- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىرقىدىرۋ زاڭ، بەلگىلەمە 1 – جەلتوقساننان باستاپ اتقارىلادى
2016.11.30 16:21 كەلۋ قاينارى : حالىق تورابى
حالىق تورابى، 29 – قاراشا، بەيجيڭ. 3 رەتكى حالىق قۇرىلتايىندا 4 رەت قارالعان، 10 جىل تالقىلانعان مال - مۇلىكتى باعالاۋ زاڭى 2 – قاراشا تۇستەن كەيىن جابىلعان مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 21 – ماجىلىسىندە داۋىسقا سالىنىپ ماقۇلداندى، بۇل ەلىمىزدىڭ 30 جىلعا جۋىق دامىعان مال – مۇلىك باعالاۋ كاسىبىنىڭ تۇڭعىش كاسىپتىك زاڭى جارىققا شىققانىن اڭعارتادى. ەڭ جوعارى حالىق سوت مەكەمەسى 3 ءتۇرلى بەلگىلەمە شىعارىپ اتقارۋدى ارناعا ءتۇسىرۋ جۇيەسىن كەمەلدەندىردى، مۇنىڭ ىشىندە مىنالار قامتىلعان: ءالسىز بۇقارالىق توپقا ساياتىن دەلولاردا كەپىل دايىنداماۋعا بولادى، مال – مۇلىك بايقالعان كەزدە اتقارۋدى ۋاعىندا قالپىنا كەلتىرۋ كەرەك، الاشاقتى تىكەلەي وتكەرمەلەپ اتقارۋعا بولادى؛ مەملەكەتتىك توراپ جانە ينفورماتسيا كەڭسەسى «عالامتوردا تىكەلەي تاراتۋ قىزمەت وتەۋىن باسقارۋ بەلگىلەمەسىن» جاريالادى، عالامتوردا تىكەلەي تاراتۋدا ەندىگارى ەركىنە كەتۋگە بولمايدى؛ جارنامانى الباتى تاراتقاندار جازالانادى؛ اۆتوماتتى اقشا شىعارۋ اپپاراتى ارقىلى ەسەپ اۋدارۋدا 24 ساعات ىشىندە اۋدارىلعان ەسەپتى كۇشىنەن قالدىرۋعا بولادى... 2016 – جىلى 1 – جەلتوقساننان باستاپ ءبىرقىدىرۋ زاڭ، بەلگىلەمە اتقارىلا باستايدى.
عالامتوردا تىكەلەي تاراتۋدا ەندىگارى ەركىنە كەتۋگە بولمايدى
مەملەكەتتىك توراپ جانە ينفورماتسيا كەڭسەسى 4 – قاراشادا «عالامتوردا تىكەلەي تاراتۋ قىزمەت وتەۋىن باسقارۋ بەلگىلەمەسىن» جاريالادى. قاتىستى جاۋاپتى بىلاي دەدى: «بەلگىلەمەنىڭ» شىعارىلۋىنداعى ماقسات عالامتورداعى تىكە تاراتۋ كاسىبىنىڭ اقاۋسىز، ءتارتىپتى دامۋىن جەبۋ، سوتسياليستىك وزەكتى قۇن كوزقاراسىن ساۋلەلەندىرۋ، مەملەكەتتىڭ مۇددەسى مەن الەۋمەتتىك مۇددەنى قورعاۋ، توراپكەرلەرگە، اسىرەسە، جاستار مەن ورەندەرگە اقاۋسىز توراپ اياسىن دايىنداپ بەرۋ. بۇل بەلگىلەمە 2016 – جىلى 1 – جەلتوقساننان باستاپ اتقارىلادى.
«بەلگىلەمەدە» بىلاي دەلىنگەن: تىكە تاراتۋدان پايدالانىپ مەملەكەتتىڭ حاۋىپسىزدىگىنە زيان سالۋ، قوعام ورنىقتىلىعىن ءبۇلدىرۋ، قوعامدىق ءتارتىپتى بىلىقتىرۋ، باسقالاردىڭ زاڭدى ۇقىق – مۇددەسىنە زيان جەتكىزۋ، بادىك مازمۇنداردى تاراتۋ سياقتى زاڭ – بەلگىلەمەگە قايشى ارەكەتتەرمەن شۇعىلدانۋعا بولمايدى، عالامتورداعى تىكە تاراتۋ كاسىبىنەن پايدالانىپ زاڭدا، بەلگىلەمەدە تيىم سالىنعان ينفورماتسيا مازمۇندارىن جاساۋعا، كوبەيتۋگە، جاريالاۋعا، تاراتۋعا بولمايدى.
اۆتوماتتى اقشا شىعارۋ اپپاراتى ارقىلى ەسەپ اۋدارۋدا 24 ساعات ىشىندە اۋدارىلعان ەسەپتى كۇشىنەن قالدىرۋعا بولادى
جۇڭگو حالىق بانكەسى بىرنەشە كۇننىڭ الدىندا «اقشا تولەۋدى، ەسەپ ءۇزۋدى باسقارۋدى كۇشەيتىپ، تەلەگراف تورابىنداعى زاڭعا قايشى جاڭاشا قىلمىستىق ىستەردەن ساقتانۋ جونىندەگى ۇقتىرۋدى» جاريالادى. 2016 – جىلى 1 – جەلتوقساننان باستاپ ءبىر ادامنىڭ ءبىر بانكەدەن Ⅰ تۇردەگى ءبىر عانا ەسەپتى (بانكەدە ەسەپ ايىرۋعا ارنالعان ەسەپ، بانكە كارتوچكاسى قامتىلادى) اشتىرۋىنا بولادى، ۇقساس تولەۋ قۇرىلىمىندا ءبىر عانا Ⅲ تۇردەگى ەسەپتى اشتىرۋىنا بولادى. سونىمەن بىرگە، بانكە وسى بانكەنىڭ ىشكى جاعىندا وزگە جەردە اقشا قويۋ، الۋ، ەسەپ اۋدارۋ سياقتىلارعا سىرت جەردە رەسميات وتەۋ اقىسىن العان بولسا، ۇقتىرۋ تۇسىرىلگەن كۇننەن باستاپ 3 اي ىشىندە اقىنى كۇشىنەن قالدىرۋى كەرەك.
تاياۋ جارىم جىلداعى تەلەگراف، توراپ الدامكوستىگى سالدارىنان زياندالۋشى زاڭسىز ەلەمەنتتەردىڭ الدام قالتاسىنا تۇسكەن جاعدايدا اۆتوماتتى اقشا شىعارۋ اپپاراتى ارقىلى ەسەپ اۋدارۋ احۋالىنا قاراتا ۇقتىرۋدا بىلاي دەپ بەلگىلەندى: بيىل 1 – جەلتوقساننان باستاپ، وسى ادامنىڭ وزىنە ۇقساس بانكە ەسەبى ارقىلى ەسەپ اۋدارعاننان تىس، جەكەلەر اۆتوماتتى اقشا شىعارۋ اپپاراتى ارقىلى ەسەپ اۋدارسا، كارتوچكا تاراتقان بانكە ءبىر جاقتى ەتىپ 24 ساعاتتان كەيىن اقشانى ەسەپكە اۋدارىپ بەرەدى، جەكەنىڭ 24 ساعات ىشىندە كارتوچكا تاراتقان بانكەگە اۋدارىلعان ەسەپتى كۇشىنەن قالدىرىپ بەرۋدى ءوتىنىش ەتۋىنە بولادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
