ءبىر جۇڭگو ازاماتىنا وڭتۇستىك كورەيادا تارالعان ورتا شىعىس تىنىس جولى سيندرۋمىن جۇقتىرعان دەپ دياگنوز قويىلدى

2015.06.11 16:51   كەلۋ قاينارى : حالىق تورابى

　　شينحۋا تورابى، 10 – ماۋسىم، بەيجيڭ (ءتىلشى حۋ حاۋ). جۇڭگو مەملەكەتتىك دەنساۋلىق ساقتاۋ جانە جوسپارلى تۋىت كوميتەتى ۇكىمەت بلوگىندا 10 – ماۋسىمدا جاريالانعان حابارعا قاراعاندا، وڭتۇستىك كورەيا دەنساۋلىق ساقتاۋ تاراۋلارىنىڭ تۇراقتاندىرۋىنشا، ءبىر جۇڭگو ازاماتىنا «وڭتۇستىك كورەيادا تارالعان ورتا شىعىس تىنىس جولى سيندرۋمىمەن جۇعىمدالعان ناۋقاس» دەپ دياگنوز قويىلعان.

　　حاباردا بىلاي دەلىنگەن: ناۋقاس جين فاميليالى، ايەل، 1951 – جىلى تۋىلعان، گيوڭگي دوڭتان جۇرەك اۋرۋلارى شيپاحاناسىندا قىزمەت ىستەيدى، سيندرۋم اۋرۋىن جۇقتىرعان ءبىر ناۋقاسپەن جاقىنداسقاندىعى سەبەپتى جۇعىمدالعان. جين فاميليالىعا ماۋسىمنىڭ 8 – كۇنى جۇعىمدالعان دەپ دياگنوز قويىلعان، قازىر وڭتۇستىك كورەياداعى بەلگىلەنگەن شيپاحانادا بولەكتەنىپ ەمدەلۋدە.

　　مەملەكەتتىك دەنساۋلىق ساقتاۋ جانە جوسپارلى تۋىت كوميتەتى وڭتۇستىك كورەيادا جۇعىمدالعان جۇڭگو ازاماتىنىڭ ەمدەلۋ جاعدايىنا قاداعالاي ءمان بەرەتىندىگىن ءبىلدىرىپ، وڭتۇستىك كورەيانىڭ بارلىق ءونىمدى ەمدەۋ شارالارىن قولدانىپ، ناۋقاستى ەمدەپ ساۋىقتىرۋىن ءۇمىت ەتتى.

　　وڭتۇستىك كورەيا بىرىككەن اگەنتتىگىنىڭ 10 – ماۋسىمداعى حابارىنا قاراعاندا، وڭتۇستىك كورەيادا ورتا شىعىس تىنىس جولى سيندرۋمىمەن جۇعىمدالعان ادام 108-گە جەتىپ، بۇلاردىڭ ىشىندە 9 ادام كوز جۇمعان. قازىر وڭتۇستىك كورەيا ۇكىمەتى ىندەت جاعدايىنان ساقتانۋدى ەرەكشە كۇشەيتىپ وتىر ەكەن.

　　كەلۋ قاينارى: حالىق تورابى