- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەس كەڭسەسى «كەدەي وڭىرلەردەگى سۋ ەلەكتر، كەن بايلىقتارىن يگەرۋدىڭ مۇلىكتىك پايداسى ارقىلى كەدەيلەردى سۇيەمەلدەۋ رەفورماسىنىڭ سىناق تۇيىندەرى جوباسىن» باسىپ تاراتتى
2016.10.21 10:28 كەلۋ قاينارى : شينجياڭ گازەتى
شينحۋا اگەنتتىگىنىڭ بەيجيڭنەن بەرگەن حابارى. مەملەكەتتىك كەڭەس كەڭسەسى جۋىقتا «كەدەي وڭىرلەردەگى سۋ ەلەكتر، كەن بايلىقتارىن يگەرۋدىڭ مۇلىكتىك پايداسى ارقىلى كەدەيلەردى سۇيەمەلدەۋ رەفورماسىنىڭ سىناق تۇيىندەرى جوباسىن» (قىسقاشا «جوبا» دەلىنەدى) باسىپ تاراتتى. «جوبادا» 2016 - جىلدان 2019 - جىلدىڭ اياعىنا دەيىن، شوعىرلانا تۇتاسقان، ەرەكشە قيىنشىلىعى بار وڭىرلەردەگى اۋداندار مەن مەملەكەت سۇيەمەلدەيتىن ءتۇيىندى اۋدانداردا سۋ ەلەكتر، كەن بايلىقتارىن يگەرۋ بويىنشا ءبىر توپ نىساندى سارالاپ الىپ، مۇلىكتىك پايدا ارقىلى كەدەيلەردى سۇيەمەلدەۋدىڭ سىناق قىزمەتىن ورىستەتۋ العا قويىلدى.
«جوبادا» مىنالار اتاپ كورسەتىلدى: اۋىل - قىستاقتارداعى كوللەكتيۆ ەكونوميكالىق ۇيىمداردىڭ زاڭدى ۇقىق - مۇددەسىن قامتاماسىز ەتۋدى وزەك، كەدەي حالىقتىڭ مۇلىكتىك تابىسىن مولايتۋدى نىسانا، رەفورمانى سىننان وتكىزۋدى تۇتقا، ەكولوگيالىق ورتانى قاتاڭ قورعاۋدى شارت ەتىپ، بايلىق ارتىقشىلىعىن ساۋلەلەندىرىپ، كەدەي وڭىرلەردەگى سۋ ەلەكتر، كەن بايلىقتارىن يگەرۋ نىساندارىنىڭ اۋىل - قىستاقتاردىڭ كوللەكتيۆ جەرىن يەمدەنۋىنە بايلانىستى وتەماقى بەرۋ ءتاسىلىن جاڭالاپ، اۋىل - قىستاق كوللەكتيۆ ەكونوميكالىق ۇيىمدارىنىڭ مۇشەلەرى، اسىرەسە، ارحيۆكە ەنىپ، تىزىمگە تىركەلگەن كەدەي تۇرعىنداردىڭ ناقتىلى تابىس تابۋىنا مۇمكىندىك تۋدىراتىن مۇلىكتىك پايدا ارقىلى كەدەيلەردى سۇيەمەلدەۋ مەحانيزمىن ورناتۋ ۇستىندە ىزدەنىس جاساپ، نۇسقالاۋعا، جاپپاي قولدانۋعا بولاتىن وپەراتسيالىق ۇلگى قالىپتاستىرىپ، بايلىقتى يگەرۋ مەن كەدەيلىكتەن قۇتىلدىرۋدان قامال الۋ جاندى تۇردە ۇشتاستىرىلعان جاڭا جول اشىپ، كەدەي حالىقتى بايلىقتى يگەرۋدىڭ ناتيجەسىمەن ورتاقتاستىرۋ كەرەك.
«جوبادا» مىنالار ايقىندالدى: سۋ ەلەكتر، كەن بايلىقتارىن يگەرۋ نىساندارىنىڭ كوللەكتيۆ جەردى يەمدەنۋىنە بايلانىستى بەرىلەتىن وتەماقىنى مۇلىكتىك اكتسيا سالۋدىڭ سىناق جوباسى بويىنشا، كوللەكتيۆ جارنا ۇقىعى قالىپتاستىرىلادى. اۋىل - قىستاق كوللەكتيۆ ەكونوميكالىق ۇيىمدارى جارنا ۇقىعىنىڭ يەگەرى، مۇشەلەرى جارنا ۇقىعىنىڭ پايداگەرى بولادى، ال ارحيۆكە ەنىپ، تىزىمگە تىركەلگەن كەدەي تۇرعىندار الدىمەن ەسكەرىلەتىن وبيەكتى رەتىندە قاراستىرىلادى.
«جوبادا» مىنالار تالاپ ەتىلدى: كوللەكتيۆ جارنا ۇقىعىنىڭ تابىستىلىعىن قامتاماسىز ەتۋ جۇيەسىن ورناتۋ ۇستىندە ىزدەنىس جاساۋ كەرەك، نىسان مەرزىمى اياقتاعان، نىساننىڭ زاڭدىق يەسى تاراتىلعان نەمەسە كۇيرەپ، ەسەپ ايىرىسقان كەزدە كوللەكتيۆ جارنا ۇقىعى يەگەرىنىڭ سەرىكتىك زاڭى مەن كاسىپورىنداردىڭ كۇيرەۋى تۋرالى زاڭنىڭ قاتىستى بەلگىلەمەلەرى بويىنشا ەسەپ ايىرىسقاننان كەيىنگى مال - مۇلىكتى الدىمەن ءبولىسۋ ۇقىعىنا كەپىلدىك ەتۋ قاجەت. اۋىل - قىستاق كوللەكتيۆ ەكونوميكالىق ۇيىمدارى مۇشەلەرىنىڭ، اسىرەسە، ارحيۆكە ەنىپ، تىزىمگە تىركەلگەن كەدەي تۇرعىنداردىڭ ۇقىق - مۇددەسىن قامتاماسىز ەتۋ كەرەك، تابىستى بولىسكە سالۋ جوباسىندا ارحيۆكە ەنىپ، تىزىمگە تىركەلگەن كەدەي تۇرعىنداردىڭ الدىمەن ءبولىسۋ ۇقىعى بولاتىنىن ايقىنداۋ ءارى ولارعا ءتيىستى تابىستى ءارقانداي تاسىلمەن كىدىرتۋگە، باسقاشا پايدالانۋعا، تارتىپ قالۋعا بولمايتىندىعىنا كەپىلدىك ەتۋ كەرەك. كوللەكتيۆ جارنا ۇقىعىنا دەموكراتيالىق باقىلاۋ - باسقارۋدى كۇشەيتىپ، ونى ات توبەلىندەي ادامداردىڭ مەڭگەرىپ الۋىنا جول بەرمەۋ، تۇرعىلىقتى حالىقتىڭ مۇددەسىن زيانداۋ، قىمقىرۋ جايتتەرىنەن ساقتانۋ كەرەك.
«جوبادا» مىنالار اتاپ كورسەتىلدى: سىناق نىساندارى قاتىستى بەلگىلەمەلەرگە، سالالىق ساياساتتارعا جانە قورشاعان ورتانى قورعاۋ تالاپتارىنا ۇيلەسۋى ءارى قۇرىلىس كولەمى، الىنعان جەردىڭ اۋدانى، قۇرىلىس پەريودى، تابىستىلىق فۋنكتسياسى سياقتى جاقتاردا بەلگىلى شارتتار ازىرلەۋى ءتيىس. قاتىستى تاراۋلار مەن جەرگىلىكتى ورىندار سۋ ەلەكتر، كەن بايلىقتارىن يگەرۋ سالاسىنداعى نىساندارعا قوسىمشا كومەك قاراجات ورنالاستىرعاندا، شارتقا لايىق سىناق نىساندارىنا الدىمەن قولداۋ كورسەتۋى ءارى نىسانداردىڭ الدىڭعى مەرزىمدەگى جۇمىس تارتىپتەرىن ىقشامداپ، سىناقتان وتكىزىلەتىن سۋ ەلەكتر نىساندارىنىڭ ەلەكتر قۋاتىن تولىقتاي جەلىگە شىعارۋ، كەنىشتەردىڭ جەردى ۋاقىتشا پايدالانۋ مەرزىمىن ۇزارتۋ، سىناق كولەمىنە ەنگىزىلگەن كەن كاسىپورىندارىنىڭ جەر پايدالانۋ وزىندىك قۇنىن تومەندەتۋ سياقتى جاقتاردا ساياساتتىق قولداۋ كورسەتۋ تەبىنىن ارتتىرۋى كەرەك.
«جوبادا» مىنالار باسا دارىپتەلدى: ءار دارەجەلى ۇكىمەتتەر سىناق قىزمەتىن ۇيىمداستىرۋ، سايكەستىرۋدى كۇشەيتىپ، سىناق نىساندارىن ۇسىنۋ، جوبا بەلگىلەۋ سياقتى قىزمەتتەردى جاقسى ىستەۋى كەرەك. سىناق نىساندارىن ديناميكالىق باقىلاۋ مەن جۇمىسقا قۋزاۋشىلىق، نۇسقاۋشىلىق جاساۋدى كۇشەيتىپ، سىناق نىسانى اتقارىلعان جەرلەردەگى باستاۋىش ۇيىمدار قۇرىلىسىن ىلگەرىلەتۋ، نىعايتۋ كەرەك. اۋىل - قىستاق كوللەكتيۆ ەكونوميكالىق ۇيىمدارى مەن ولاردىڭ مۇشەلەرىنىڭ مۇددە تالابىنا ىڭعايلى مەحانيزم ورناتىپ، مۇددەگە بايلانىستى داۋ - شاردى لايىقتى شەشىپ، تاۋەكەلدەن ساقتانۋدى كۇشەيتىپ، سىناق قىزمەتىنىڭ ءساتتى ورىستەتىلۋىنە كەپىلدىك ەتۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
