- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلىمىز «موزى» اتتى جاساندى سەرىگىن ءساتتى ۇشىردى
2016.08.17 13:44 كەلۋ قاينارى : شينجياڭ گازەتى
شينحۋا اگەنتتىگىنىڭ 16 - تامىزدا گانسۋ ولكەسىنىڭ جيۋچۋان قالاسىنان بەرگەن حابارى. 2016 - جىلى 16 - تامىز ساعات بىردەن 40 مينۋت وتكەندە، ەلىمىزدىڭ جيۋچۋان جاساندى سەرىك ۇشىرۋ ورتالىعى چاڭجىڭ 2 - ءنومىرلى تاسىمال زىمىرانىمەن دۇنيە ءجۇزى بويىنشا كۆانتتىق عىلمي تاجىريبە جاساۋعا پايدالاناتىن تۇڭعىش جاساندى سەرىك − «موزى» اتتى جاساندى سەرىگىن ءساتتى ۇشىردى. ەلىمىز الداعى جەردە وسى ارقىلى دۇنيە ءجۇزى بويىنشا جاساندى سەرىك پەن جەر بەتى اراسىندا كۆانتتىق حابارلاسۋدى ەڭ الدىمەن ىسكە اسىرىپ، اسپان دەنەلەرىن ءبىر تۇلعالاندىراتىن كۆانتتىق قۇپيا حابارلاسۋ مەن عىلمي تاجىريبە جۇيەسىن قالىپتاستىرادى.
كۆانتتىق جاساندى سەرىك سالاسىنداعى باس عالىم، اكادەميك پان جيانۋي بىلاي دەپ تانىستىردى: كۆانتتىق حابارلاسۋدىڭ حاۋىپسىزدىگى كۆانتتىق فيزيكانىڭ نەگىزگى زاڭدىلىعىن نەگىز ەتەدى، جالاڭ فوتوننىڭ بولشەكتەۋگە كەلمەيتىن جانە كۆانتتىق كۇيدى كوشىرۋگە كەلمەيتىن قاسيەتى ينفورماتسيانى ۇرلاپ تىڭداۋعا، سىرىن اشۋعا مۇمكىندىك تۋدىرمايدى، بۇل سالاۋاتىن انىقتاۋ، قۇپيالاپ جەتكىزۋ جانە سيفرلى قولتاڭبا سياقتىلاردىڭ شارتسىز حاۋىپسىزدىگىنە زاڭدىلىق تۇرعىسىنان كەپىلدىك ەتىپ، ينفورماتسيا حاۋىپسىزدىگى ماسەلەسىن تۇبەگەيلى، ماڭگىلىك شەشەدى.
2011 - جىلى جەلتوقساندا كۆانتتىق جاساندى سەرىك ۇشىرۋ جونىندە نىسان تۇرعىزىلدى، بۇل جۇڭگو عىلىم اكادەمياسىنىڭ كەڭىستىك عىلىمدار سالاسىندا كوشباسشى رول اتقاراتىن ارناۋلى نىساندارىنىڭ ىشىندەگى تۇڭعىش توپتاعى عىلمي تاجىريبە جاساۋعا پايدالاناتىن جاساندى سەرىك نىساندارىنىڭ ءبىرى سانالادى. ونى ۇشىرۋداعى نەگىزگى ماقسات − بىرىنشىدەن، جاساندى سەرىك پەن جەر بەتى ورتاسىندا جوعارى قارقىندى كۆانتتىق قۇپيا سيفر تاراتۋ تاجىريبەسىن جاساۋ، سونداي - اق وسى نەگىزدە كەڭ سالالى كۆانتتىق قۇپيا حابارلاسۋ تورىن قالىپتاستىرۋ تاجىريبەسىن ىستەۋ ارقىلى، كەڭىستىك كۆانتتىق حابارلاسۋدى يگىلىككە جاراتۋ جاعىندا كەلەلى ناتيجەگە قول جەتكىزۋ؛ ەكىنشىدەن، كەڭىستىكتە كۆانتتىق كۇيدە جاسىرىن جەتكىزۋ مەن كۆانتتىق الىس ارالىقتى جەتكىزۋ تاجىريبەسىن ىستەۋ ارقىلى، كەڭىستىكتە كۆانتتىق مەحانيكا نازارياسىن دالەلدەۋ.
ينجەنەريالىق نىسان بويىنشا نانشان، دىليڭحا، شيڭلۇڭ، ليجياڭ سىندى 4 جەردە كۆانتتىق حابارلاسۋعا پايدالانىلاتىن جەر بەتى ستانسياسىن جانە اليدا كۆانتتىق الىس ارالىقتى جەتكىزۋ تاجىريبەحاناسىن قامتىعان جەر بەتى قولدانىلمالى جۇيەسىن قۇرىپ، كۆانتتىق جاساندى سەرىكپەن ءبىر تۇلعالانعان كۆانتتىق عىلمي تاجىريبە جۇيەسىن قالىپتاستىردى.
پان جيانۋي بىلاي دەدى: ەلىمىز دەربەس زەرتتەپ جاساعان كۆانتتىق جاساندى سەرىك دالمە - ءدال كوزدەۋ، جاساندى سەرىك پەن جەر بەتىنىڭ باعىتتامالى قالپىن ساقتاۋ جانە نەگىزگى ۆەكتوردى دۇرىستاۋ، جاساندى سەرىككە كۆانتتىق اسەر تۋدىراتىن بولشەكتى ورناتۋ سياقتى ءبىر قىدىرۋ تەتىكتى رول اتقاراتىن تەحنيكالاردان قامال الدى، كۆانتتىق جاساندى سەرىكتىڭ ءساتتى ۇشىرىلۋى مەن بەلگىلەنگەن وربيتادان اۋىتقىماي اينالۋى ەلىمىزدىڭ حالىقارادا كۆانتتىق حابارلاسۋ تەحنيكاسىن يگىلىككە جاراتۋ جاعىنداعى جەتەكشىلىك ورنىن ساقتاۋىنا جانە كۇشەيتۋىنە، مەملەكەتتىڭ ينفورماتسيا حاۋىپسىزدىگى مەن ينفورماتسيا تەحنيكاسىنىڭ دەڭگەيىن قارىشتاتا جوعارىلاتۋدى ىسكە اسىرۋعا پايدالى بولىپ، ەلىمىز عالىمدارىنىڭ كۆانتتىق عىلىمنىڭ الدىڭعى لەگىندە كەلەلى تابىسقا قول جەتكىزۋىن ىلگەرىلەتۋ، ەلىمىزدىڭ كەڭىستىك عىلىمىنداعى جاساندى سەرىكتەردىڭ باياندى دامۋىن ىلگەرىلەتۋ جونىنەن ماڭىزدى مانگە يە.
بۇل جولعى چاڭجىڭ 2 - ءنومىرلى تاسىمال زىمىرانىمەن كۆانتتىق جاساندى سەرىگىنەن تىس، تاعى جۇڭگو عىلىم اكادەمياسى زەرتتەپ جاساعان اتموسفەرا سيرەك ورتادا تاجىريبە جاساۋعا پايدالاناتىن جاساندى سەرىك پەن يسپانيانىڭ تاجىريبە جاساۋعا پايدالاناتىن جاساندى سەرىگىن ۇشىردى. كۆانتتىق جاساندى سەرىك ءوز وربيتاسىنا ءتۇسىپ 3 اي اينالاسىندا سىناق ەتىلگەننەن كەيىن، رەسمي پايدالانۋ كەزەڭىنە وتەدى.
تانىستىرۋعا قاراعاندا، چاڭجىڭ 2 - ءنومىرلى تاسمال زىمىراندى جۇڭگو عارىش عىلىم - تەحنيكا توبى سەرىكتەستىگىنىڭ قاراستىلىعىنداعى شاڭحاي عارىش تەحنيكاسىن زەرتتەۋ ورنى زەرتتەپ جاساعان. بۇل جولعى ۇشۋ چاڭجىڭ 2 - ءنومىرلى تاسىمال زىمىرانىنىڭ 234 - رەت مىندەت وتەۋى سانالادى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
