- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«تيانگۇڭ - 2» ورتاڭعى كۇز مەرەكەسى كۇنى كەشتە كەڭىستىككە كوتەرىلەدى
2016.09.18 14:06 كەلۋ قاينارى : شينجياڭ گازەتى
شينحۋا اگەنتتىگىنىڭ 14 - قىركۇيەكتە جيۋچۋاننان بەرگەن حابارى. 14 - قىركۇيەك تۇستەن كەيىن جيۋچۋان جاساندى سەرىك ۇشىرۋ ورتالىعىندا وتكىزىلگەن «تيانگۇڭ − 2» كەڭىستىك تاجىريبەحاناسىن ۇشىرۋ مىندەتى جونىندەگى اقپار جاريالاۋ جيىنىندا جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ ورىنباسار مەڭگەرۋشىسى ۋ پيڭ «تيانگۇڭ − 2» كەڭىستىك تاجىريبەحاناسىنىڭ 15 - قىركۇيەك ساعات 22دەن 4 مينۋت وتكەندە ۇشىرىلاتىندىعىن حابارلادى.
ۋ پيڭ اقپار جاريالاۋ جيىنىندا: مىندەتتى ۇستىنە العان باس قولباسشىلىق شتابىنىڭ اقىلداسىپ، بەكىتۋىمەن «تيانگۇڭ − 2» كەڭىستىك تاجىريبەحاناسى 51 - قىركۇيەك ساعات 22دەن 4 مينۋت وتكەندە ۇشىرىلادى، - دەدى. 14 - قىركۇيەك تۇستەن كەيىن وسى جولعى ۇشىرۋ مىندەتىن اتقاراتىن ۇزاق جورىق 2 − ءنومىرلى 2TF تاسىمال راكەتاسىنا جانار زات قۇيىلا باستادى.
ۋ پيڭ بىلاي دەدى: «تيانگۇڭ − 2» كەڭىستىك تاجىريبەحاناسىن ۇشىرۋداعى نەگىزگى ماقسات − «شىنجوۋ − 11» الەم كەمەسىنىڭ ۇشۋ ساپارىن قابىلداۋ، عارىشكەرلەردىڭ ورتا مەرزىمدىك تۇراقتاپ تۇرۋ مىندەتىن ورىنداۋ، ۇزاق ۋاقىت ۇشاتىن عارىشكەرلەردىڭ تۇرمىسىن، دەنساۋلىعىن جانە قىزمەتىن قامتاماسىز ەتۋ سىندى قاتىستى تەحنيكالاردى تەكسەرۋدەن وتكىزۋ؛ «تيانجوۋ − 1» زات تاسىمالداۋ الەم كەمەسىنىڭ ۇشۋ ساپارىن قابىلداۋ، وربيتادا جانارماي ۇستەمەلەۋ تەحنيكاسىن تەكسەرۋ، دالەلدەۋ؛ عارىش مەديتسينا، كەڭىستىك عىلىم تاجىريبەسى جانە كەڭىستىك قولدانىلمالى تەحنيكاسى، سونداي - اق وربيتادا رەمونتتاۋ جانە كەڭىستىك بەكەتى تەحنيكاسىن دالەلدەۋ سىندى تاجىريبەلەردى ورىستەتۋ.
«تيانگۇڭ − 2» − ەلىمىزدەگى ناعىز ماندەگى العاشقى عارىش تاجىريبەحاناسى، تاجىريبە بولمەسى مەن بايلىق بولمەسى سىندى 2 بولمەدەن قۇرالعان، جالپى ۇزىندىعى 10.4مەتر، ەڭ ۇلكەن ديامەترى3.35 مەتر، كۇن ەنەرگيالى قاناتىن جازعانداعى كەڭدىگى 18.4 مەتر، سالماعى 8.6 توننا، وربيتاداعى عۇمىرى 2 جىل دەپ جوبالانعان، «تيانگۇڭ − 1» نىسانالى ۇشۋ اسپابىنداعى دايىندالعان ونىمدەر نەگىزىندە جانارماي ۇستەمەلەۋدى دالەلدەۋ سىناعىنىڭ قاجەتىن قاناعاتتاندىرۋ ءۇشىن، قوزعالتقىش بولىمشە جۇيەلەرىنە ۇيلەستىرۋ ماقساتىندا جاڭالاۋ جۇرگىزىلدى؛ ورتا مەرزىمدى تۇراقتاپ تۇرۋ قاجەتىن قاناعاتتاندىرۋ ءۇشىن، عارىشكەرلەرگە ۇيلەسەتىن ورتا جونىندە زور جاڭالاۋ جۇرگىزىپ، 2 عارىشكەردىڭ وربيتادا 30 كۇن قىزمەت ىستەۋ، تۇرمىس كەشىرۋ قابىلەتىن ازىرلەدى. «تيانگۇڭ − 2»گە كەڭىستىك سۋىق اتوم ساعاتى سىندى 14 ءتۇرلى قولدانىلمالى زاتتار، سونداي - اق سالماقسىز كۇيدە جۇرەك قان تامىرلارى قۋاتىن زەرتتەۋ سىندى قاتىستى عارىشتىق مەديتسينالىق تاجىريبە اسپاپتارى تيەلگەن، وربيتادا رەمونتتاۋ تەحنيكاسىن دالەلدەۋ جابدىقتارى، مانيپۋلياتورلىق جۇمىس تەرمينالى سىندى وربيتادا رەمونتتاۋ سىناق اسپابى سەپتەلگەن، الداعى جەردە كەڭىستىك عىلىم - تەحنيكا جانە تەحنيكالىق سىناعى(تاجىريبە) ورىستەتىلەدى.
ۋ پيڭ بىلاي دەدى: جوسپار بويىنشا، «تيانگۇڭ − 2» كەڭىستىك تاجىريبەحاناسى ۇشىرىلىپ، كەڭىستىككە كوتەرىلگەننەن كەيىن، وربيتانى وزگەرتىپ، 083 كيلومەتر بيىكتىكتەگى قوزعالىس وربيتاسىنا ەنىپ، وربيتادا ولشەۋ سىناعى جۇرگىزىلەدى. «شىنجوۋ − 11» ادام الىپ ۇشاتىن الەم كەمەسى قازان ايىنىڭ سوڭعى شەنىندە ۇشىرىلۋدان بۇرىن، «تيانگۇڭ − 2» كەڭىستىك تاجىريبەحاناسى 393 كيلومەتر بيىكتىكتەگى شەڭبەرگە جۋىقتاۋ ءتۇيىلىسۋ وربيتاسىنا ەنىپ، توعىسۋعا، تۇيىلىسۋگە دايىندالادى.
ۋ پيڭ بىلاي دەدى: قازىر «تيانگۇڭ − 2» ۇشۋ مىندەتىن اتقاراتىن عارىشكەرلەر جۇيەسى، كەڭىستىك قولدانىلمالى جۇيەسى، تاسىمال راكەتا جۇيەسى، ۇشىرۋ الاڭى جۇيەسى، ولشەۋ - مەڭگەرۋ، حابارلاسۋ جۇيەسى جانە كەڭىستىك تاجىريبەحانا جۇيەسى جالپىلىق سىناقتان ءوتتى، ۇشىرۋ الدىنداعى ءتۇرلى دايىندىق قىزمەتتەرى نەگىزىنەن اياقتالدى.
ۋ پيڭ بىلاي دەدى: «تيانگۇڭ − 2»نى ۇشىرۋ − كەڭىستىك تاجىريبەحاناسىنىڭ كەزەڭدىك مىندەتىن جاپپاي ورىندايتىن شەشۋشى شايقاس، الداعى جەردە ەلىمىزدىڭ كەڭىستىك بەكەتى قۇرىلىسى مەن تاسىمالىنا بەرىك نەگىز قالايدى، قۇندى تاجىريبە توپتايدى، ەلىمىزدىڭ عارىشقا ادام الىپ ۇشۋ ىستەرىنىڭ باياندى دامۋىن جەبەۋ جونىنەن ەرەكشە ماڭىز الادى.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو 14 - قىركۇيەكتە سانجى قالاسىنىڭ مينچاڭ حۇيزۋلار جاڭا قىستاعىندا قىزمەت تەكسەرگەندە قىستاق تۇرعىنى سامەتجان مۇحاممەتتىڭ وتباسىنا بارىپ، قۇربان ايت مەرەكەسى مەن ورتاڭعى كۇز مەرەكەسىن قۇتتىقتادى، سونداي - اق سامەتجاننىڭ وتباسىنداعىلارمەن قورالاي وتىرىسىپ اڭگىمە دۇكەنىن قۇرىپ، ءوندىرىس پەن تۇرمىس جونىندە ءسوز تيەگىن اعىتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
