءتۇسىپ كەتۋدە
عىلمي زەرتتەۋ قاراجاتىن دايار اسقا اينالدىرماۋ كەرەك
2015.02.12 14:04 كەلۋ قاينارى : حالىق تورابى
تاياۋدا جىجياڭ ۋنيۆەرسيتەتىنىڭ بۇرىنعى ورىنباسار باستىعى چۋ جيان قياناتشىلدىق، ۇكىمەت اقشاسىن باسقاعا جۇمساۋ، پارا بەرۋ، قىزمەت مىندەتىنەن پايدالانىپ يەمدەنىپ الۋ، قارجىنى باسقاعا جۇمساۋ، بۇعالتىرلىق كۋالىكتى، بۇعالتىرلىق ەسەپ داپتەرىن ادەيى جويۋ سياقتى قىلمىستارعا شاتىلعاندىقتان، جىجياڭ ولكەلىك حالىق پروكۋراتۋراسى ونىڭ ماسەلەلەرىن تەكسەرۋگە جانە ونىڭ ۇستىنەن ارىز بەرۋگە جوتكەدى.
چۋ جيان جانە جۇڭگو ينجەنەريالىق عىلىم اكادەمياسىنىڭ بۇرىنعى اكادەميگى لي نيڭ، نانچاڭ ۋنيۆەرسيتەتىنىڭ بۇرىنعى باستىعى جوۋ ۋىنبين قاتارلىلاردىڭ ارت - ارتىنان وماقاسۋى جۇرتتىڭ عىلىم - تەحنيكا سالاسىنداعى شىرىكتەسۋگە نازار اۋدارۋىنا تۇرتكى بولدى. ەڭ جوعارى حالىق پروكۋراتۋراسى 11 - اقپاندا عىلىم - تەحنيكا سالاسىنداعى قىزمەتتىك قىلمىستاردى تەكسەرىپ ءبىر جاقتىلى ەتۋگە قاتىستى جاعدايلاردى مالىمدەدى، عىلىم - تەحنيكالىق قاراجاتتاردى باسقارۋ تۇزىمىندەگى جەتەرسىزدىكتەر قىزمەتتىك قىلمىس وتكىزۋدەگى ماڭىزدى سەبەپ بولىپ وتىر.
عىلىم - تەحنيكالىق جۇمسالىم زور مولشەردە ارتىپ، عىلىم - تەحنيكا سالاسىنداعى شىرىكتەسۋدە اسقىنۋ نىسايى بايقالعان
«2012 - جىلى جەلتوقساننان 2014 - جىلى جەلتوقسانعا دەيىن، بۇكىل ەلدەگى پروكۋراتۋرا ورگاندارى عىلىم - تەحنيكالىق قيمىلدار بارىسىندا قياناتشىلدىق، پاراقورلىق قىلمىسىن وتكىزگەن 67 ادامعا دەلو تۇرعىزىپ تەكسەرۋ جۇرگىزگەن، بۇلاردىڭ ىشىندە اۋدان - باسقارما دارەجەلىدەن جوعارى ءمانساپتىلاردان 25 ادام، پروفەسسور، اعا زەرتتەۋشى سياقتى جوعارى اتاق العانداردان 11 ادام، اكادەميكتەردەن 1 ادام بار. وتكىزگەن قىلمىسىنىڭ ءتۇرى جاعىنان العاندا، قياناتشىلدىق قىلمىسىن وتكىزگەندەر 52 ادام بولىپ، %77.6ىن ۇستاعان، ودان باسقا 12 ادام پاراقورلىق قىلمىسىن، 5 ادام ۇكىمەت اقشاسىن باسقاعا جۇمساۋ قىلمىسىن وتكىزگەن. دەلوعا قاتىستى اقشا جاعىنان العاندا، 10 ميلليون يۋاننان جوعارعىسى 3 ادام، ءبىر ميلليون يۋان مەن 10 ميلليون ارالىعىنداعىسى 20 ادام، 500 مىڭ يۋان مەن ءبىر ميلليون يۋان ارالىعىنداعىسى 3 ادام، 500 مىڭ يۋاننان تومەنگىسى 41 ادام بولعان»، - دەدى ەڭ جوعارى حالىق پروكۋراتۋراسى قياناتشىلدىققا، پاراقورلىققا قارسى تۇرۋ باس مەكەمەسىنىڭ ورىنباسار باستىعى جان فۋلياڭ مالىمدەمە جاريالاعاندا.
تاياۋ جىلداردان بەرى، «مەملەكەتتى عىلىم - تەحنيكا، وقۋ - اعارتۋمەن گۇلدەندىرۋ» ستراتەگياسىنىڭ ىشكەرىلەي اتقارىلۋىنا، جاڭاشىل ەل قۇرۋدىڭ ۇزدىكسىز تەزدەۋىنە بايلانىستى، ەلىمىزدىڭ عىلىم - تەحنيكالىق قاراجات جاعىنداعى جۇمسالىمى زور مولشەردە ارتتى. عىلىم - تەحنيكا مينيسترلىگىنىڭ ساناق مالىمەتىنە نەگىزدەلگەندە، 2013 - جىلى مەملەكەت قازىناسىنىڭ عىلىم - تەحنيكالىق شىعىسى 618 ميلليارد 490 ميلليون يۋان بولىپ، ۇقساس مەزگىلدەگىمەن سالىستىرعاندا %10.4 ارتقان.
الايدا، سونىمەن قاتار، عىلىم - تەحنيكا سالاسىندا ءىرىپ - ءشىرۋ ماسەلەسى دە بارعان سايىن ورشىگەن. «عىلىم - تەحنيكالىق قاراجاتتان پايدالانىپ ءىشىپ - جەۋ، ساۋىق - سايران قۇرۋ جايتتەرى باس كوتەرگەن»، ءتىپتى كەيبىرەۋلەر عىلىم - تەحنيكالىق قاراجاتتى ءوزىنىڭ بايۋ جولىنا اينالدىرعان، تەلەفون اقىسىن تولەۋ، كولىككە وتىرۋ كارتوچكاسىنا اقشا سالۋدان تارتىپ، شەتەلگە ساياحاتتاپ بارۋ، اۆتوكولىك ساتىپ الۋعا دەيىن عىلىم - تەحنيكالىق قاراجاتتار ءار الۋان فورمامەن، ءار الۋان اتپەن جەكەلەردىڭ قالتاسىنا ءتۇسىپ كەتكەن.
(اۋدارماسىن قاداعالاۋشى: بىلىمبەك ورالبەك ۇلى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
