- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
زەينەتكە شىعۋ جاسىن ۇزارتۋ جوباسىن جاساۋدا جۇرتشىلىققا پسيحولوگيالىق دايىندىق مۇمكىندىگى قالدىرىلادى
2015.12.07 16:46 كەلۋ قاينارى : شينجياڭ گازەتى
جۋىقتان بەرى ءىشىنارا اقپارات قۇرالدارى زەينەتكە شىعۋ جاسىن بىرتىندەپ ۇزارتۋ جانە كەي ولكەلەردىڭ قارتتاردى كۇتىمدەۋ اقىسىن تاراتۋ ماسەلەسىنە ەرەكشە نازار اۋدارۋدا، توراپتاستاردا بۇل جونىندە ءوز كوزقاراستارىن ورتاعا سالدى. وسى جونىندە ءتىلشى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ اقپارات جاريالاۋشىسى لي جۇڭعا تىلشىلىك ىستەدى.
لي جۇڭ بىلاي دەدى: پارتيا 18- كەزەكتى ورتالىق كوميتەتىنىڭ ءۇشىنشى جالپى ماجىلىسىندە زەينەتكە شىعۋ جاسىن بىرتىندەپ ۇزارتۋ جوباسىن جاساۋ جونىندەگى ساياساتتى زەرتتەپ بەلگىلەۋدى ۇيعاردى، بەسىنشى جالپى ءماجىلىس كەزىندە ىشكارىلەي كەلە زەينەتكە شىعۋ جاسىن بىرتىندەپ ۇزارتۋ ساياساتىن شىعارۋدى ۇيعاردى. بۇل مەملەكەت جاعدايىن شىعار ءتۇيىن، ەلىمىزدىڭ ەكونوميكالىق، قوعامدىق دامۋ احۋالىن نەگىز ەتكەن، حالىقارالىق تاجىريبەلەردى قورىتىندىلاپ، ءادىل، باياندى قوعامدىق قامتاماسىزداندىرۋ ءتۇزىمىن ورناتۋداعى ماڭىزدى شارا.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى ورتالىقتىڭ تالابى بويىنشا، زەينەتكە شىعۋ جاسىن بىرتىندەپ ۇزارتۋ ماسەلەسىنە تەرەڭدەي زەرتتەۋ جۇرگىزۋدە. زەينەتكە شىعۋ جاسىن ۇزارتۋ جوباسىن جاساۋ بارىسىندا، قوعامنىڭ ءار سالاسىنىڭ پىكىرى مەن كوزقاراستارىن تولىق ويلاستىرىپ، جان - جاقتى تەڭگەرەدى.
جالپى وي جەلىسى مىناداي: دەموكراتيالىق قارتايۋ مولشەرىنىڭ بەتالىسى مەن ەڭبەككۇش جاعدايىنا قاراي، رەتتەۋ ءتۇيىنى مەن ريتىمىن مەڭگەرىپ، «باياۋ ىلگەرىلەۋ، بىرتىندەپ نىساناعا جەتۋ»، ياعني ءار جىلى زەينەتكە شىعۋ جاسىن بىرنەشە اي عانا ۇزارتۋ ءارى ونى قوعامعا جاريالاۋ ارقىلى جۇرتشىلىققا پسيحولوگيالىق دايىندىق مۇمكىندىگىن قالدىرادى.
لي جۇڭ: كەزەكتە ءبىز وسى جونىندەگى جوبانى جاساۋعا قاۋىرت كىرىستىك، ۇيلەسىمدى ۋاقىتتا قوعامعا جاريالاپ پىكىر الىپ، ونى ورتالىق كوميتەت پەن مەملەكەتتىك كەڭەستىڭ شەشىم جاساۋىنا ۇسىنامىز، - دەدى.
قارتتاردى كۇتىمدەۋ قامسىزداندىرۋ قورى جونىندە لي جۇڭ بىلاي دەدى: 2014- جىلدان بەرى، ءتۇرلى فاكتورلاردىڭ ىقپالىنان، سول تۇستاعى قارتتاردى كۇتىمدەۋ قاراجاتىنىڭ شىعىسى قورعا توپتالاتىن قاراجاتتان ارتىق بولعان ولكەلەر سانى مولايدى. مۇنداعى باستى سەبەپ قارتتاردى كۇتىمدەۋ قاراجاتىنىڭ مولشەرى ءۇرتىس جوعارىلاتىلىپ، قوردان شىعاتىن قارجى مولايدى؛ دەموكراتيالىق قارتايۋدىڭ ىقپالى بىلىنە باستادى، قامسىزداندىرۋعا قاتىناسقانداردىڭ اراسىندا زەينەتكە شىققانداردىڭ سانى قاراجات تاپسىراتىنداردىڭ سانىنان ارتىق بولا باستادى؛ ءىشىنارا وڭىرلەردە كۇتىمدەۋ نارقى جوعارى بولعاندىقتان اۋىرتپالىق ءبىرشاما اۋىر بولۋدا.
قارتتاردى كۇتىمدەۋ قامسىزداندىرۋ قورىنىڭ كىرىس - شىعىس جاعدايىنا قاراعاندا، بيىل الدىڭعى 10 ايدا ەلىمىزدە قوردىڭ جالپى كىرىسى جالپى شىعىستان 210 ميلليارد يۋان ارتقان، باسىم كوپ ساندى ولكەلەردىڭ قامسىزداندىرۋ قورىنىڭ جيناق قارجى مولشەرى 8 ايدان استام ۋاقىتتىق شىعىستان ارتىق بولعاندىقتان، قامسىزداندىرۋ قورىنىڭ اينالىسى جالپى العاندا ورنىقتى، وسى تۇستاعى قارتتاردى كۇتىمدەۋ قامسىزداندىرۋ قاراجاتىن تاراتۋدى كەپىلدەندىرۋگە بولادى. كەزەكتەگى قارتتاردى كۇتىمدەۋ قامسىزداندىرۋ قورىنا قارجى توپتاۋ ارناسىنىڭ ىشىندە، قازىنادان قوسىمشا قاراجات بەرۋ ماڭىزدى بۋىنعا اينالعان.
وزاقتان بەرى ارقالاعان قارىزى مول، قوردان قاراجات شىعارۋ قۋاتى ءالسىز از ساندى بايىرعى ونەركاسىپ بازاسى سانالاتىن ولكەلەرگە قاراتا مەملەكەت ورتالىق قازىنادان قوسىمشا قاراجات بەرۋ تەبىنىن ارتتىرادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved