- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باسقا جەردە ەمدەلىپ، ەسەبىن ۇكىمەتتەن كوتەرتۋ سالىستىرماسى تومەندەتىلگەننەن كەيىن ناۋقاستار ساپالى ەمدەۋدەن قالاي يگىلىكتەنە الادى
2015.12.07 16:45 كەلۋ قاينارى : شينجياڭ گازەتى
اقپارات كوزى: جۋىقتا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، قازىنا مەڭگەرمەسى، دەنساۋلىق ساقتاۋ جانە جوسپارلى تۋىت كوميتەتى بىرلىكتە «اۆتونوميالى رايون كولەمىندە باسقا جەردە ەمدەلۋدىڭ ەسەبىن جاساۋ قىزمەتى جونىندەگى ۇقتىرۋدى» جاريالاپ، قامسىزداندىرۋعا قاتىناسقان جەر مەن ەمدەلگەن جەردىڭ نەگىزگى جاۋاپكەرشىلىگىن اناعۇرلىم ايقىنداپ، باسقا جەرگە بارىپ ەمدەلۋدىڭ باسقارىلۋىن كۇشەيتتى، باسقا جەردە ەمدەلۋدىڭ ەسەبىن جاساۋدا قارجى تولەۋ ولشەمىنە ورىندى رەتتەۋ جۇرگىزىپ، باسقا جەردە ەمدەلۋدىڭ ۇيلەسىمدى باعىتى مەن ەمدەلۋ ءتارتىبىن قالىپتاستىرىپ، باسقا جەردە ەمدەلۋدىڭ ەسەبىن جاساۋدى «جۇزەگە اسىرۋدان» «كەمەلدەندىرۋگە» قاراي ويىستى.
توراپتاستاردىڭ ءۇنى: توراپتاس « Super»: كوپشىلىك نەگە اۋرەلەنىپ، ۋاقىتىن، اقشاسىن زايا ەتىپ ايماق، اۋدانداردان ءۇرىمجى قالاسىنداعى ءىرى شيپاحانالارعا، كەيبىرەۋلەر، ءتىپتى، ەمدەۋ قامسىزداندىرۋىنان يگىلىكتەنبەي ىشكى ولكەلەرگە بارىپ ەمدەلەدى، ونداعى سەبەپ كوپشىلىك جەرگىلىكتى ورىنداعى شيپاحانالاردىڭ ناۋقاسىن قاتە تۇجىرىمداۋىنان نەمەسە ەمدەپ ساۋىقتىرا الماۋىنان الاڭداپ، شارت - جاعدايى جاقسى، ەمدەۋ تەحنيكاسى جوعارى شيپاحانالارعا بارادى.
توراپتاس «شيڭجۇن - ي»: باسقا جەردە ەمدەلىپ، ەسەبىن ۇكىمەتتەن كوتەرتۋ سالىستىرماسى تومەندەتىلگەننەن كەيىن، ايماق، وبلىستاعى ناۋقاستاردىڭ ۇرىمجىگە بارىپ ەمدەلۋ شىعىنىن ارتتىردى، ورتالىق قالانىڭ ەمدەۋ بايلىعىنان ورتاق يگىلىكتەنۋگە بولماي ما؟
ءتىلشى لەنياسى: اۆتونوميالى رايون باسقا جەردە ەمدەلىپ، ەسەبىن ۇكىمەتتەن كوتەرتۋ سالىستىرماسىن تومەندەتۋ جاڭا ساياساتىن شىعارعاننان كەيىن ايماق، وبلىستاعى ناۋقاستار قايتكەندە جەرگىلىكتى ورىنداعى ەمدەۋ قۇرىلعىلارىنان تولىق پايدالانۋمەن بىرگە، اۆتونوميالى رايون دارەجەلى شيپاحانالاردىڭ وزىق ەمدەۋ بايلىعىنان يگىلىكتەنۋىنە بولادى؟ بۇل جونىندە 19- قاراشا ءتىلشى اۆتونوميالى رايوندىق حالىق شيپاحاناسى ەمدەۋ قىزمەتى ءبولىمى قوعامدىق قىزمەت بولىمشەسىنىڭ باستىعى ۋاڭ فەيعا تىلشىلىك ىستەدى.
ۋاڭ فەي بىلاي دەدى: ۇرىمجىدە كوپتەگەن A3دارەجەلى شيپاحانالار بار، بىرنەشە جىلدىڭ الدىندا باسقا جەردە ەمدەلۋ جۇزەگە اسقان سوڭ، قامسىزداندىرۋعا قاتىناسقان كوپتەگەن ادامدار ەمدەۋ ساپاسى جوعارى جەرلەرگە بارىپ ەمدەلەتىن بولدى. باسقا شيپاحاناعا اۋىسۋ كوبەيگەن سوڭ، جەرگىلىكتى شيپاحانالاردىڭ ەكونوميكالىق قۇرىنىڭ اۋىرتپالىعى ارتتى، سونىمەن بىرگە اۆتونوميالى رايون دارەجەلى ءارقايسى ءىرى شيپاحانالاردا توسىك ورىن جەتىسپەۋ جاعدايى دا كۇن سايىن كۇشەيە ءتۇستى، بۇنىمەن سالىستىرعاندا ءارقايسى ايماق، وبلىستاعى شيپاحانالاردىڭ توسەك ورنىنىڭ بوس قالۋ سالىستىرماسى %30كە، ءتىپتى، %50كە دەيىن جەتتى. باسقا جەردە ەمدەلىپ، ەسەبىن ۇكىمەتتەن كوتەرتۋ سالىستىرماسىن تومەندەتۋ جاڭا ساياساتى جاريالانعاننان كەيىن، ءبىر جاقتان، ۇرىمجىدەگى ءىرى شيپاحانالارعا ناۋقاستاردىڭ تىم شوعىرلانىپ ەمدەلۋ ماسەلەسىن شەشىپ، ورتالىق قالانىڭ ەمدەۋ قامسىزداندىرۋىن ەسەپتەن كوتەرۋ اۋىرتپالىعىن بەلگىلى مولشەردە جەڭىلدەتۋگە، ەمدەۋ بايلىعىنان تەپە - تەڭ پايدالانۋعا مۇمكىندىك جاراتىپ، اۆتونوميالى رايوننىڭ ەمدەۋ قۇرىلىمدارىنىڭ تاماشا دامۋىن جەبەيدى. ەندى ءبىر جاقتان، باسقا جەردە ەمدەلىپ، ەسەبىن ۇكىمەتتەن كوتەرتۋ سالىستىرماسى تومەندەتىلگەن سوڭ، ۇرىمجىگە كەلىپ ەمدەلەتىن ناۋقاستاردىڭ شىعىنى دا ءمالىم مولشەردە كوبەيەدى.
باسقا جەردە ەمدەلىپ، ەسەبىن ۇكىمەتتەن كوتەرتۋ سالىستىرماسى تومەندەتىلگەننەن كەيىن، شينجياڭنىڭ جەر - جەرىندەگى ناۋقاستاردىڭ ەمدەۋ بايلىعىنان ورتاق پايدالانۋىن قايتكەندە جۇزەگە اسىرۋعا بولادى دەگەن سۇراۋ جونىندە ۋاڭ فەي بىرنەشە ءادىس - شارالاردى العا قويدى.
ناۋقاس جاعدايىنا الىس ارالىقتان بىرلەسىپ تۇجىرىم جاساپ، شينجياڭداعى ناۋقاستاردىڭ بارلىعىن مامانداردىڭ ەمدەۋىنە كەنەلدىرۋ كەرەك. الىس ارالىقتان بىرلەسىپ تۇجىرىم جاساۋ − وسى زامانعى توراپ، حابارلاسۋ تەحنيكاسىنان پايدالانىپ، ناۋقاستىڭ اۋرۋ تاريحىنا تالداۋ جاساپ، اۋرۋ جاعدايىن تۇجىرىمداۋ ارقىلى ەمدەۋ جوباسىن ىشكەرىلەي تۇراقتاندىراتىن ءونىمدى ەمدەۋ ءادىسى. ۋاڭ فەي بىلاي دەپ تانىستىردى: اۆتونوميالى رايوندىق حالىق شيپاحاناسى 2009- جىلدان باستاپ الىس ارالىقتان ەمدەۋ جۇيەسىن قۇرا باستادى، قازىرگە دەيىن 50مىڭ رەت الىس ارالىقتان بىرلەسىپ تۇجىرىمداۋ جۇرگىزدى، تەك 2014- جىلدىڭ وزىندە الىس ارالىقتان بىرلەسىپ تۇجىرىمداۋ جۇرگىزگەن رەت سانى 11 مىڭعا تاياپ، جىل سايىن ارتۋ جاعدايى جارىققا شىقتى. الىس ارالىقتان بىرلەسىپ تۇجىرىمداۋ جۇرگىزگەن ناۋقاستاردىڭ شيپاحانا اۋىستىرىپ ەمدەلۋ مولشەرى %10تەن اسقان جوق، بۇنىمەن ايماق، وبلىس شيپاحانالارىنىڭ ناۋقاس جاعدايىن تۇجىرىمداۋ جاعىنداعى تەحنيكاسىنىڭ كەم بولۋ ماسەلەسىن شەشۋگە، سونداي - اق اۆتونوميالى رايون دارەجەلى شيپاحانالارداعى مامانداردىڭ ارتىقشىلىعىن تولىق ساۋلەلەندىرۋگە، ءارقايسى ايماق، وبلىستاعى ەگىنشى - مالشىلاردىڭ تەحنيكاسى جوعارى شيپاحانالاردىڭ، ونەرى ۇستەم مامانداردىڭ ساپالى ەمدەۋ جۇرگىزۋ، قىزمەت وتەۋىنەن يگىلىكتەنۋىن كەپىلدەندىرۋگە بولادى.
مىسالى جۇرەك سۇرەتتەمەسىنە الىس ارالىقتان بىرلەسىپ تۇجىرىم جاساۋدى ايتالىق، اۋدان دارەجەلى شيپاحانالاردا جۇرەك سۇرەتتەمەسىنە تۇجىرىم جاساي الاتىن شيپاگەرلەر تاپشى، توراپ تەحنيكاسى ارقىلى جۇرەك سۇرەتتەمەسىن جەرگىلىكتى شيپاحانادا ءتۇسىرىپ العان سوڭ، الىس ارالىقتان بىرلەسىپ تۇجىرىمداۋ جۇيەسى ارقىلى دەرەۋ اۆتونوميالى رايون دارەجەلى شيپاحانالارعا جەتكىزسە، شيپاگەرلەر سوعان قاراي تۇجىرىم جاساپ، ەمدەۋ جوباسىن بەلگىلەيدى.
ەمدەۋ سەلبەستىك تۇلعاسىن قۇرىپ، نەگىزگى ساتىنىڭ ەمدەۋ ساپاسىن جوعارىلاتۋ كەرەك. ەمدەۋ سەلبەستىك تۇلعاسى − شيپاحانالار ورناتقان تەكشەلەر ارقىلى ەمدەۋگە قاتىستى وقىتۋ، زەرتتەۋ جاعىنان كومەكتەسۋ، سۇيەمەلدەۋدى تياناق ەتىپ، نەگىزگى ساتىنىڭ ەمدەۋ ساپاسىن جوعارىلاتۋدى ماقسات ەتەدى. ەمدەۋ سەلبەستىك تۇلعاسىن قۇرىپ، ناۋقاستىڭ جاعدايىنا قاراي شيپاحانالار ارا اۋىستىرىپ تۇجىرىمداۋ، الىس ارالىقتان بىرلەسىپ تۇجىرىمداۋ سياقتى كاسىپتەر اشىپ، دارەجەسىنە قاراي ەمدەۋ - ىستەرىن بەلسەنە ىلگەرىلەتۋ، نەگىزگى ساتىداعى ناۋقاستاردىڭ ءوز جەرىندە ەمدەلۋىن جۇزەگە اسىرىپ، ايماقتىق، اۋداندىق ەمدەۋ ورگاندارىنىڭ جان - جاقتى ەمدەۋ ورەسىن جوعارىلاتۋ، ەمدەۋ، دەنساۋلىق ساقتاۋ بايلىعىن ساپالىلاندىرۋ ءتيىس. ءاربىر ەمدەۋ ورگانى 3 ءبولىمدى ءتۇيىندى دەمەۋ، 2 دە 3 جىلدىق دەمەۋ ارقىلى سول جەردەگى تاڭداۋلى ەمدەۋ بولىمىنە اينالدىرىپ، جوعارى ساپالى ەمدەۋ كاسىپتىك قوسىنىن قالىپتاستىرىپ، ايماق، وبلىستاردىڭ دەنساۋلىق ساقتاۋ ىستەرىنىڭ دامۋىن جەبەۋ قاجەت. كەزەكتە شينجياڭدا 40تان استام ەمدەۋ ورگانى ەمدەۋ سەلبەستىك تۇلعاسىنا مۇشە بولدى، اۆتونوميالى رايوندىق حالىق شيپاحاناسى 2016- جىلى 100ەمدەۋ ورگانىن ەمدەۋ سەلبەستىك تۇلعاسىنا مۇشە بولۋدى جۇزەگە اسىرادى، بۇل بۇكىل شينجياڭ كولەمىندەگى ايماق، وبلىس دارەجەلى، اۋدان دارەجەلى ەمدەۋ ورگاندارىن تۇگەلدەي قامتيدى.
الىس ارالىقتان بىرلەسىپ تۇجىرىمداپ، ءوز جەرىندە ەمدەۋ ناۋقاستار جونىنەن العاندا شىعىندى تەجەپ، اۋرەنى ازايتاتىن ەمدەلۋ فورماسى. ۋاڭ فەي بىلاي دەدى: ءبىر ناۋقاس ايماق نە اۋداننان ءۇرىمجى قالاسىنا كەلىپ ەمدەلسە، ەمدەلۋ اقىسىن تولەۋدەن تىس، تاماق، جاتىن ورىن، ءجۇرىس - تۇرىس سياقتى جاقتارعا دا كوپتەگەن شىعىن شىعاراتىندىقتان، ناۋقاستىڭ ەكونوميكالىق اۋىرتپالىعى ارتادى. ەگەر الىس ارالىقتان بىرلەسىپ تۇجىرىم جاساتىپ، ءوز جەرىندەگى شيپاحانادا ەمدەلسە جوعارىداعى ارتىق شىعىنداردى ونەمدەۋدەن تىس، جول ءجۇرۋ بارىسىنداعى ارىپ- شارشاۋدان دا اۋلاق بولادى، جول ءجۇرۋ بارىسىنداعى ارىپ - شارشاۋ اۋرۋدان تەز ايعۋعا نەداۋىر كەدەرگى بولادى. ۋاڭ فەي: كەزەكتە شينجياڭداعى 126ەمدەۋ ورگانى اۆتونوميالى رايوندىق حالىق شيپاحاناسىمەن الىس ارالىقتان بىرلەسىپ تۇجىرىمداۋ كەلىسىمىن جاساستى، سوندىقتان ايماق، اۋداندارداعى ناۋقاستاردىڭ بارلىعى الىس ارالىقتان بىرلەسىپ تۇجىرىم جاساتۋدى ءوتىنىش ەتۋىنە بولادى، ءار رەتكى باعاسى 200 يۋان مولشەرىندە، ونى ناۋقاستار قىمبات سانامايدى، - دەدى.
ۋاڭ فەي مىناداي ۇسىنىس قويدى: ناۋقاس الدىمەن ءوز جەرىندەگى ەمدەۋ ورگانىنا بارىپ باستاپقى تەكسەرتۋ جۇرگىزۋى، ناۋقاسىن انىق تۇجىرىمداي الماسا، الىس ارالىقتان بىرلەسىپ تۇجىرىمداۋدى ءوتىنىش ەتىپ، ىشكەرىلەي ەمدەۋ جوباسىن تۇراقتاندىرۋى كەرەك. تەك شيپاحانا اۋىستىرۋ قاجەت بولعاندا عانا، اۆتونوميالى رايون دارەجەلى شيپاحاناعا اۋىسىپ ەمدەلۋى ءتيىس. الىس ارالىقتان بىرلەسىپ تۇجىرىمداۋدا شيپاحانا اۋىستىرىپ ەمدەۋ كەرەك دەپ تۇراقتاندىرىلعان ناۋقاستارعا اۆتونوميالى رايوندىق حالىق شيپاحاناسى توتە قابىلداۋ شاراسىن قولدانىپ، الدىن الا توسەك ورنىن ازىرلەيدى، ەمدەيتىن شيپاگەرىن بەلگىلەيدى، بول ناۋقاستىڭ ۋاقىتىن جانە قارجىسىن ونەمدەۋىنە سەپتىگىن تيگىزەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
