بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

جىلجىمايتىن مۇلىكتى ءبىر تۇتاس تىزىمدەۋ اتقارىلا باستادى

تۇڭعىش مۇلىك ۇقىعى كۋالىگى تاراتىلدى

تىلشىلەرىمىز گاۋ يۇنساي، ۋاڭ حاۋ

2015.03.02 17:11     كەلۋ قاينارى : حالىق تورابى


  شۋاقتى كوكتەم كەلدى، 1 - ناۋرىز تۇستەن بۇرىن ساعات 9دان 42 مينۋت وتكەندە، جياڭسۋ ولكەسى شۇيجوۋ قالاسىنىڭ تۇرعىنى شيڭ ۋيفىڭ شۇيجوۋ قالالىق جىلجىمايتىن مۇلىكتى تىزىمدەۋ مەكەمەسىنىڭ قىزمەت وتەۋ زالىندا مەملەكەتتىك جەر بايلىعى مينيسترى جياڭ داميڭنىڭ قولىنان ەلىمىزدەگى تۇڭعىش جىلجىمايتىن مۇلىكۇقىعى كۋالىگىن تاپسىرىپ الدى، سونىمەن، ەلىمىزدە جىلجىمايتىن مۇلىكتى ءبىرتۇتاس تىزىمدەۋ رەسمي اتقارىلا باستادى.

  ءتىلشى: «وسى كۋالىكتى العاندا قانداي سەزىمدە بولدىڭىز؟» دەپ سۇراعاندا، شيڭ ۋيفىڭ بىلاي دەدى: «كوڭىلىم جاي تاپقانداي بولدىم، ءۇي مۇلىك ۇقىعىن كۋالاندىراتىن بۇل كۋالىك مال - مۇلىك ۇقىعىمدى قورعاۋمەن بىرگە بولاشاقتا ءۇيىمدى ساتۋىما نەمەسە كەپىلگە قويۋىما دا زور قولايلىلىق اكەلەدى».

  مەملەكەتتىك جەر بايلىعى مينيسترلىگى بۇگىن جياڭسۋ ولكەسى شۇيجوۋ قالاسىنىڭ شينچىڭ رايونى مەن سۇينيڭ اۋدانى، شاندۇڭ ولكەسىنىڭ چيڭداۋ قالاسى، سىچۋان ولكەسى لۋجوۋ قالاسىنىڭ لۋشيان اۋدانى، چوڭچيڭ قالاسىنىڭ چاڭشوۋ رايونى، حيلۇڭجياڭ ولكەسى مۋدانجياڭ قالاسىنىڭ لينكوۋ اۋدانى، جياڭشي ولكەسى گانجوۋ قالاسىنىڭ چوڭ - ي اۋدانى، گۋاڭشيدىڭ ناننيڭ قالاسى قاتارلى 15 ورىندى جىلجىمايتىن مۇلىكتى ءبىرتۇتاس تىزىمدەۋ تەرەزەلىك قۇرىلىسىنىڭ بايلانىس جاساۋ ءتۇيىنى ەتىپ تاڭداپ، جىلجىمايتىن مۇلىكتى ءبىرتۇتاس تىزىمدەۋدىڭ تەرەزەلىك قۇرىلىسى قىزمەتىن جەدەل ىلگەرىلەتۋگە جەتەكشىلىك ەتتى. كەزەكتە، وسى بايلانىس جاساۋ تۇيىندەرى كاسىپتىك اينالىم ءتارتىبىن جاڭالاۋ، تىزىمدەۋ جۇيەلەرىن تۇتاستىرۋ، بىرلىككە كەلگەن تەرەزەلىك تەكشە قۇرۋ سياقتى تەحنيكالىق جاقتاعى قاجەتتى دايىندىق جۇمىستارىن ونان ارى تەزدەتۋگە كىرىسىپ كەتتى، كەيبىر بايلانىس جاساۋ تۇيىندەرى 1 - ناۋرىزدان باستاپ، «ەرەجەگە» نەگىزدەلىپ جاڭا ءتىزىم داپتەرى مەن جاڭا ۇلگىدەگى كۋالىكتى تاراتا باستادى.

  جياڭ داميڭ بىلاي دەدى: جىلجىمايتىن مۇلىكتى ءبىر تۇتاس تىزىمدەۋدىڭ ەڭ باستى رولى جىلجىمايتىن مۇلىك يەسىنىڭ زاڭدى مال - مۇلىك ۇقىعىن اناعۇرلىم ويداعىداي قورعاۋ، جىلجىمايتىن مۇلىك ساۋداسىنىڭ حاۋىپسىزدىگىنە كەپىلدىك ەتۋ، قالىپتى بازار - ساۋدا ءتارتىبىن قورعاۋ. جىلجىمايتىن مۇلىكتى تىزىمدەۋ بورىشىن بىرىكتىرىپ، جىلجىمايتىن مۇلىكتى ءبىر تۇتاس تىزىمدەۋ ءتۇزىمىن ورناتۋ ۇكىمەتتىڭ قۇرىلىمى رەفورماسى مەن فۋنكتسيادا بۇرىلىس جاساۋدىڭ ماڭىزدى مازمۇنى، سونداي - اق بازار شارۋاشىلىعى ءتۇزىلىسىن كەمەلدەندىرىپ، وسىزامانعى بازار جۇيەسىن ورناتۋدىڭ قاجەتتى تالابى.

  جىلجىمايتىن مۇلىكتى ءبىرتۇتاس تىزىمدەۋ شارت - جاعدايى جەتىلگەن جەرلەردە جاپپاي اتقارىلادى. ۋاڭ گۋاڭحۋا بىلاي دەدى: جىلجىمايتىن مۇلىكتى ءبىرتۇتاس تىزىمدەۋدە جاڭا ءتىزىم داپتەرى مەن جاڭا ۇلگىدەگى كۋالىك قولدانىلادى، اتقارۋدىڭ پرينسيپى: «قاي جەردىڭ شارت - جاعدايى جەتىلسە، سول جەردە اتقارىلادى». 2015 - جىلدىڭ سوڭىنا دەيىن مەملەكەت بويىنشا جاڭا ۇلگىدەگى كۋالىكتىڭ جاپپاي تاراتىلۋىن ىسكە اسىرۋعا كۇش سالىنادى.

  (اۋدارماسىن قاداعالاۋشى: قۇربان شاپاعات ۇلى)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.