- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كوپتەگەن جەردە زەينەتاقىنىڭ جوعارىلاتىلاتىنى جاريالاندى، ناقتىلاندىرۋعا قالاي كەپىلدىك ەتىلەدى؟
2016.09.07 16:33 كەلۋ قاينارى : حالىق تورابى
تاياۋدا بەيجيڭ، يۇننان، شانشي، گۋاڭشي قاتارلى ولكە، توتە قاراستى قالا، اۆتونوميالى رايوندار زەينەتكە شىققانداردىڭ نەگىزگى زەينەتاقىسىن رەتتەۋ جوباسىن ارت – ارتىنان جاريالادى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى وسىنىڭ الدىندا تۇراقتاندىرعان جالپى جاقتان %6.5 اينالاسىندا جوعارىلاتۋ تالابى بويىنشا، زەينەتكە شىققانداردىڭ نەگىزگى زەينەتاقى دەڭگەيىن جوعارىلاتتى.
«شينحۋا نازارى» تىلشىلەرى تىشىلىك بارىسىندا مىنالاردى ۇعىستى، وسى رەتكى زەينەتكە شىققانداردىڭ نەگىزگى زەينەتاقىسىن جوعارىلاتۋدا جۇمىسشى – قىزمەتشىلەردىڭ زەينەتكەرلىك قامسىزداندىرۋ قور شىعىسى سايكەستى جوعارىلاتىلادى، كەيبىر رايونداردىڭ قورىنداعى سول مەزگىلدەگى كىرىس – شىعىستى تەڭگەرۋ قىسىمى دا كۇشەيەدى. كاسىپتىك ماماندار بىلاي دەستى: ءىشىنارا ءبىر تۇتاس جوسپار جاسالعان رايوندارداعى كاسىپورىنداردىڭ جۇمىسشى – قىزمەتشىلەرىنىڭ نەگىزدىك زەينەتاقى قامسىزداندىرۋ قورىندا سول مەزگىلدە كىرىس شىعىستى قامداي الماعانىمەن، تۇزىمدەنگەن قازىنالىق قوسىمشا قاراجاتقا سۇيەنىپ، وسى ءبىر تۇتاس قوردىڭ كىرىس – شىعىس بارابارلىعىنا كەپىلدىك ەتە الادى، بارلىق كاسىپورىننان زەينەتكە شىققاندار زەينەتاقىلارىن ۋاعىندا جەتكىلىكتى الا الادى.
كوپتەگەن جەر زەينەتاقىنى رەتتەۋدى قىركۇيەكتىڭ سوڭىنان بۇرىن ورىنداپ بولۋدى دارىپتەۋدە، ءىشىنارا ولكەلەردىڭ قورىنداعى كىرىس – شىعىس بارابارلىعى قىسىمى كۇشەيدىجەر – جەردىڭ جۋىردا جاريالاعان زەينەتاقى رەتتەۋ جوباسىنا نەگىزدەلگەندە، 2015 – جىلى 31 – جەلتوقساننان بۇرىن زەينەتكە شىعۋ رەسمياتىن وتەگەن ءارى اي سايىن قارتتاردىڭ نەگىزدىك كۇتىم تولەمىن الاتىن زەينەتكە شىعۋشىلار نورما بويىنشا رەتتەۋدەن يگىلىكتەنە الادى. شانشي ولكەسى نورما بويىنشا رەتتەدە ءار ادامدىكىن اي سايىن 77 يۋان جوعارىلاتۋدى، يۇننان ولكەسى 30 يۋان جوعارىلاتۋدى، گۋاڭشي رايونى 70 يۋان جوعارىلاتۋدى بەلگىلەدى. سونمەن بىرگە، شانشي، گۋاڭشي، يۇننان، لياۋنيڭ قاتارلى جەرلەر قىركۇيەكتىڭ سوڭىنان بۇرىن قارتتاردىڭ زەينەتاقىسىن جەتكىلىكتى سومادا تياناقتاندىرۋدى ايقىن بەلگىلەدى.
زەينەتاقىنى رەتتەۋدەگى قارجى قاينارىنا قاراتا جەر – جەر ايقىن بەلگىلەمە شىعاردى، كاسىپورىن جۇمىسشى – قىزمەتشىلەرىنىڭ نەگىزگى زەينەتكەرلىك قامسىزداندىرۋ قورىنان جانە ورگاندارداعى، ءىسورىندارداعى جۇمىسشى – قىزمەتشىلەردىڭ نەگىزگى زەينەتكەرلىك قامسىزداندىرۋ قورىنان تولەنەتىن بولدى.
كاسىپورىنداردىڭ زەينەتكەرلىك قامسىزداندىرۋىن جوعارىلاتۋى كاسىپورىن جۇمىسشى – قىزمەتشىلەرىنىڭ نەگىزگى زەينەتكەرلىك قامسىزداندىرۋ قورىنداعى سول مەزگىلدەگى شىعىسىن كورنەكتى ارتتىردى. لياۋنيڭ ولكەسىن مىسالعا الساق، بىلتىر كاسىپورىنداردان زەينەتكە شىققاندار 6 ميلليون 46 مىڭ ادام بولعان، ولكە بويىنشا قارتتاردىڭ ايلىق ورتاشا زەينەتاقىسى 2 مىڭ 230 يۋان بولعان. لياۋنيڭ ولكەسى زەينەتكەرلەردىڭ كىسى باسىنا تۋرا كەلەتىن زەينەتاقىسىن %6.75 جوعارىلاتادى دەپ ەسەپتەسەك، وسى رەتكى رەتتەۋدىڭ وزىندە ليۋنيڭ ولكەسىنىڭ كاسىپورىن جۇمىسشى – قىزمەتشىلەرىنىڭ نەگىزگى زەينەتكەرلىك قامسىزداندىرۋ قورىنداعى شىعىسى مولشەرمەن 11 ميلليارد يۋان ارتادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى قوعامدىق قامسىزداندىرۋ ىستەرىن باسقارۋ ورتالىعى تامىزدا جاريالاعان «جۇڭگو قوعامدىق قامسىزداندىرۋ ىستەرى دامۋىنىڭ 2015 – جىلعى بايانداماسىندا» كورسەتىلۋىنشە، سول مەزگىلدە قور كىرىسى شىعىستى قامداي المايتىن ولكەلەر التاۋ ەكەن، بۇلار ەكونوميكاسىنىڭ تومەندەۋى وتە اۋىر بولعان شىعىس سولتۇستىكتەگى 3 ولكە جانە حىبەي، شانشي، چيڭحاي ولكەلەرى. مۇنىڭ ىشىندە لياۋنيڭ ولكەسىندە 10 ميلليارد 500 ميلليون يۋان، جيلين ولكەسىندە 6 ميلليارد 59 ميلليون يۋان تاپشى بولىپ وتىر.قور كىرىسى شىعىسىن قامداي الماي وتىرعان بۇل ولكەلەر وسى رەتكى قارتتاردىڭ زەينەتاقىسىن رەتتەۋدەگى سومانى جەتكىلىكتى ناقتىلاندىرا الا ما؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگى قوعامدىق قامتاماسىزداندىرۋدى زەرتتەۋ ورنىنىڭ باستىعى جين ۋەيگاڭ: قوعامدىق قامسىزداندىرۋ زاڭىندا: نەگىزگى زەينەتاقى قامسىزداندىرۋ قورىندا تولەۋ جەتكىلىكسىز بولۋ ءجايتى جارىققا شىقسا، ۇكىمەت تولىقتاما قاراجات بەرەدى دەپ بەلگىلەنگەن، ــ دەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
