- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ دۇنيە جۇزىلىك ينتەرنەت ءماجىلىسىنىڭ اشىلۋ سالتىندا بەينە ەكران ارقىلى ءسوز سويلەپ مىنانى باسا دارىپتەدى
كوپتىڭ اقىل - پاراساتىن شوعىرلاندىرىپ، ورتاق تانىمدى جەبەپ، سەلبەستىكتى نىعايتىپ، ينتەرنەت ارقىلى
ادامزاتقا باقىت جاراتايىق
ليۋ يۇنشان ءماجىلىستىڭ اشىلۋ سالتىنا قاتىناستى جانە ارناۋ ءسوز سويلەدى
2016.11.17 10:11 كەلۋ قاينارى : شينجياڭ گازەتى
شينحۋا اگەنتتگىنىڭ 16 - قاراشادا حاڭجوۋدان بەرگەن حابارى. الەمدىك 3 - كەزەكتى ينتەرنەت ءماجىلىسى 16 - قاراشا تۇستەن بۇرىن جىجياڭ ولكەسىنىڭ ۋجىن قالاشىعىندا اشىلدى. مەملەكەت ءتوراعاسى شي جينپيڭ اشىلۋ سالتىندا بەينە ەكران ارقىلى ءسوز سويلەپ، جۇڭگو ۇكىمەتى مەن جۇڭگو حالقى، سونداي - اق ءوز اتىنان ءماجىلىستىڭ اشىلعاندىعىن قىزۋ قۇتتىقتادى، ماجىلىسكە قاتىناسقان سيلى قوناقتارعا شىنايى سالەم جولداپ، كوپشىلىكتىڭ كوپتىڭ اقىل - پاراساتىن شوعىرلاندىرىپ، ورتاق تانىمدى جەبەپ، سەلبەستىكتى نىعايتىپ، ينتەرنەت ارقىلى ادامزاتقا باقىت جاراتۋدى ءۇمىت ەتتى.
شي جينپيڭ مىنانى اتاپ كورسەتتى: ينتەرنەت − زامانىمىزداعى دامۋ ومىرشەڭدىك قۋاتى ەڭ مىعىم سالا. ينتەرنەتتىڭ جەدەل دامۋى ادامزاتتىڭ وندىرىسىنە، تۇرمىسىنا زور وزگەرىستەر الا كەلدى ءارى ادامزات قوعامىن كوپتەگەن جاڭا دامۋ ورايى مەن تىڭ سىن - سايىستارعا يە ەتتى. ينتەرنەتتىڭ دامۋىندا شەك - شەكارا بولمايدى، ينتەرنەتتەن ۇتىمدى پايدالانۋ، جاقسى دامىتۋ، ويداعىداي جونگە سالۋ ءۇشىن، ينتەرنەت كەڭىستىگى حالىقارالىق سەلبەستىگىن، ءسوز جوق، كۇشەيتىپ، ينتەرنەت كەڭىستىگى تاعدىرى ورتاق تۇلعاسىن سەلبەسىپ بىرگە قۇرۋ كەرەك.
شي جينپيڭ مىنانى باسا دارىپتەدى: «قۇلىقتى ادامدار نەگىزىن وڭاۋعا كۇش سالادى. نەگىز وڭالسا - اق بولعانى، ەل بيلەپ، ادام بولۋدىڭ جولى دا تابيعي قالىپتاسادى». جۇڭگو حالىقارالىق قوعاممەن بىرگە ادامزاتتىڭ ورتاق باقىتىن نەگىز ەتۋدەن، ينتەرنەت يەلىك ۇقىعى يدەياسىنان جازباي، الەمدىك ينتەرنەتتى جونگە سالۋدىڭ اناعۇرلىم ءادىل، ۇيلەسىمدى بەتالىسپەن ىلگەرىلەۋىن، ينتەرنەت كەڭىستىگىنە تەڭ تۇرعىدا قۇرمەت ەتۋ، جاڭالىق اشا دامۋ، اشىق ويلى بولۋ، يگىلىككە بىرگە كەنەلۋ، حاۋىپسىز، ءتارتىپتى بولۋ نىساناسىنىڭ جۇزەگە اسۋىن جەبەۋ كەرەك.
ليۋ يۇنشان اشىلۋ سالتىنا قاتىناستى جانە ارناۋ ءسوز سويلەدى. ول بىلاي دەدى: ءتوراعا شي جينپيڭنىڭ ماڭىزدى سوزىندە ينتەرنەت زامانىنداعى دامۋ جاعدايىنا تەرەڭ وي جۇگىرتىلگەن، ادامزاتتىڭ ورتاق باقىتىنا وسكەلەڭ ءمان بەرىلگەن، حالىقارالىق قوعامنىڭ، اسىرەسە، وركەندەپ كەلە جاتقان ەلدەردىڭ ورتاق جۇرەك ءۇنى بەينەلەنگەن، بۇل الەمدىك ينتەرنەتتى جونگە سالۋ ءىسىن جەبەۋگە جۇڭگونىڭ اقىل - پاراسات جاعىنان قوسقان ۇلەسى سانالادى.
ليۋ يۇنشان بىلاي دەدى: ينتەرنەت − دۇنيە ءجۇزىنىڭ ەكونوميكالىق جاعدايىن، مۇددە جاعدايىن، حاۋىپسىزدىك جاعدايىن تەرەڭ وزگەرتۋدە، ينتەرنەت كەڭىستىگى تاعدىرى ورتاق تۇلعاسى − ادامزاتتىڭ بىرگە جاڭا مەكەن قۇرۋىنىڭ وبيەكتيۆتىك قاجەتى، ينفورماتسيالاندىرۋ سىن - سايىسىنا توتەپ بەرۋدىڭ كوكەي تەستى تالابى، دامۋ تىڭ قوزعاۋشى كۇشىن جەتىلدىرۋدىڭ تابيعي تالعامى. جۇڭگو ءار ەلمەن بىرگە الەمدىك ينتەرنەتتىڭ دامۋىن جونگە سالۋداعى «4 پرينسيپ» پەن «5 قۋاتتامانى» جەتەكشى ەتىپ، ساياسات جاقتان سايكەسۋ مەن سەلبەسۋدى كۇشەيتىپ، ينتەرنەت كەڭىستىگى تاعدىرى ورتاق تۇلعاسىن قالىپتاستىرۋ جولىندا بەلسەنە قۇلشىنىس جاساۋدى قالايدى.
ليۋ يۇنشان بىلاي دەدى: ينتەرنەت كەڭىستىگى تاعدىرى ورتاق تۇلعاسىن سەلبەسىپ بىرگە قۇرۋدا، جونگە سالۋ قاعيدالارىن كەمەلدەندىرۋ جاعىنداعى سەلبەستىكتى تەرەڭدەتۋى، ينتەرنەت يەلىك ۇقىعىنا قۇرمەت ەتىپ، ءار ەلدىڭ ينتەرنەت كەڭىستىگىندە تەڭ تۇرعىدا دامۋ ۇقىعىن، ات سالىسۋ ۇقىعىن، جونگە سالۋ ۇقىعىن قورعاپ، الەمدىك ينتەرنەتتى جونگە سالۋدىڭ كوپ جاقتىلى، دەموكراتيالى، اشىق - جاريا جۇيەسىن ورناتۋدى جەبەۋ؛ ينتەرنەتتە جاڭالىق، تاپقىرلىق جاساۋ جاعىندا ىشكەرىلەي سەلبەستىك جاساۋدى جەبەپ، اشىق سەلبەسۋدەن، ءوزارا پايدا جەتكىزىپ، يگىلىككە تەڭ كەنەلۋدەن جازباي، ينتەرنەت كەڭىستىگىندە مۇددە توعىستىرۋ تۇيىندەرى مەن سەلبەستىك تىڭ تۇيىندەرىن كوپتەپ اشۋ؛ ينتەرنەتتى جالپىلاستىرۋ جاعىنداعى سەلبەستىكتى تەرەڭدەتىپ، «ءبىر بەلدەۋ، ءبىر جول» قۇرىلىسىنا وراي، ستراتەگيالىق ءتۇيىلىسۋدى كۇشەيتىپ، ءار ەل حالقىن ينتەرنەتتىڭ دامۋ جەتىستىكتەرىنەن يگىلىكتەندىرۋ؛ ينتەرنەت وركەنيەتىن جەبەۋ جاعىنداعى سەلبەستىكتى تەرەڭدەتىپ، ينتەرنەتتە مادەنيەت اۋىس - كۇيىسىنەن بىرگە يگىلىكتەنۋ تەكشەسىن سەلبەسىپ بىرگە قۇرىپ، ادامزات وركەنيەتىنىڭ ءار الۋاندىلىعىن تولىق ايگىلەۋ؛ ينتەرنەت حاۋىپسىزدىگى جاعىنداعى سىن - سايىسقا توتەپ بەرۋ سەلبەستىگىن تەرەڭدەتىپ، ءتۇسىنىسۋدى، كەڭەسۋدى كۇشەيتىپ، ينتەرنەتتەگى زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ، مەملەكەتتىڭ حاۋىپسىزدىگىن، الەۋمەتتىك مۇددەنى، ازاماتتاردىڭ زاڭدى ۇقىق - مۇددەسىن قورعاپ، بەيبىت ينتەرنەت، حاۋىپسىز ينتەرنەت كەڭىستىگىن بىرگە قۇرۋ كەرەك.
كامبودجانىڭ ورىنباسار باس ءۋازىرى حورنامحوڭ، نوكيانىڭ جاۋاپتىسى رىستو، ا ق ش تۋريڭ سيلىعىنىڭ يەگەرى راجرەددي، اليبابا جورالار القاسىنىڭ ءتوراعاسى ما يۇن قاتارلىلار اشىلۋ سالتىندا جەكە - جەكە ارناۋ ءسوز سويلەدى.
«جاڭالىق اشۋعا دەم بەرىپ، ادامزاتقا باقىت اكەلۋ − ينتەرنەت اياسى تاعدىرى ورتاق تۇلعاسىن سەلبەسىپ بىرگە قۇرايىق» تاقىرىبىنداعى الەمدىك 3 - كەزەكتى ينتەرنەت ءماجىلىسى 16 - قاراشادان 18 - قاراشا دەيىن اشىلادى. 5 قۇرلىقتاعى 110نان استام مەملەكەت پەن رايوننان كەلگەن ۇكىمەت ۋاكىلدەرىنەن، حالىقارالىق ۇيىمنىڭ جاۋاپتىلارىنان، ينتەرنەت كاسىپورنى كوشباسشىلارىنان، ينتەرنەت ماماندارىنان، وقىمىستىلارىنان 1600دەن استام سيلى قوناق ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
