- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ماسەلەنى نىشان ەتۋدەن جازباي، قيىن تۇيىندەردى شوعىرلى شەشەيىك
2016.01.20 16:58 كەلۋ قاينارى : شينجياڭ گازەتى
2016 - جىل − ەلىمىزدىڭ جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە اياق باسقان العاشقى جىلى. جاپپاي دوڭگەلەك داۋلەتتى قوعام قۇرۋدىڭ، العاشقى «ءجۇز جىلدىق» كۇرەس نىساناسىنىڭ نىشاندىق كورسەتكىشى − كەدەيلەردى جاپپاي كەدەيلىكتەن قۇتىلدىرۋ. دوڭگەلەك داۋلەتكە جەتۋ - جەتپەۋدە، باستىسى، اۋىلداستارعا قاراۋ كەرەك، مۇنداعى تەتىك − كەدەي اۋىلداستاردىڭ كەدەيلىكتەن قۇتىلا الۋ - الماۋىندا.
قورىتىپ ايتقاندا، شينجياڭنىڭ كەدەيلىكتەن قۇتىلدىرۋدان قامال الۋ مىندەتى اسا جاپالى. شينجياڭ كوپتەگەن قايشىلىقتارعا، قيىنشىلىقتارعا جانە سىن - سىناقتارعا ءدوپ كەلىپ وتىر. كەدەيلىك قامتىمى كەڭ، كەدەيلىك سالماعى، وڭىرلىك، جالپى بەتتىك كەدەيلەسۋ جاعدايى اۋىر، كەدەيلەسۋ سەبەبى كۇردەلى، ەرەكشە رايون جاعدايىنىڭ شەكتەمەسى، ەكونوميكانىڭ باسەڭدەۋ قىسىمى كۇشتى. بۇل بىزدەن، ءسوز جوق، ماسەلەنى نىشان ەتۋدەن جازباي، ءالسىز بۋىنداردان كىرىسىپ، قىزمەتتىڭ تياناعىن مىقتى يگەرىپ، ساياسات، شارالاردىڭ باعىتتامالىلىعىن كۇشەيتىپ، ماڭىزدى، قيىن تۇيىندەردەن شوعىرلى تۇردە قامال الۋدى تالاپ ەتەدى.
وسى بارىستا، «كىمدى سۇيەمەلدەۋ»، «كىم سۇيەمەلدەۋ»، «قالاي سۇيەمەلدەۋ»، «قالاي شەگىنۋ» ماسەلەسىن شىنايى شەشۋدەن سىرت، وڭتۇستىك شينجياڭدا، ەرەكشە كەدەي تاۋلى وڭىرلەردە، شەكارا وڭىرلەردە شوعىرلى قامال الۋ، ولقىلىقتاردى كورنەكتىلەندىرىپ شەشۋ − شينجياڭنىڭ كەدەيلىكتەن قۇتىلدىرۋدان قامال الۋ شايقاسىنىڭ نەگىزگى مايدانى. وڭتۇستىك شينجياڭداعى 3 ايماق، ءبىر وبلىس، ەرەكشە كەدەي تاۋلى وڭىرلەر، شەكارا وڭىرلەر − شينجياڭنىڭ كەدەيلىكتەن قۇتىلدىرۋدان قامال الۋداعى نەگىزگى شايقاس مايدانى. ورالعى بولعان ولقىلىقتار− نەگىزدىك قۇرىلعى، الەۋمەتتىك قىزمەت وتەۋ، كاسىپ سالاسىن دامىتۋ، كاسىپتەندىرۋ، ەكولوگيانى قورعاۋ. وسى 3 ۇلكەن نەگىزگى شايقاس مايدانى مەن 4 ولقىلىققا، ءسوز جوق، نازار اۋدارىپ، ابزال كۇشتەردى شوعىرلاندىرىپ، كەدەيلىكتى جويۋ شايقاسىن جاقسى جۇرگىزۋ كەرەك.
نەگىزدىك قۇرىلعى جاعىنداعى ولقىلىقتاردى تولىقتاۋ كەرەك. كەمەلدەنگەن نەگىزدىك قۇرىلعى قوعامدىق، ەكونوميكالىق قيمىلدى جەبەۋدە دەم بەرۋ رولىن اتقارادى. ءبىر ەلدىڭ نەمەسە ءوڭىردىڭ نەگىزدىك قۇرىلعىسىنىڭ كەمەلدى بولۋ-بولماۋى ولاردىڭ ەكونوميكاسىنىڭ باياندى، ورنىقتى دامي الۋ - الماۋىنىڭ ماڭىزدى نەگىزى. نەگىزدىك قۇرىلعى قوعامدىق تىرشىلىك، دامۋ ارقا سۇيەيتىن جاي زاتتىق شارت، كەدەيلەردى دالمە - ءدال سۇيەمەلدەۋ نىساناسىن جۇزەگە اسىرۋدىڭ ءتۇبىرلى كەپىلى. سوندىقتان سۋ يگىلىگى، قاتىناس، ەلەكتر، حابارلاسۋ سىندى نەگىزدىك قۇرىلعى قۇرىلىستارىن ماڭداي الدى ورىنعا قويۋ، ءتۇيىندى نىسانداردى نەگىزگى شايقاس مايدانىنا الدىمەن بەيىمدەۋ، نەگىزدىك قۇرىلعىلاردىڭ مەشەۋ جاعدايىن جەدەل جاقسارتۋ، كەدەيلەردى سۇيەمەلدەۋدەن قامال الۋ قىزمەتىن جەبەۋ كەرەك.
الەۋمەتتىك قىزمەت وتەۋدەگى ولقىلىقتاردى تولىقتاۋ كەرەك. الەۋمەتتىك قىزمەت وتەۋ قوعامدىق نەگىزگى ادىلەتتىلىكتى قورعاۋدىڭ نەگىزى، ادەتتە قوعامدىق قايشىلىقتى باسەيتۋ رولىن اتقارادى. قالا، اۋىلداردىڭ الەۋمەتتىك قۇرىلعى قۇرىلىسىن كۇشەيتىپ، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنە تاربيە سىندى الەۋمەتتىك ىستەردى دامىتىپ، جالپى قاۋىمنىڭ قوعامدىق ەكونوميكا، ساياسات، مادەنيەت قيمىلدارىنا ات سالىسۋىنا كەپىلدىك ەتۋ كەرەك. سوندىقتان، ءسوز جوق، كەدەي وڭىرلەردىڭ نەگىزگى الەۋمەتتىك قىزمەت وتەۋىنىڭ بىركەلكىلىگىن جەدەل ىلگەرىلەتىپ، كەدەيلەردىڭ ءوندىرىس - تۇرمىس شارت - جاعدايىن جاقسارتۋ قاجەت. وقۋ - اعارتۋدى، دەنساۋلىق ساقتاۋدى، قوعامدىق قامتاماسىزداندىرۋدى، تۇرعىن ۇيمەن قامتاماسىز ەتۋدى ارقاۋ ەتىپ، ونى كەدەي وڭىرلەرگە، كەدەي وتباسىلارىنا الدىمەن بەيىمدەۋ كەرەك.
كاسىپ سالاسىن دامىتۋ، كاسىپتەندىرۋ جاعىنداعى ولقىلىقتاردى تولىقتاۋ كەرەك. كاسىپتەندىرۋ شينجياڭنىڭ دامۋىن جانە بەرەكە - بىرلىگىن، ورنىقتىلىعىن ۇشتاستىرۋ ءتۇيىنى، شينجياڭنىڭ رەفورما، دامۋ، ورنىقتىلىق جالپى جاعدايىنا سايادى. كاسىپتەندىرۋ − شينجياڭنىڭ ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، نەگىزدىك ينجەنەريا. كاسىپتەندىرۋدى ماڭداي الدى ورىنعا قويۋعا تاباندى بولعاندا عانا، قوعامدىق ورنىقتىلىق پەن باياندى تىنىشتىقتىڭ نەگىزىن بەكەمدەي الامىز. سوندىقتان، ءسوز جوق، ءىس جۇزىندىكتى تياناق ەتىپ، ەگىنشىلىككە قولايلى بولسا، ەگىنشىلىكتى دامىتۋ، ورمان شارۋاشىلىعىنا قولايلى بولسا، ورمانشىلىقتى دامىتۋ، ونەركاسىپكە قولايلى بولسا، ونەركاسىپتى دامىتۋ، ساۋداعا قولايلى بولسا، ساۋدا سالاسىن دامىتۋ، ساياحاتقا قولايلى بولسا، ساياحات كاسىبىن دامىتۋ كەرەك. كاسىپورىنداردى ەنگىزۋگە، قۇرۋعا، كاسىپ سالاسىن جەتىلدىرۋگە، كاسىپتەندىرۋ كۋرسىن اشۋعا كۇش سالۋ كەرەك.
ەكولوگيا جاعىنداعى ولقىلىقتاردى تولىقتاۋ كەرەك. «بايلىقتى باياندى اشۋ مەن ەكولوگيالىق ورتانى باياندى قورعاۋ» جولىنان جازباي، ءسوز جوق، ەكولوگيالىق وركەنيەت قۇرىلىسىن كوڭىلدى جايلاندىراتىن ءىرى ءىس تۇرعىسىنان قاراپ، جاسىل دامۋ يدەياسىنان جازباي، جاسىل دامۋ جانە تۇرمىس ءتاسىلىن قالىپتاستىرۋدى جەبەۋ كەرەك. سوندىقتان، ءسوز جوق، كەدەي وڭىرلەردىڭ ەكولوگياسىن قورعاۋ، قالپىنا كەلتىرۋ تەبىنىن كۇشەيتىپ، ءتۇيىندى ەكولوگيالىق فۋنكتسيالىق وڭىرلەرگە قازىنادان وتكەرمەلەپ تولەۋ مولشەرىن ارتتىرىپ، كەدەي وڭىرلەردە ەكولوگيالىق جالپىلىق تولىقتاما قاراجات بەرۋدى تۇيىندەردە سىناق ەتۋ قىزمەتىن ورىستەتۋ كەرەك.
مۇنان سىرت، ساياسي جاقتان قامتاماسىز ەتۋدى كۇشەيتىپ، ۇسىنىلىمنىڭ جەتكىلىكتى بولماۋ ماسەلەسىن ويداعىداي شەشۋ كەرەك. ءسوز جوق، بۇرىنعى كونە سۇردەكتى جانە قالىپتى تالقانداپ، بەي داعىلى ساياسات شارالارىن قولدانىپ، ءارجاقتىڭ بايلىعى مەن كۇش - قۋاتىن جۇمىلدىرىپ، كەدەيلەردى سۇيەمەلدەۋ ۇسىنىلىم تەبىنىن ارتتىرۋدى كورنەكتىلەندىرۋ كەرەك. كەدەيلەردى سۇيەمەلدەۋدىڭ قازىنالىق، فينانستىق، قوعامدىق ۇسىنىلىمىن ارتتىرۋ كەرەك. كەدەيلەردى سۇيەمەلدەۋ قاراجاتىنىڭ ارناعا تۇسكەن، جاريالى باقىلاۋ - باسقارۋ ءتۇزىمىن ورناتىپ، باقىلاۋدى، تەكسەرۋدى كۇشەيتىپ، كەدەيلەردى سۇيەمەلدەۋ قاراجاتىنىڭ بەلگىلەمەگە قايشى ىستەتىلۋ جاۋاپكەرلىگىن قۋزاستىرۋ ءتۇزىمىن ورناتۋ جانە اقاۋسىزداندىرۋ كەرەك. ساياسات، قارجى، زاڭ - ءتۇزىم جاعىنان قامتاماسىز ەتۋ قىزمەتىن جاقسى ىستەۋ كەرەك.
وسىلاي بولعاندا، تۇتاس شينجياڭداعى ءار ۇلت حالىق بۇقاراسى تىزە قوسا وتىرىپ 2020- جىلى دوڭگەلەك داۋلەتتى قوعامعا اياق باسىپ، كورىكتى تۇرمىستىڭ تىڭ داستانىن بىرگە جازاتىن بولادى!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
