يۇنناننىڭ گىجيۋ قالاسىندا ارت – ارتىنان 4.6 جانە 4.7 بال جەر سىلكىندى

2016.05.05 13:22   كەلۋ قاينارى : حالىق تورابى

　　سۋرەتتە: گىجيۋ قالاسىنىڭ لاۋچاڭ قالاشىعى مۋدىڭدۇڭ قىستاق كوميتەتىنىڭ لاۋجاي قىستاعى گرۋپپاسىنداعى بۇلىنگەن ءۇيدىڭ تامى. جۇڭگو جەر سىلكىنىسى ستانسيا تورابىنىڭ ولشەپ تۇراقتاندىرۋىنشا، 4 – مامىر كۇنى ساعات 15تەن 51 مينۋت وتكەندە يۇننان ولكەسى حۇڭحى حاني – يزۋ اۆتونوميالى وبلىسى گىجيۋ قالاسىندا (سولتۇستىك ەندىك 23.28 گرادۋس، شىعىس بويلىق 103.23 گرادۋس) 4.6 بال جەر سىلكىندى، سىلكىنىس قاينارى 10 مىڭ مەتر تەرەڭدىكتە؛ ساعات 17دەن 23 مينۋت وتكەندە گىجيۋ قالاسىندا (سولتۇستىك ەندىك 23.27 گرادۋس، شىعىس بويلىق 103.22 گرادۋس) تاعى دا 4.7 بال جەر سىلكىندى، سىلكىنىس قاينارى 10 مىڭ مەتر تەرەڭدىكتە.

　　ءتىلشىنىڭ گىجيۋ قالالىق پارتكوم ۇگىت بولىمىنەن ۇعىسۋىنشا، قازىر گىجيۋ قالاسى سىلكىنىسكە توتەپ بەرۋ – ءبىرجايلى ەتۋ جوباسىن ىسكە قوسىپ، حۇڭحى وبلىسى مەن گىجيۋ قالاسى حالىق ىستەرى، جەر سىلكىنىسى قاتارلى تاراۋلاردى سىلكىنىس ورتالىعى بولعان لاۋچاڭ قالاشىعىندا قىزمەت ورىستەتۋگە ۇيىمداستىردى. العاشقى ساناققا قاراعاندا، قازىرگە دەيىن ءولىم – ءجىتىم نەمەسە جارالانۋ احۋالى بولماعان، الايدا، ءۇي قۇلاۋ، قاڭىلتاق كەرپىشتەر ءتۇسۋ، مورجالار قۇلاۋ قاتارلى احۋالدار تۋىلعان، اپاتقا ۇشىراۋ جاعدايى ىشكەرىلەي ساناققا الىنۋدا.

　　كەلۋ قاينارى: حالىق تورابى