بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

ءدارى - دارمەك ساتىپ الۋدى 5 تۇرگە ءبولىپ اتقارۋ ايقىن بەلگىلەندى

ەلىمىز ءدارى - دارمەك رەفورماسىن جۇرگىزىپ، شوعىرلى ساتىپ الۋدىڭ «تامىرىنا بالتا شاپتى»

2015.03.11 14:21     كەلۋ قاينارى : ءتاڭىرتاۋ تورابى

  شينحۋا اگەنتتىگىنىڭ بەيجيڭنەن بەرگەن حابارى. مەملەكەتتىك كەڭەس كەڭسەسى تاياۋدا «ۇكىمەت شيپاحانالارىنىڭ ءدارى - دارمەكتى شوعىرلى ساتىپ الۋ قىزمەتىن كەمەلدەندىرۋ جونىندەگى جەتەكشى پىكىردى» باسىپ تاراتتى. پىكىردە پاتەنت ۇقىعىن العان كەيبىر ءدارى - دارمەكتەر، جەكە ءبىر ورىن عانا وندىرەتىن ءدارى - دارمەكتەر؛ كلينيكادا قاجەتتى، از مولشەردە ىستەتىلەتىن، بازاردا تاپشى ءدارى - دارمەكتەر؛ ناركوزداعىش ءدارى - دارمەكتەر، رۋحاني اۋرۋ ءدارى - دارمەكتەرى، تارالمالى اۋرۋلاردان جانە پارازيتتىك قۇرت اۋرۋلارىنان ساقتانۋعا جانە بۇلاردى ەمدەۋگە قاجەتتى تەگىن ءدارى - دارمەكتەر سياقتى 5 تۇردەگى ءدارى - دارمەكتى تۇرگە ءبولىپ ساتىپ الۋ ايقىن اتاپ كورسەتىلدى.

  «تۇرگە ءبولىپ ساتىپ الۋدا نەگىزىنەن ءدارى - دارمەكپەن قامداۋعا مەڭزەس مەردىگەر شاقىرىپ ساتىپ الۋ، كەلسسوز ارقىلى ساتىپ الۋ، شيپاحانا تىكەلەي ساتىپ الۋ، تۇراقتى ورىندا ءوندىرۋ، ەرەكشە ءدارى - دارمەكتەردى ساتىپ الۋ سياقتى ءتۇرلى ءتاسىل قولدانىلادى». مەملەكەتتىك كەڭەستىڭ ەمدەۋ رەفورماسى كەڭسەسىنىڭ قاتىستى جاۋاپتىسى بىلاي دەدى: مۇندا ءدارى - دارمەك ساتىپ الۋدىڭ تۇتاس بارىسىن جالپىلىق باقىلاپ - باسقارۋدى كۇشەيتىپ، ءدارى - دارمەكتىڭ ساپاسىن جانە ءدارى - دارمەك دايىنداۋدى شىنايى قامتاماسىز ەتۋدى؛ جەرگىلىكتى ورىنداردى ءىس جۇزىندىك جاعدايىنا ۇشتاستىرىپ، جاڭالىق اشۋ جولىندا ىزدەنىس جاساۋعا شابىتتاندىرىپ، شيپاحانانىڭ ءدارى - دارمەك ساتىپ الۋعا قاتىسۋ سالىستىرماسىن جوعارىلاتۋ ماقسات ەتىلگەن.

  كلينيكادا مولىنان پايدالانىلاتىن، ساتىپ الۋعا قىرۋار قارجى جۇمسالاتىن، بىرنەشە كاسىپورىن وندىرگەن نەگىزگى ءدارى - دارمەكتەر مەن پاتەنت ۇقىعىن الماعان ءدارى - دارمەكتەر جونىندە، پىكىردە ولكە دارەجەلى ءدارى - دارمەك ساتىپ الۋ قۇرىلىمدارى قوس كانۆەرت ءتۇزىمىن قولدانىپ، اشىق مەردىگەر شاقىرۋى، شيپاحانانىڭ ساتىپ الۋ سۋبيەكتى رەتىندە، ءدارى - دارمەكتەردى مەردىگەرلىككە قابىلدانۋ باعاسى بويىنشا ساتىپ الۋى تالاپ ەتىلدى. مەردىگەرلىككە باسەكەلەسۋ باعاسى كورنەكتى تۇردە ارزان، ساپاسىز بولۋ مۇمكىندىگى بار جانە قامداۋىنا سەنىم ارتۋ قيىن ءدارى - دارمەكتەردى جالپىلىق باعالاۋ، حاۋىپتى باسەكەدەن ساقتانۋ كەرەك. حالىقارالىق ورەگە جەتكەن، ۇقساتىپ جاسالعان ءدارى - دارمەكتەردى الدىمەن ساتىپ الۋ كەرەك.

  پاتەنت ۇقىعىن العان كەيبىر ءدارى - دارمەكتەرگە، ءبىر ورىن عانا وندىرەتىن ءدارى - دارمەكتەرگە مەڭزەس جاريا، كوپ جاق قاتىساتىن باعا كەلسسوزى مەحانيزمىن ورناتۋ كەرەك. كەلىسسوز ناتيجەسى مەملەكەتتىك ءدارى - دارمەكتەرمەن قامداۋدى قامتاماسىز ەتۋدى جالپىلىق باسقارۋ ينفورماتسيا مىنبەرىندە جاريالانىپ، شيپاحانالار كەلىسسوز باعاسى بويىنشا ءدارى - دارمەكتەردى ساتىپ الادى.

  ايەلدەر مەن بالالار بولىمىنە قاجەتتى، پاتەنت ۇقىعىن الماعان ءدارى - دارمەكتەر، شۇعىل قۇتقارۋعا قاجەتتى ءدارى - دارمەكتەر، نەگىزدىك اسپا ۋكول، كلينيكادا از ىستەتىلەتىن ءدارى - دارمەكتەر (جوعارى ءدارى - دارمەكتەردىڭ ناقتى كولەمىن ولكە، اۆتونوميالى رايون، قالالار وزدەرى تۇراقتاندىرادى) جانە ۇنەمى پايدالانىلاتىن ارزان ءدارى - دارمەكتەر شوعىرلى توراپتاستىرىلىپ، شيپاحانالار تىكەلەي ساتىپ الادى.

  كلينيكادا، ءسوزسىز، قاجەتتى، از مولشەردە ىستەتىلەتىن، بازاردا تاپشى ءدارى - دارمەكتەردى مەملەكەت مەردىگەر قابىلداپ، ءتۇيىندى تۇردە وندىرەدى، باعاسىنا كەلىسىپ ساتىپ الىنادى.

  ناركوزداعىش ءدارى - دارمەكتەر، رۋحاني اۋرۋ ءدارى - دارمەكتەرى، جۇقپالى اۋرۋلاردان جانە پارازيتتىك قۇرت اۋرۋلارىنان ساقتانۋعا جانە بۇلاردى ەمدەۋگە قاجەتتى تەگىن تاراتىلاتىن ءدارى - دارمەكتەر، مەملەكەتتىڭ يممۋنيتەت جوباسىنداعى ۆاكسينا، جوسپارلى تۋىت ءدارى - دارمەكتەرى جانە جۇڭگوشا ءدارى - دارمەكتەر مەملەكەتتىڭ قازىرگى بەلگىلەمەسى بويىنشا ساتىپ الىنادى، اشىق تا جاريا بولۋعا كەپىلدىك ەتىلەدى.

  شيپاحانالاردا ىستەتىلەتىن ءدارى - دارمەكتەردىڭ بارلىعىن (جۇڭگوشا دارىلەردى قامتىمايدى) دەرلىك ولكە دارەجەلى ءدارى - دارمەكتى شوعىرلى ساتىپ الۋ مىنبەرىندە ساتىپ الۋ كەرەك. ولكەلەر ارا، ارناۋلى شيپاحانا سياقتىلار بىرلەسىپ ساتىپ الۋعا شابىتتاندىرىلادى. ساتىپ الۋ پەريودى پرينسيپتىك جاقتا جىلىنا ءبىر رەت بولادى.

  بۇدان سىرت، ءدارى اقىسى ەسەبىن ايىرۋ ءتاسىلىن دە وزگەرتۋ، ءدارى - دارمەكتەردى جەتكىزۋدى باسقارۋدى كۇشەيتۋ، ساتىپ الۋ مىنبەرى قۇرىلىسىن ولشەمدەستىرۋ سياقتى جاقتارداعى جۇمىستاردا ايقىندالا ءتۇستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.