سۇن جۇڭشان مىرزانىڭ دۇنيەگە كەلگەنىنىڭ 150 جىلدىعىن ەسكە ءتۇسىردى

2016.11.15 14:59   كەلۋ قاينارى : حالىق تورابى

　　ۇلى وتانشىل، جۇڭگو دەموكراتيالىق توڭكەرىسىنىڭ ۇلى ارداگەرى سۇن جۇڭشان مىرزانىڭ دۇنيەگە كەلگەنىنىڭ 150 جىلدىعىن ەسكە ءتۇسىرۋ ءۇشىن، جۇڭگو گومينداڭ توڭكەرىستىك كوميتەتىنىڭ شينجياڭ ۇيعۇر اۆتونوميالى رايوندىق كوميتەتى ۇيىمداستىرىپ، شينجياڭ اۋىل شارۋاشىلىق ۋنيۆەرسيتەتى مەن شينجياڭ حۋاڭپۋ اسكەري مەكتەبى ساباقتاستار قوعامى سايكەسكەن «ارداگەر بولۋدان تايسالماۋ» اتىنداعى سۇن جۇڭشان مىرزانىڭ دۇنيەگە كەلگەنىنىڭ 150 جىلدىعىن ەسكە ءتۇسىرۋ مۋزيكا كەشى 12 – قاراشا كۇنى شينجياڭ اۋىل شارۋاشىلىق ۋنيۆەرسيتەتىنىڭ زالىندا وتكىزىلدى.

　　شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىنىڭ ورىنباسارى ينام ناسىردين اتالعان قيمىلعا قاتىناستى، جۇڭگو گومينداڭ توڭكەرىستىك كوميتەتى ورتالىق كوميتەتىنىڭ تۇراقتى مۇشەسى لي حۇيدۇڭ قيمىلدا ءسوز سويلەدى. جۇڭگو گومينداڭ توڭكەرىستىك كوميتەتىنىڭ ءۇرىمجى قالاسىنداعى پارتيا مۇشەلەرى، ءارقايسى نەگىزگى پارتيا – توپتاردىڭ شينجياڭداعى كوميتەتتەرى، حۋاڭپوۋ ساباقتاستار قوعامى، قوعامنىڭ ءار سالاسىنداعى قايراتكەرلەر، اۋىل شارۋاشىلىق ۋنيۆەرسيتەتىنىڭ وقىتۋشى – وقۋشىلارى بولىپ، 2000نان استام ادام اتالعان قيمىلعا قاتىناستى.

　　كەلۋ قاينارى: حالىق تورابى