كەلەر جىلعى تۇرمىسىڭىزعا ىقپال جاسايتىن ورتالىق بەلگىلەگەن 10 ءتۇرلى ساياسات

2015.12.25 09:02   كەلۋ قاينارى : حالىق تورابى

　　حالىق تورابى، 22 - جەلتوقسان، بەيجيڭ. (مانەپ ەربول ۇلى) ورتالىقتىڭ ەكونوميكالىق قىزمەت ءماجىلىسى 18 – جەلتوقساننان 21 - جەلتوقسانعا دەيىن بەيجيڭدە اشىلدى. ماجىلىستە 2016 - جىلعى ەكونوميكالىق قىزمەت جونىندە جالپى بەتتىك ورنالاستىرۋ جاساپ، ٶندىرىس قۋاتىن قىسقارتۋ، قامبادا ساقتاۋدى ازايتۋ، سۇيمەندى قىسقارتۋ، وزىندىك قۇندى تومەندەتۋ، كەمشىل جۇيەلەردى تولىقتىرۋ قاتارلى بەس ءتۇرلى مىندەتتى ايقىن ورتاعا قويدى. ماجىلىستە ورتاعا قويىلعان تومەندەگى 10 ءتۇرلى شارا ءسىزدىڭ تۇرمىسىڭىز بەن قىزمەتىڭىزگە اسەر ەتەدى.

　　تاۋار ءۇي باعاسىن لايىقتى ءتۇسىرۋ

　　ــ ءۇي ساتىپ الۋعا اقشانى ازىراق جۇمسايتىن بولۋىڭىز مۇمكىن

　　ماجىلىستە بىلاي دەلىنگەن: قورا - جاي كاسىبىمەن شۇعىلداناتىن سەرىكتىكتەردى بازار زاڭدىلىعىنا ساي ۇيلەسىمدى ساتۋ ستراتەگياسىن جاساپ، تاۋار ءۇي باعاسىن لايىقتى تۇسىرۋگە شابىتتاندىرۋ كەرەك.

　　ۋاقىتى وتكەن شەكتەۋ سيپاتىندىق شارالاردى كۇشىنەن قالتىرۋ

　　- ءۇي ساتىپ الۋداعى شەكتەمەلەر ازايادى

　　ماجىلىستە مىنالار اتاپ كوسەتىلدى: قورا - جايدىڭ ساقتالىپ بوس تۇرۋىن شەشۋ، ۋاقىتى وتكەن شەكتەۋ سيپاتىندىق شارالاردى كۇشىنەن قالتىرۋ كەرەك. ورتالىقتىڭ ەكونوميكالىق قىزمەت ءماجىلىسىنىڭ بۇل بايانداماسى جۇرتتىڭ نازارىن ەرەكشە اۋداردى، قورا - جاي بازارىنىڭ «شەكتەۋ سيپاتىندىق شاراسى» جاعىندا، جۇرتشىلىق ءۇي ساتىپ الۋ، قارىز اقشا الۋ جاقتارىنداعى شەكتەۋ سيپاتىندىق شارالارىن كۇشىنەن قالتىرۋ نەمەسە كەڭەيتۋگە ەرەكشە نازار اۋدارىپ وتىر.

　　الەۋمەتتىك مايعا بەرىلەتىن ۇيلەردى قالا نوپوسىنان سىرت جەرلەردىڭ ادامدارىنا دەيىن بەرۋ

　　ــ سىرت جەرلىكتەر دە الەۋمەتتىك مايعا بەرىلەتىن ۇيلەرگە تۇرا الاتىن بولادى

　　ماجىلىستە بىلاي دەلىنگەن: تۇرعىن ءۇي ءتۇزىمى رەفورماسىن ىشكەرىلەي جۇرگىزۋ باعىتىن ايقىنداپ، قالاداعى جاڭا تۇرعىنداردىڭ تۇرعىن ءۇي ماسەلەسىن شەشۋدى شىعار ءتۇيىن ەتە وتىرىپ، مايعا الۋ مەن ساتىپ الۋدى بىردەي جولعا قوياتىن تۇرعىن ءۇي ءتۇزىمىن ورناتۋدى نەگىزگى باعىت ەتۋ ارقىلى الەۋمەتتىك مايعا بەرىلەتىن ۇيلەردى نوپوسى سىرت جەرلىك ادامدارعا دەيىن بەرۋ كەرەك.

　　اۋىل – قىستاقتارداعى جىلجىمالى جان سانى قاتارلى نوپوسى سىرت جەرلىك ادامداردىڭ كاسىپتەنگەن جەرلەرگە نوپوسىن جوتكەپ اكەلۋىنە جول بەرۋ

　　ــ ديقان جۇمىسكەرلەر كاسىپتەنگەن جەرلەرگە نوپوسىن جوتكەپ اكەلە الادى

　　ماجىلىستە مىنالار ايقىن ورتاعا قويىلدى: نوپوستى تىزىمگە الدىرۋ ءتۇزىمى رەفورماسىنىڭ جوباسىن تياناقتاندىرىپ، اۋىل - قىستاق جىلجىمالى جان سانى قاتارلى نوپوسى سىرت جەرلىك ادامداردىڭ كاسىپتەنگەن جەرلەردە نوپوسىن تىزىمگە الدىرۋىنا جول بەرىپ، ولاردىڭ وزدەرى كاسىپتەنگەن جەرلەردەن ءۇي ساتىپ الۋ نەمەسە ءۇي مايلاۋ سىندى جوسپارى مەن تالابىنىڭ ىسكە اسۋىنا مۇمكىندىك جاراتۋ كەرەك.

　　«بەس قامسىزداندىرۋ مەن ءبىر قوردى» ىقشامداپ بىرىكتىرۋدى ويلاستىرۋ

　　ــ قوعامدىق قامسىزداندىرۋ اۋىرتپالىعى جەڭىلدەيتىن بولادى

　　ماجىلىستە مىنالار ورتاعا قويىلدى: قوعامدىق قامسىزداندىرۋ قاراجاتىن تومەندەتىپ، «بەس قامسىزداندىرۋ مەن ءبىر قوردى» ىقشامداپ بىرىكتىرۋ كەرەك.

　　ءتىلشىنىڭ بايقاۋىنشا، جىل باسىنان بەرى، مەملەكەتتىك كەڭەس ىلگەرىندى – كەيىندى بولىپ جۇمىسسىزدىقتى قامسىزداندىرۋ قاراجاتىن %3تەن %2كە ءتۇسىرۋدى، جۇمىس ۇستىندە جارالانۋ قامسىزداندىرۋ قاراجاتىن 1 - قازاننان باستاپ %1تەن %0.75كە ءتۇسىرۋدى، تۋىت قامسىىزداندىرۋىن %1تەن تومەندەتىپ، %0.5تەن اسىپ كەتپەۋدى بەلگىلەگەن.

　　زەينەتكەرلىك قامسىزداندىرۋ ءتۇزىمى رەفورماسىن جەدەلدەتۋ

　　ــ زەينەت اقىنى بۇكىل مەملەكەت بويىنشا ءبىر تۇتاس جوسپارلاۋدى ىسكە اسىرۋ

　　ماجىلىستە مىنانى ورتاعا قويدى: زەينەتكەرلىك قامسىزداندىرۋ ءتۇزىمى رەفورماسىن تەزدەتىپ، جەكەلىك ەسەپ ءتۇرىن كەمەلدەندىرىپ، ەگجەي - تەگجەيلى ەسەپتەپ، تەڭەستىرۋگە تاباندى بولىپ، ءبىرتۇتاس جوسپارلاۋ ساتىسىن جوعارىلاتۋ كەرەك.

　　بۇقارانىڭ اۋرۋ كورسەتۋىنىڭ قيىن بولۋ، ەمدەلۋ قاراجاتىنىڭ قىمبات بولۋى ماسەلەسىن ويداعىداي شەشۋ

　　ــ بۇقارانىڭ اۋرۋ كورسەتۋىندەگى قيىنشىلىقتىڭ وڭايلاسۋىنان ءۇمىت بار

　　ماجىلىستە مىنالار اتاپ كورسەتىلدى: ەمدەۋ - دەنساۋلىق ساقتاۋ ءدارى – دارمەك قۇرىلىمى رەفورماسىن جەدەلدەتىپ، بۇقارانىڭ اۋرۋ كورسەتۋىنىڭ قيىن بولۋى، ەمدەلۋ اقىسىنىڭ قىمبات بولۋىنداي ماسەلەنى ويداعىداي شەشۋ كەرەك.

　　ديقاندار كىرىسىنىڭ ورنىقتى ارتۋىنا كەپىلدىك ەتۋ

　　ــ قالا مەن اۋىل تۇرعىندارىنىڭ كىرىسىندەگى پارىقتىڭ ازايۋىنان ءۇمىت بار.

　　ماجىلىستە بىلاي دەپ كورسەتىلدى: اۋىل شارۋاشىلىق ٶندىرىسىن جالعاستى مىقتى ۇستاپ، اۋىل شارۋاشىلىق ونىمدەرىمەن قامداۋعا، ازىق - تۇلىك حاۋىپسىزدىگىنە، ديقاندار كىرىسىنىڭ ورنىقتى ارتۋىنا كەپىلدىك ەتىپ، اۋىل شارۋاشىلىعىن وسىزامانداندىرۋداعى نەگىزىك قۇرىلىستاردى كۇشەيتىپ، استىق قامبالارىن، استىق ساقتاۋدىڭ تەحنيكالىق ستراتەگياسىن تياناقتاندىرىپ، اۋىل شارۋاشىلىق ٶندىرىسىنىڭ ۋنيۆەرسال ٶندىرىس قۋاتىن، سونداي - اق اۋىل شارۋاشىلىق ونىمدەرىنىڭ ساپاسىن جوعارىلاتۋ مەن قورعاۋ جاعىنا، ونىمدىلىكتى جوعارىلاتۋعا ساياساتتىق جاقتان باسا ءمان بەرىپ، قارجىنى وسى جاقتارعا ءتۇيىندى تۇردە جۇمساۋ كەرەك.

　　كاسىپورىندارعا كومەكتەسىپ وزىندىك قۇندى تومەندەتۋ كەرەك

　　ــ كاسىپورىن قىزمەتكەرلەرى دە پايداسىن كورەتىن بولادى

　　ماجىلىستە مىنالار ورتاعا قويىلدى: تۇلعالىق ەكونوميكالىق كاسىپورىنداردىڭ وزىندىك قۇندى تومەندەتۋ قيمىلىن ورىستەتىپ، كوپتەگەن ۇتىمدى شارالاردى قولدانۋ كەرەك.

　　فينانس ءتۇزىلىسى رەفورماسىن جەدەلدەتۋ كەرەك

　　- جارناگەردىڭ زاڭدى ۇقىق - مۇددەسى كوپ جاقتى قورعالاتىن بولادى

　　ماجىلىستە بىلاي دەپ كورسەتىلدى: فينانس ءتۇزىلىسى رەفورماسىن جەدەلدەتىپ، فينانستى باقىلاپ - باسقارۋ تۇزىلىسىنە رەفورما جاساۋ جوباسىن تەزدەن جاساپ شىعۋ كەرەك.

　　كەلۋ قاينارى: حالىق تورابى