- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2015 – جىلعى ەكى ماجىلىستە نازار اۋدارۋعا ءتيستى ون ءتۇيىن
نۇرعيسا قۇرمانجان ۇلى اۋدارىپ دايىندادى
2015.03.02 16:57 كەلۋ قاينارى : حالىق تورابى
2015 – جىلى 3 – ناۋرىزدا مەملەكەتتىك ساياسي كەڭەس 12 – كەزەكتى كوميتەتىنىڭ 3 – ءماجىلىسى، 5 – ناۋرىزدا مەملەكەتتىك 12 – كەزەكتى حالىق قۇرىلتايىنىڭ 3 – ءماجىلىسى بەيجيڭدە اشىلادى. 2015 – جىلى رەفورمانى جالپى بەتتىك تەرەڭدەتۋدە قامال الاتىن جىل، مەملەكەتتى جالپى بەتتىك زاڭمەن باسقارۋداعى تىڭ باستاما جىلى، «12 – بەسجىلدىق» جوسپاردان ەسەپ بەرەتىن جىل. جالپى بەتتىك دوڭگەلەك داۋلەتتى قوعام قۇرۋ، رەفورمانى جالپى بەتتىك تەرەڭدەتۋ، مەملەكەتتى زاڭمەن باسقارۋدى جالپى بەتتىك ىلگەرىلەتۋ، پارتيانى جالپى بەتتىك قاتاڭ باسقارۋ سىندى «ءتورت جالپى بەتتىك» تانىمىنىڭ ورتاعا قويىلۋى 2015 – جىلعى ەكى ماجىلىسكە جاڭا ماقساتتار بەلگىلەدى جانە جاڭا سىناقتار الا كەلدى.
بيىلعى ەكى ماجىلىستە قانداي جاڭالىقتار بولۋى، قانداي جاڭا شارالار ورتاعا قويىلۋى مۇمكىن ؟ حالىق تورابىنىڭ ءتىلشىسى بيىلعى ەكى ماجلىستە نازار اۋدارۋعا ءتيستى مىناداي ون ءتۇيىندى جيناقتاپ ورتاعا قويدى.
1. رەفورمادا قامال الاتىن جىل
«ماڭىزدى سەگنالدى» ەكى ماجىلىستەن بايقايتىن بولامىز
2015 – جىلى 27 – اقپاندا حالىق گازەتىنىڭ ءبىرىنشى بەتىندە «جۇڭگو جولىن رەفورما بارعان سايىن كەڭەيتەدى ــ ‹ءتورت جالپى بەتتىكتى› سايكەستى ىلگەرىلەتۋ جايلى» اتتى ماقالا جاريالاندى. ماقالادا «رەفورمانى جالپى بەتتىك تەرەڭدەتۋدەگى العاشقى جىل» دەپ قارالعان 2014 – جىلى رەفورمانى جەدەل ىلگەرىلەتۋ جاعدايى جارىققا شىعىپ، ورتالىقتىڭ رەفورمانى جالپى بەتتىك تەرەڭدەتۋگە باسشىلىق ەتۋ گرۋپپاسى بەكىتكەن 80 ءتۇرلى ءتۇيىندى رەفورما مىندەتى نەگىزىنەن ورىندالعان، ورتالىقتاعى قاتىستى تاراۋلار تاعى 108 ءتۇرلى رەفورما مىندەتىن ورىنداعان، جيىنى 308 تارماقتى رەفورما شاراسىن ورتاعا قويعان...سانى كوپ، جيىلىگى جوعارى، اسا پارمەندى، بۇرىن بولىپ كورمەگەن دارەجەدەگى ناتيجە. رەفورمانى جالپى بەتتىك تەرەڭدەتۋ تۋرالى ورنالاستىرۋ جاڭا كەزەكتى رەفورمادا جويقىن ورلەۋ كوتەرىلۋىنە مۇمكىندىك جاسايتىن بولادى.
2015 – جىل رەفورمانى جالپى بەتتىك تەرەڭدەتۋدە قامال الاتىن جىل. رەفورمانىڭ «جالپى بەتتىك» «تەرەڭ» بولۋىن قالاي ىسكە اسىرۋ وسى كەزەكتى ەكى ماجىلىستە جاۋاپ بەرۋگە ءتيىستى ءتۇيىندى ماسەلە بولادى.
2. ەكونوميكاداعى جاڭا جاعداي
ەكى ماجىلىستە ەكونوميكاداعى نىسانا جاريالانادى
2014 – جىلى حالىق شارۋاشىلىعىن ارتتىرۋدىڭ مەجەلى نىساناسى %7.4 اينالاسىندا بەلگىلەنگەن، 2015 – جىلى 26 – اقپاندا مەملەكەتتىك ساناق مەكەمەسى جاريالاعان «2014 – جىلعى حالىق شارۋاشىلعى مەن قوعامدىق دامۋعا قاتىستى ساندى مالىمەتكە» قاراعاندا، 2014 – جىلى GDP الدىڭعى جىلداعىدان %7.4 ارتقان.
ءار جىلى ەكى ماجىلىستە جاريالاناتىن «ۇكىمەت قىزمەتىنەن باياندامادا» سول جىلعى ەكونوميكانىڭ ارتۋ نىساناسى جاريالانادى. ساناققا قاراعاندا، 29 ولكە 2015 – جىلعى GDPدى ارتتىرۋ نىساناسىن تومەندەتكەن، لياۋنيڭ، سانشي، گانسۋ قاتارلى ولكەلەردە ارتۋ نىساناسىن تومەندەتۋ مولشەرى ەڭ جوعارى بولىپ، 3 پايىزعا دەيىن تومەندەتكەن. شاڭحاي ءتىپتى GDPدى ارتتىرۋ نىساناسىن كۇشىنەن قالدىرعان. «جالپى بەتتىك دوڭگەلەك داۋلەتتى قوعام قۇرۋ» نىساناسىنىڭ جەتەكشىلىگىندە، 2015 – جىلى GDPدى ارتتىرۋ نىساناسى جالعاستى «جەتىنى ساقتاۋ» نەگىزىندە بەلگىلەنەتىن بولا ما، جوق نەمەسە ەكونوميكانى ارتتىرۋ نىساناسىن ەسەپتەۋدىڭ باسقاداي اناعۇرلىم جان - جاقتىلى ءتاسىلى ونىڭ ورنىن باسا ما؟
3. «باقىتتىسىز با؟»
ەكى ماجىلىستە حالىق تۇرمىسىنا قاتىستى ماسەلەلەرگە جاۋاپ بەرىلەدى
2015 – جىلى 14 – قاڭتاردا «مەملەكەتتىك كەڭەستىڭ ورگاندار مەن ءىس ورىندارىنداعى قىزمەتكەرلەردىڭ زەينەتتىك قامسىزداندىرۋ تۇزىمىنە رەفورما جاساۋ قاۋلىسى» رەسمي جاريالانىپ، زەينەتتىك قامسىزداندىرۋدا ەكى ارنالى ءتۇزىم قولدانۋ كەلمەسكە كەتتى؛ 19 – قاڭتاردا ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى حۋ شياۋ – ي مەملەكەت قىزمەتكەرلەرىنىڭ نەگىزدىك ەڭبەكاقىسىنا رەتتەۋ جۇرگىزۋ، ءىس ورىندارىنداعى قىزمەتكەرلەردىڭ نەگىزدىك ەڭبەكاقىسىنا رەتتەۋ جۇرگىزۋ جانە ورگاندار مەن ءىس ورىندارىنان زەينەتكە شىققاندارعا بەرىلەتىن مامىلەگە رەتتەۋ جۇرگىزۋ قۇجاتىن جەر – جەرگە تاراتقانىن ايتتى؛ 4 – اقپاندا مەملەكەتتىك دامۋ – رەفورما جاساۋ كوميتەتى قاتارلى 11 ورىن بىرلىكتە قۇجات جاريالاپ، بەيجيڭ تۇڭجوۋ رايونى قاتارلى 62 قالانى (قالاشىقتى» مەملەكەتتىڭ جاڭاشا قالا – قالاشىقتاندىرۋداعى امبەباپ سىناق ءتۇيىنى ەتىپ بەكىتتى، وسى جەرلەردە ءنومىر جيناۋ ارقىلى نوپوسقا ورنالاستىرۋ ءتۇزىمى اتقارىلىپ، نوپوس ءتۇزىمى جونىندەگى رەفورما اناعۇرلىم تەرەڭدەتىلدى؛ 1 – ناۋرىزدا «تۇراقتى مۇلىكتى تىزىمگە الدىرۋ جونىندەگى ۋاقىتتىق ەرەجە» رەسمي اقتارىلدى، بۇل ەرەجە ءۇي باعاسىنىڭ تومەندەۋىنە تۇرتكى بولۋى مۇمكىن...
2015 – جىلى مەملەكەتتىك ەكى ءماجىلىس تۋرالى جۇرت رايىن تەكسەرۋ جاريالانعاننان بەرى، ەڭبەكاقى ءبولىسى، ازىق – تۇلىك، ءدارى – دارمەك حاۋىپسىزدىگى، ورتانى قورعاۋ، وقۋ – اعارتۋ رەفورماسى، تۇرعىن ءۇي قاتارلى حالىق تۇرمىسىنا ساياتىن قولامتالى ماسەلەلەر باستى تۇيىنگە اينالعان، ەڭبەكاقى ءبولىسى ماسەلەسى وسىلاردىڭ ىشىندە ەرەكشە كوزگە تۇسكەن. 2015 – جىلى ەكى ءماجىلىس مەزگىلىندە حالىق تۇرمىسىن جاقسارتۋعا قاتىستى قانداي شارالار انىق ورتاعا قويىلادى؟
4. لي كىچياڭ زۇڭلي تاعى قانداي ۋادە بەرەدى؟
2013 – جىلى مەملەكەتتىك 12 – كەزەكتى حالىق قۇرىلتايىنىڭ 1 – ءماجىلىسى كەزىندە، لي كىچياڭ ءوزىنىڭ تۇڭعىش رەتكى «زۇڭليدىڭ تىلشىلەردى قابىلداۋ ماجىلىسىندە» جاڭا كەزەكتى ۇكىمەتكە «3 تارماقتى ۋاقىتتىق نەگىزگى زاڭ» بەلگىلەپ: «وسى كەزەكتى ۇكىمەتتىڭ بيلىك جۇرگىزۋ مەرزىمىندە، بىرىنشىدەن، ۇكىمەت سيپاتىندىق قۇرىلىستار جاڭادان سالىنبايدى؛ ەكىنشىدەن، قازىنادان ءناپاقاسىن تاباتىنداردىڭ سانى ازايتىلادى؛ ۇشىنشىدەن، ۇكىمەت قاراجاتىمەن قوناق قابىلداۋ، شەتەلگە شىعۋ، اۆتوكولىك ساتىپ الۋ ازايتىلادى»، - دەگەن بولاتىن.
2014 – جىلعى مەملەكەتتىك 12 – كەزەكتى حالىق قۇرىلتايىنىڭ 2 – ءماجىلىسى مەزگىلىندە، لي كىچياڭ زۇڭلي تىلشىلەردى قابىلداۋ ماجىلىسىندە ۇكىمەتتى ىقشامداپ، ۇقىقتى تومەنگە تۇسىرۋگە، «بيلىك ءتىزىمىنىڭ» تەزىرەك جاريالانۋىنا تۇرتكى بولۋعا، بازارداعى تۇلعالاردىڭ «زاڭدا شەكتەلمەگەن ءىس بولسا بولعانى اينالىسا بەرۋىن»، ۇكىمەت تاراۋلارىنىڭ «زاڭدا ۇقىق بەرىلمەگەن ىسكە ارالاسپاۋىن» كۇش سالا ىسكە اسىرۋعا ۋادە بەرگەن.
ەندەشە، 2015 – جىلعى ەكى ماجىلىستە لي كىچياڭ زۇڭلي تاعى قانداي جاڭا ۋادەلەر بەرەر ەكەن.
5. ءۇش ءىرى وڭىرلىك دامۋ ستراتەگياسى
ەكى ماجىلىستە جەرگىلىكتى ورىندار كوڭىل ءبولىپ وتىرعان ماسەلەلەرگە جاۋاپ قايتارىلادى
ورتالىقتىڭ ەكونوميكالىق قىزمەتى تۋرالى ماجىلىسىندە، «ءبىر بەلدەۋ، ءبىر جول»، بەيجيڭ، تيانجين، حىبەيدى سايكەستىرە دامىتۋ، چاڭجياڭ ەكونوميكالىق الابى قاتارلى ءۇش ءىرى ستراتەگيانى ءتۇيىندى اتقارۋ ورتاعا قويىلعان، 2015 – جىلى بۇل ستراتەگيالاردا جاقسى باستامالار جاراتۋعا قۇلشىناتىن جىل. وسىنىڭ الدىندا جەرگىلىكتى ورىنداردا اشىلعان ەكى ماجىلىستە وڭىرلىك دامۋ تۋرالى كوپ ايتىلدى، مىسالى: چۇڭچيڭ قالاسىنىڭ ەكى ماجىلىسىندە «ىشكى قۇرىلىقتىق حالىقارالىق زات اينالىمى ءتۇيىنى مەن وتكەلدەگى ۇتىمدى ورىندى بەلسەندى قۇرۋ» ايتىلسا، شينجياڭدا اشىلعان ەكى ماجىلىستە «جىبەك جولى ەكونوميكالىق بەلدەۋىنىڭ وزەكتى ءوڭىرىن كوركەيتۋ» سىندى ماسەلەگە وسكەلەڭ ءمان بەرىلدى، مەملەكەتتىك ەكى ماجىلىستە وڭىرلىك دامۋعا قاتىستى ماكرولىق ستراتەگيالار ايقىندالاتىن بولادى.
مۇنان سىرت، جەر – جەردىڭ ۋاكىلدەر ۇيىرمەسى ۇيىمداستىراتىن اشىق قيمىلدا قولامتالى ماسەلەلەرگە شوعىرلى تۇردە جاۋاپ قايتارىلادى، مىسالى: 2014 – جىلعى ەكى ءماجىلىس كەزىندە، گۋاڭدۇڭ ولكەلىك پارتكومنىڭ شۋجيى حۋ چۇنحۋا سول كەزدە قولامتالى تاقىرىپقا اينالعان «دۇڭگۋانداعى زيناقورلىق اپانىن جويۋ» ماسەلەسىنە جاۋاپ بەرگەن. 2015 – جىلى تاعى قانداي ماسەلەلەر قىزۋ تالقىنىڭ بىلتەسىنە اينالار ەكەن.
6. «ءتورت ستيلگە قارسى تۇرۋ» ءونىم بەردى
جاڭا ءماجىلىس ستيلى جارىققا شىعادى
شي جينپيڭ پارتيانىڭ بۇقارالىق لۋشيان تاربيەسىن ءامالياتتا ايگىلەۋ قىزمەت جينالىسىندا: «ءتورت ستيل» ماسەلەسى ويداعىداي شەشىم ەتىلسە، پارتيا ىشىندەگى باسقا ماسەلەلەردى شەشۋگە ويداعىداي شارت – جاعداي ازىرلەگەن بولار ەدىك، - دەگەن بولاتىن. جۋىردا اشىلعان جەرگىلىكتى ورىنداردىڭ ەكى ماجىلسىندە ءتورت ستيلگە قارسى تۇرۋ ءونىم بەرە باستاعانى بايقالدى. نيڭشيادا ەكى ءماجىلىس زالىنا قىزىل كىلەم توسەلمەدى، جايناعان گۇل، جاسىل وسىمدىك قويىلمادى، جاتاققا ورنالاسقان ۋاكىلدەر ءبىرتۇتاس اۆتوموبيلمەن جينالىسقا باردى، اۆتوموبيل جولعا شىققاندا ساقشى اۆتوكولىگى جول باستامادى، جول بەكىتىلمەدى، وزگەشە باسقارۋ شارالارى اتقارىلمادى.
بيىلعى ەكى ماجىلىستە «ءتورت ستيلگە» قارسى تۇرۋ مەن بۇقارالىق لۋشيان تاربيەسىنىڭ ناتيجەلەرى بايقالاتىن بولادى. ماجىلىستە سالتاناتتى دا ىقىلاستى، قاراپايىم دا ناقتىلى وتكىزىلە مە؟ ۋاكىلدەر مەن مۇشەلەردىڭ ۇسىنىس – پىكىرلەرى «ۇزىن سونار، قۇرعاق ءسوز، جالعان ۋادەدەن» ارىلىپ، «قىسقا دا نۇسقا، شىنايى، جاڭاشا» سيتىلگە كوشە مە؟
7. «جولبارىس» سوعۋ بارىسىندا تالاي ءمانساپتىلار تاعىنان قۇلادى
ۋاكىلدەر مەن مۇشەلەر تىزىمىندە وزگەرىستەر از ەمەس
اقپارات قۇرالدارىنىڭ ساناعىنا قاراعاندا، 2014 – جىلى مەملەكەتتىك حالىق قۇرىلتايىنىڭ 2 – ماجىلىسىنە قاتىناسۋعا ءتيىستى ۋاكىل سانى 2983 ادام، مەملەكەتتىك ساياسي كەڭەس 12 – كەزەكتى كوميتەتىنىڭ 2 – ماجىلىسىنە قاتىناسۋعا ءتيسىتى مۇشەلەر سانى 2229 ادام بولاتىن. 2015 – جىلى 34 ۋاكىل مەن 9 مۇشەنىڭ ەكى ماجىلىسكە قاتىناسا المايتىنى انىق بولدى. ولاردىڭ اراسىندا 27 ۋاكىل مەن 8 مۇشە زاڭ – تارتىپكە قايشىلىق جاساعاندىقتان، تەكسەرۋگە الىنعان.
مىندەتىنەن قالدىرىلعان، مىندەتىنەن ءوز ەركىمەن باس تارتقان ۋاكىل، مۇشەلەردىڭ ورنىنا وسى كەزەكتى ەكى ماجىلىستە قايتادان سايلام وتكىزىلىپ، تولىقتانادى. مۇنان سىرت، ەكى ءماجىلىس كەزىندە ۋاكىلدەر مەن مۇشەلەردىڭ ىشىندە مىندەتىنەن قالدىرىلاتىنداردىڭ بولۋ - بولماۋى دا نازار اۋدارارلىق ماسەلە بولماقشى.
8. ۋاكىلدەر مەن مۇشەلەر حالىقتىڭ كۇتكەن ۇمىتىنەن شىعا الا ما
ەكى ءماجىلىس مەزگىلىندە تالاس – تارتىسقا مۇرىندىق بولاتىن ۇسىنىس – پىكىرلەر ورتاعا قويىلىپ جاتادى. 2014 – جىلعى ەكى ءماجىلىس كەزىندەگى كەيبىر ۋاكىلدەر مەن مۇشەلەردىڭ: «اۋىل – قىستاقتاعى بالالاردى ۋنيۆەرسيتەتكە تۇسۋگە ىنتالاندىرماۋ كەرەك» ، «ءۇي باعاسىنىڭ قىمبات بولۋى جاقسى ءىس»، «جەر ساتۋدان كىرگەن كىرىستىڭ جارىمىن كەيىنگى كەزەكتى ۇكىمەتتىڭ پايدالانۋىنا قالدىرايىق»، «ورتالىققا قاراستى كاسىپورىنداردىڭ جوعارى دارەجەلى باسقارۋشىلارىنىڭ جىلدىق كىرىسى 400 مىڭ يۋان، بۇل شەتەلدەگى كاسىپتەستەرمەن سالىستىرعاندا الدە قايدا تومەن»...دەگەندەي ۇسىنىس – پىكىرلەرى توردا زور تالقى قوزعاپ، بۇل توردوستاردىڭ ءىشىنارا ۋاكىلدەر مەن مۇشەلەردىڭ حالىق رايىنا ۋاكىلدىك ەتىپ، ۇكىمەت ىسىنە قاتىناسۋ، ۇكىمەت ىستەرىنە كەڭەس بەرۋ قابىلەتىنە كۇماندانۋىنا سەبەپشى بولعان ەدى.
ەكى ءماجىلىس ۋاكىلدەر مەن مۇشەلەردىڭ ۇكىمەت ىسىنە قاتىناسۋ، ۇكىمەت ىستەرىنە كەڭەس بەرۋ قابىلەتىنە دەگەن ءبىر رەتكى سىناق. بيىلعى ەكى ماجىلىستە ۋاكىلدەر مەن مۇشەلەر حالىقتىڭ كۇتكەن ۇمىتىنەن شىعا الا ما؟
9. جۇلدىز سالاۋاتىمەن ماجىلىسكە قاتىناساتىن ۋاكىلدەر مەن مۇشەلەردىڭ بەينەسى قالاي بولار ەكەن
ەكى ماجىلىسكە قاتىناساتىن جۇلدىزدار ەكى ماجىلىستە قىزۋ تالقىنىڭ بەل ورتاسىندا جۇرەتىنى انىق. 2012 – جىلى ناۋرىزدا ليۋ شياڭنىڭ 5 جىلدا 4 رەت مەملەكەتتىك ساياسي كەڭەس ماجىلىسىنە قاتىناسپاعانى قىزۋ تالقىلانعان؛ 2014 – جىلى 2 – ناۋرىزدا تىلشىلەر ساياسي كەڭەس مالىمدەمەشىسى لۇي شينحۋادان ءىشىنارا ساياسي كەڭەس مۇشەلەرىنىڭ شەتەل ازاماتتىعىنا ءوتىپ كەتكەنى تۋرالى قاۋەسەتتىڭ تارالىپ جۇرگەنى جونىندە تۇسىنك بەرۋدى سۇراعان؛ 2014 – جىلى 11 – قاراشا تۇستەن بۇرىن، مەملەكەتتىك ساياسي كەڭەس ءماجىلىسىنىڭ ەڭ سوڭعى گرۋپپالىق تالقىسى وتكىزىلگەندە، ادەبيەت – كوركەمونەرشىلەر سالاسىنان كەلگەن 48 مۇشەنىڭ ىشىندە 17 ادام تالقىعا قاتىناسپاعان...بيل جاۋ بىنشان قاتارلى جۇرت اڭىسىنىڭ تولقىنىندا قالعان جۇلدىز مۇشەلەر اقپارات قۇرالدارىنا قانداي بەينە بايقاتار ەكەن.
10. عالامتوردا تارالعان سوزدەر بيىل دا قولدانىلا ما؟
2014 – جىلى 2 – ناۋرىزدا مەملەكەتتىك ساياسي كەڭەس 12 – كەزەكتى كوميتەتى 2 – ءماجىلىسىنىڭ اقپارات جاريالاۋ ءماجىلىسى حالىق قۇرىلتايى سارايىندا وتكىزىلدى. ءماجىلىس مالىمدەمەشىسى لۇي شينحۋا نانحۋا تاڭعى گازەتى ءتىلشىسىنىڭ جوۋ يۇڭكاڭعا قاتىستى مالىمەتتەر تۋرالى سۇراۋىنا جاۋاپ بەرگەندە، «ءوزىڭ ءتۇسىنىپ الارسىڭ» دەگەن عالامتوردا تارالعان ءسوزدى پايدالانعان. بۇل جاۋاپ بىلتىرعى ەكى ماجىلىستە قىزۋ تالقى قوزعاعان. 2014 – جىلى شىلدەدە ج ك پ ورتالىق كوميتەتى جوۋ يۇڭكاڭعا دەلو تۇرعىزىپ، تەكسەرۋ جۇرگىزدى. بيىلعى ەكى ماجىلىستە وسىنداي جاعداي تاعى دا تۋىلا ما؟
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
