- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءبىر بەلدەۋ، ءبىر جولدى» اقىل - پاراسات جاعىنان قولداۋ قاجەت
ماۋ دا - ۋي
2016.08.19 14:08 كەلۋ قاينارى : شينجياڭ گازەتى
«ءبىر بەلدەۋ، ءبىر جولدى» تۇتقا ەتە وتىرىپ، تاعدىر قاۋىمداستىعىن قۇرىپ، سەلبەستىكتىڭ جاڭا جاعدايىن اشۋ بىرتىندەپ شىنايى بولمىسقا اينالىپ كەلەدى. جۋىقتا «ءبىر بەلدەۋ، ءبىر جول» بويىنداعى ەلدەر مەديالارىنىڭ سەلبەستىك فورۋمى بەيجيڭدە اشىلدى. ءار ەلدىڭ مەديالارى ءۇشىن ايتقاندا، بۇل ءبىر رەتكى ينفورماتسيا الماستىرۋ جيىنى بولسا، ال ءىلىم سالاسى ءۇشىن ايتقاندا، «ءبىر بەلدەۋ، ءبىر جولدىڭ» نازاريالىق نەگىزىن قايتكەندە ونان ارى بەكەمدەپ، «ءبىر بەلدەۋ، ءبىر جولعا» اقىل - پاراساتتىق سۇيەۋ كورسەتۋ − قازىرگى كەزدەگى شۇعىل مىندەت بولىپ وتىر.
دۇنيەنىڭ ساياسي، ەكونوميكالىق جاعدايى تۇرعىسىنان ايتقاندا، «ءبىر بەلدەۋ، ءبىر جول» قۇرىلىسىندا، وزگەرىس مۇمكىندىگىنىڭ العا قويىلعاندىعىندا داۋ جوق. ونىڭ قامتيتىن كەڭ اۋماقتى ءوڭىرى وڭىرلىك ساياسي، ەكونوميكانىڭ جالپى مولشەرى، بايلىق، الدە اسكەري ىستەردەگى ورنى جاعىنان بولسىن، دۇنيەنىڭ ساياسي، ەكونوميكالىق جاعدايىنىڭ دامۋى مەن وزگەرىسىنە ماڭىزدى ىقپال جاسايدى.
ءبىراق «وزگەرىس» − «قايتا قۇرۋ» ەمەس. ءبىر جاعىنان، «ءبىر بەلدەۋ، ءبىر جولدا» دارىپتەلگەن وڭىرلىك ەكونوميكانى ءبىر تۇلعالاندىرۋ ءالى دە قازىرگى كەزدەگى ەكونوميكانىڭ جاھاندانۋىنىڭ ءبىر ماڭىزدى قۇرامداس ءبولىمى؛ ەندى ءبىر جاعىنان، «ءبىر بەلدەۋ، ءبىر جول» قۇرىلىسىندا دارىپتەلگەن ساۋدالاندىرۋ پرينسيبى، بازارلاندىرۋ مەحانيزمى جەلى بويىنداعى ەكونوميكانىڭ جاھاندانۋ ۇردىسىنەن جىراقتاپ قالعان مەملەكەتتەر مەن رايوندار ءۇشىن ايتقاندا، ەڭ الدىمەن، قازىرگى دۇنيەنىڭ ەكونوميكالىق جۇيەسىنەن اسىپ كەتۋ ەمەس، قايتا وسى جۇيەمەن توعىسۋ.
2015 - جىلعى بو - اۋ ازيا فورۋمىندا ءتوراعا شي جينپيڭ «ءبىر بەلدەۋ، ءبىر جولدى» قازىرگى رايوندىق سەلبەستىك مەحانيزمى مەن دارىپتەمەسىنىڭ ورنىنا قويماي، قايتا بۇرىنعى نەگىزدە جەلى بويىنداعى ەلدەردىڭ دامۋ ستراتەگياسىنداعى ءوزارا توعىسۋدى، باسىمدىلىقتار ارقىلى ءبىرىن - ءبىرى تولىقتاۋدى جۇزەگە اسىرۋىنا دەم بەرۋ كەرەكتىگىن ايتقان ەدى. سوندىقتان «ءبىر بەلدەۋ، ءبىر جولدىڭ» نىسانالىق ورنىن دۇرىس ءتۇسىنىپ، جاڭا گۇلدەنگەن ەلدەردىڭ جاڭا ەكى جاقتى، كوپ جاقتى سەلبەستىك مەحانيزمدەردى قاراستىرۋىن تياناق ەتۋ، مەملەكەتتەر اراسىنداعى ساياساتتىق سايكەستىكتىڭ، ينفورماتسيا ءبولىسۋدىڭ جانە بايلىق ارقىلى ءوزارا تولىقتاۋدىڭ ورايى مەن مۇمكىندىگىن باسا دارىپتەۋ كەرەك.
«ءبىر بەلدەۋ، ءبىر جول» تەورياسىن قالىپتاستىرۋ بارىسىندا، ونى «مارشالل جوسپارى» ەتىپ بوياپ كورسەتىپ، «ءوزارا پايدا جەتكىزىپ، تەڭ جەڭىسكە جەتۋ» سىندى ستراتەگيالىق العاشقى ماقساتتى بۇرمالاپ، «مۇددە قاۋىمداستىعى» مەن «تاعدىر قاۋىمداستىعىن» جاساۋدىڭ ۇزاق بولاشاقتىق نىساناسىن تەرىس تۇسىندىرۋدەن اباي بولعان ءجون. جالپى العاندا، «ءبىر بەلدەۋ، ءبىر جول» ويى جۇڭگوعا ءىرى ەلدىك جاۋاپكەرشىلىكتى ءتىپتى بەلسەندى تۇردە ارقالاۋ ورايىن بەردى، ءبىراق دۇنيەنىڭ ساياسي، ەكونوميكالىق جاعدايىنداعى وزگەرىستەردى قىسقا ۋاقىت ىشىندە ورىنداي سالۋ مۇمكىن ەمەس.
ەل ىشىندە، جۇڭگو ەكونوميكاسىنىڭ جالپى بەتتىك باسەڭدەۋ جاعدايىندا، ءاربىر ولكە، قالانىڭ «ءبىر بەلدەۋ، ءبىر جول» قۇرىلىسىنا بەلسەنە ات سالىسۋىنىڭ ەكونوميكالىق ماڭىزى ايتپاسا دا بەلگىلى. ءبىراق مەملەكەتتىڭ ءىرى دامۋ ستراتەگياسى رەتىندە، «ءبىر بەلدەۋ، ءبىر جول» قۇرىلىسىنىڭ ولكە، قالالاردىڭ «جۇلدە جارىسى ۇلگىسىن» ۇدەتپەيتىندىگىن، ءتىپتى، مەملەكەت مۇددەسىن جەرگىلىكتەندىرمەيتىندىگىن، قايتا سايكەستىرۋگە، تەپە - تەڭدىككە باسا ءمان بەرىپ، شىعىس، ورتا، باتىس بولىكتەر اراسىنداعى ەكونوميكالىق پارىقتى تولىقتاۋعا كۇش سالاتىندىعىن، ءسوز جوق، ايقىنداۋ كەرەك. شىنتۋايتىندا، بۇكىل ەل جاعدايىن تەڭ مەڭگەرگەندە عانا، ەل ىشىندەگى ءوزارا بايلانىس پەن بىرلىككە كەلگەن ءىرى بازاردىڭ قالىپتاسۋىن تەز جۇزەگە اسىرىپ، ەل ەكونوميكاسىنىڭ جاعراپيالىق جاعدايىن تۇبىرىنەن قايتا باستان رەتتەۋگە سەپتىگىن تيگىزۋگە بولادى. «ءبىر بەلدەۋ، ءبىر جول» قۇرىلىسىن «جۇڭگونىڭ ەل ىشىندەگى ارتىق ءوندىرىس قۋاتىن» سىرتقا شىعارۋ دەپ ءتۇسىندىرۋ، ءىس جۇزىندە، ستراتەگيانىڭ دەڭگەيىن تومەندەتەدى، بۇل ءوزارا پايدا جەتكىزۋگە، ءوزارا سەنىمدى ىلگەرىلەتۋگە ءتيىمدى ەمەس.
«ءبىر بەلدەۋ، ءبىر جولدى» نازاريالىق جاقتان زەرتتەۋدە ماكرولىق نازاريانىڭ جەتەكشىلىگى كەم بولسا بولمايدى، ءبىراق ناقتى دا نازىك زەرتتەۋلەرگە نازار اۋدارۋ ءتىپتى ماڭىزدى، ءزارۋ بولۋى مۇمكىن. «جىبەك جولى ەكونوميكالىق بەلدەۋىن جانە 11 - عاسىرداعى تەڭىز جىبەك جولىن بىرگە قۇرۋدى جەبەۋ جوباسى مەن ارەكەتىنىڭ» العا قويىلۋىنا ىلەسە، «ءبىر بەلدەۋ، ءبىر جولدىڭ» نەگىزگى نازاريالىق جۇلگەسى قالىپتاسىپ بولدى. كەلەسى قادامدا ورىنداۋعا ءتيىستى مىندەت − جەلى بويىنداعى مەملەكەتتەر مەن رايونداردىڭ ساياسي، ەكونوميكالىق، مادەني، حاۋىپسىزدىك، بۇقارالىق پىكىر سياقتى ناقتى ماسەلەلەرى مەن دەتالدارىنا ءجىتى زەرتتەۋ جۇرگىزۋ. نازاريالىق تۇرعىدا «ءبىر بەلدەۋ، ءبىر جولدى» زەرتتەۋدە ەشنارسە قاعىس قالماۋى كەرەك دەلىنگەنىمەن، ءبىراق شىندىققا سۇيەنسەك، ەگەر بازارداعىنىڭ بارلىعى بيىك دەڭگەيدەگى «ءبىر زەرتتەۋلەر» بولسا، ءىلىم سالاسىنىڭ «ءبىر بەلدەۋ، ءبىر جول» قۇرىلىسىنا شىن مانىندە «اقىل - پاراساتتىق» قولداۋ كورسەتۋىنەن ءسوز اشۋ قيىن. شىنايى جاعدايلارعا، شىنايى ماسەلەلەرگە شىن مانىندە نازار اۋدارعاندا، زەرتتەگەندە عانا، زەرتتەۋدىڭ مازمۇنىن بايىتىپ، زەرتتەۋدىڭ امالياتقا جەتەكشىلىك ەتۋ ءمانىن جوعارىلاتۋعا بولادى، «سىرتقا شىعۋدى» دا تىڭعىلىقتى ورىنداي الامىز.
«ءبىر بەلدەۋ، ءبىر جول» ازيا _ ەۆروپا قۇرلىعىن ەندەي وتكەن سەلبەستىك ءۇردىسىن باستاپ، جۇڭگو ارمانىن ىسكە اسىرۋعا، ازيانىڭ، ءتىپتى، دۇنيە ءجۇزى ەكونوميكاسىنىڭ دامۋىن جەبەۋگە شەكسىز مۇمكىندىكتەر بەرەدى، ول جۇڭگو جولىنىڭ حالىقارانىڭ مويىنداۋىنا يە بولۋىنىڭ ماڭىزدى ورايى. ءبىراق سونىمەن قاتار ءار ءتۇرلى تەجەۋىش شارتتاردى دەر كەزىندە بايقاپ ءارى عىلمي دا ۇتىمدى شەشۋ جولدارىن العا قويعاندا عانا، قوعامنىڭ ءار جاعىنداعى كۇشتەردى ءتىپتى ويداعىداي ءبىر تۇتاس جوسپارلاپ، «ءبىر بەلدەۋ، ءبىر جولدىڭ» جۇڭگو حيكاياسىن بىرگە اڭگىمەلەۋگە بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
