بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

جاپونعا قارسى سوعىستاعى ءىرى ىستەر ەستەلىگى

2015.07.07 17:03     كەلۋ قاينارى : حالىق تورابى

  1931 – جىلى 18 – قىركۇيەكتە جاپونيانىڭ كانتون ارمياسى شىنياڭنىڭ قالا ماڭىنداعى ليۋتياۋ كولىنىڭ جانىنداعى تەمىر جولدى قاساقانا قوپارىپ تاستايدى، ءارى جۇڭگو ارمياسىنا پالە ارتىپ، جۇڭگو اسكەري قوسىنىنىڭ تۇرعان جەرىندە قوپارىلىس تۋدىرادى. «18 – قىركۇيەك» وقيعاسى جۇڭگو حالقىنىڭ فاشيزمگە قارسى سوعىسىنىڭ باستالعانىنان دەرەك بەرەدى.

  1935 – جىلى 9 – جەلتوقساندا بەيپيڭ وقۋشىلارى جاپونياعا قارسى تۇرىپ، وتاندى قۇتقارۋ ەرەۋىلىنە شىعىپ، جاپونيا يمپەرياليزمىنىڭ شاپقىنشىلىعىنا قارسى تۇرادى. وسى قوزعالىستىڭ ىقپالىمەن بۇكىل ەلدە جاپونياعا قارسى تۇرىپ، وتاندى قۇتقارۋ قوزعالىسىنىڭ جاڭا ورلەۋى كوتەرىلەدى، جاپونياعا قارسى ۇلتتىق بىرلىكساپتىڭ قۇرىلۋى جەبەلەدى.

  1936 – جىلى جەلتوقساننىڭ 12 – كۇنى جاڭ شۋەلياڭ مەن ياڭ حۋچىڭ شي – ان قالاسىندا «اسكەري كۇشپەن اقىل ايتۋ» قيمىلىن جۇرگىزىپ، گومينداڭ ۇكىمەتى اسكەري ىستەر كوميتەتىنىڭ باستىعى جياڭ جيەشىنى ۇستادى، جياڭ جيەشىنىڭ ىشكى سوعىستى توقتاتىپ، جاپونيا شاپقىنشىلارىنا بىرلەسىپ قارسى تۇرۋىنا قىسىم ءتۇسىردى.

  1937 – جىلى 7 – شىلدە كەشتە جاپونيا ارمياسى بەيپيڭنىڭ باتىس وڭتۇستىگىندەگى لۋگۋچياۋ كوپىرىنىڭ ماڭىندا جۇڭگونىڭ اسكەري بولىمىنە شابۋىل جاسايدى، جۇڭگونىڭ قورعانىس ءبولىمىنىڭ ارمياسى ەرلىكپەن قارسىلىق كورسەتەدى. جاپونيا شاپقىنشىلارىنا قارسى سوعىس جاپپاي باستالادى.

  1937 – جىلى قىركۇيەكتە گومينداڭ ورتالىق اگەنتتىگى «جۇڭگو كوممۋنيستىك پارتياسىنىڭ گومينداڭ مەن كوممۋنيستىك پارتيانىڭ ىستەستىگىن جاريالاۋ جارناماسىن» جاريالايدى، جياڭ جيەشى اڭگىمە جاريالاپ كوممۋنيستىك پارتيا مەن گومينداڭنىڭ زاڭدى ورنىن مويىندايدى. ەكىنشى كۇنى گومينداڭ مەن كوممۋنيستىك پارتيانىڭ ىستەستىگى رەسمي قالىپتاستى.

  1937 – جىلى 25 – قىركۇيەكتە 8 - ارميانىڭ 115 - دۆيزياسى سانشي ولكەسىنىڭ پيڭشيڭگۋان ماڭىندا جاپونيا ارمياسىنا توسقاۋىلداپ سوققى بەرىپ، جاۋدىڭ مىڭنان استام ادامىن جويادى، بۇل جاپونيا شاپقىنشىلارىنا قارسى سوعىس باستالعاننان كەيىنگى جۇڭگو ارمياسىنىڭ تۇڭعىش جەڭىسىنە اينالادى.

  1937 – جىلى 13 – جەلتوقساندا جاپونيا ارمياسى نانجيڭگە باسىپ كىرگەننەن كەيىن قۇتىرىنا قىرعىن سالادى، تالان - تاراجىلىق، باسقىنشىلىق جاساۋ، ءبۇلدىرۋ ارەكەتتەرىمەن شۇعىلدانادى. ارميا مەن حالىقتان 300 مىڭنان استام ادام ايانىشپەن ولتىرىلەدى، نانجيڭ قالاسىنىڭ ۇشتەن ءبىر بولەگى قيراتىلادى.

  1938 – جىلى ناۋرىز، ءساۋىر ارالىعىندا جۇڭگو اسكەري ءبولىمى وڭتۇستىك شاندۇڭ، ىرجۋاڭ رايوندارىندا جاپونيا ارمياسىنىڭ ەكى تاڭداۋلى دۆيزياسىن كۇيرەتىپ، جاۋدىڭ 10 مىڭنان استام ادامىن جويىپ، جاپونيا شاپقىنشىلارىنا قارسى سوعىستىڭ تاعى ءبىر كەلەلى جەڭىسىنە قول جەتكىزەدى.

  1939 – جىلى قاراشانىڭ باسىندا 8 – ارميا «الاستاۋعا» قارسى كۇرەس بارىسىندا حىبيدىڭ حۋاڭتۋ شوقىسىندا جاپونيا ارمياسىنىڭ گەنەرال لەيتەنانتى ابۋگۇيشيۋدى اتىپ ولتىرەدى. ابۋگۇيشيۋ جاپونيا شاپقىنشىلارىنا قارسى سوعىس باستالعاننان بەرگى 8 – ارميا اتىپ ولتىرگەن جاپونيا ارمياسىنىڭ ەڭ جوعارى دارەجەدەگى قولباسشىسى ەدى.

  1940 – جىلى تامىز، جەلتوقسان ارالىعىندا 8 – ارميا سولتۇستىك جۇڭگوداعى جاپونيا ارمياسىنا زور كولەمدە شابۋىل قوزعادى، شايقاسقا جالپى 105 پولىك قاتىناسىپ، جاپونيا ارمياسىنىڭ 20 مىڭنان استام ادامى اتىپ ءولتىرىلدى.

  1941 – جىلى جەلتوقساننان 1942 – جىلى قاڭتارعا دەيىنگى ارالىقتا جاپونيا ارمياسى چاڭشاعا شابۋىل جاسادى، جۇڭگونىڭ اسكەري ءبولىمى ەرلىكپەن قايتارما شابۋىلعا ءوتىپ، جاپونيا ارمياسىن ويسىراتا سوققىلادى.

  1944 – جىلى ساۋىردەن جەلتوقسانعا دەيىنگى ارالىقتا جاپونيا ارمياسى حىنان، حۋبەي جانە گۋاڭشي سياقتى جەرلەرگە كولەمدى شابۋىل قوزعاپ، ۇلى قۇرلىق قاتىناس لەنياسىن اشۋعا ۇرىنادى، گومينداڭ ارمياسى ويسىراي جەڭىلىپ، كەڭ – بايتاق ءوڭىر جاۋ قولىنا وتەدى.

  1945 – جىلى 26 – شىلدەدە جۇڭگو، ا ق ش، انگليا ءۇش ەل «جۇڭگو، ا ق ش انگليا ءۇش ەلدىڭ جاپونيانىڭ تىزە بۇگۋىنە قىسىم ءتۇسىرۋ پوتسدام مازمۇنداماسىن» جاريالاپ، جاپونيانىڭ دەرەۋ شارتسىز تىزە بۇگۋىن تالاپ ەتتى.

  1945 – جىلى 9 – تامىزدا ماۋ زىدۇڭ جولدا «جاپونيا شاپقىنشىلارىمەن سوڭعى شايقاسقا ءوتۋ» مالىمدەمەسىن جاريالاپ، جۇڭگو حالقىن، جاپونياعا قارسى كۇشتەردى جاپونيا ارمياسىنا زور كولەمدە قايتارما شابۋىلعا وتۋگە ۇندەدى.

  1945 – جىلى 15 – تامىزدا جاپونيا پاتشاسى يۇيرىن «سوعىستى اياقتاتۋ پاتشا جارلىعىن» جاريالاۋ فورماسىمەن «پوتسدام مازمۇنداماسىنا» مويىنسال بولاتىنىن جاريالادى. جۇڭگو حالقىنىڭ جاپونيا شاپقىنشىلارىنا قارسى سوعىسى ەڭ سوڭعى جەڭىسكە جەتتى.

  1945 – جىلى 25 – قازاندا جۇڭگو سوعىس رايونىنىڭ تايۋان ولكەسىندەگى جاپونيا ارمياسىنىڭ تىزە بۇگۋ سالتى تايبەيدە وتكىزىلدى، جاپونيانىڭ زورلىقپەن باسىپ العانىنا 50 جىل بولعان تايۋان وتان قۇشاعىنا ورالدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.