- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
4 ەرىكتى ۇقساتپالى عارىش بولمەسىندەگى دەربەس تۇرمىستى اياقتاتتى
180 كۇن جابىق كۇيدە تۇرىپ، جەر بەتىنەن تىسقارى ورتادا تىرشىلىك ەتۋدە باستاما جاراتتى
«حالىق گازەتىنىڭ» ءتىلشىسى يۇي جيانبين
2016.12.15 13:53 كەلۋ قاينارى : حالىق تورابى
14 – جەلتوقسان ساعات 11 مولشەرىندە شىنجىن قالاسىنا ورنالاسقان عارىش عىلىم - تەحنيكاسى وڭتۇستىك زەرتتەۋ ورنىندا تاڭ يۇڭكاڭ، لو جيە، ۋ شى – يۇن، تۇڭ فەيجوۋ سىندى 4 ەرىكتى اۋماعى 370 شارشى مەتر كەلەتىن جابىق ۇقساتپالى عارىش بولمەسىنەن شىعىپ، 180 كۇنگە جالعاسقان دەربەس تۇرمىستى اياقتاتتى، ولار سىرتتا توسىپ تۇرعان ءۇي ىشىندەگىلەرمەن، دوستارىمەن مارە – سارە قۇشاقتاسىپ جاتتى، بۇل جۇرتتىڭ نازارىن اۋدارعان «جۇلدىز ارالىق عارىش بولمەسىندەگى» 4 ادامنىڭ 180 كۇنگە جالعاساتىن باقىلاۋ كۇيىندەگى ەكولوگيالىق تىرشىلىكتى جۇيەلى جيناقتاۋ تاجىريبەسىنىڭ ءساتتى اياقتالعانىن اڭعارتادى.
ادامزاتتىڭ عارىش جونىندە ىزدەنىس جاساۋ اياق الىسى ءبىر ءسات تە توقتاپ كورگەن ەمەس، جۇلدىز ارالىق كەڭىستىكتە قايتكەندە ۇزاق ۋاقىت تىرشىلىك ەتۋگە بولاتىنى عالىمداردىڭ زەرتتەۋىندەگى قولامتالى تاقىرىپ بولىپ كەلگەن. وسى رەتكى تاجىريبەنىڭ تەحنيكالىق جاۋاپتىسى، جۇڭگونىڭ عارىشقا ادام الىپ ۇشۋ ينجەنەرياسى عارىشكەرلەر جۇيەسىنىڭ ورىنباسار باس جوبالاۋشىسى لي يىڭحۇي بىلاي دەدى: وسى رەتكى 180 كۇندىك تاجىريبە بولاشاقتاعى شالعاي عارىشتا بارلاۋ جۇرگىزۋ جانە جەر بەتىنەن تىس تىرشىلىك ءۇشىن قۇندى تاجىريبە ساندى مالىمەتىمەن قامدادى، جەر شارىنان سىرت جۇلدىز بازاسىنداعى تىرشىلىكتى قامتاماسىزداندىرۋ جۇيەلىك تەحنيكاسىنداعى ماڭىزدى باستاما سانالادى.
بولاشاقتاعى جۇلدىز ارالىق ۇشۋدا جانە ۇزاق ۋاقىت ايالداپ تۇرۋدا جەر بەتىنەن تىسقارى ورتادا تىرشىلىك ەتۋ ماسەلەسى شەشىلدى
4 ەرىكتى بيىل 17 – ماۋسىمدا عارىش بولمەسىنە كىرىپ، 14 – جەلتوقساندا شىقتى، قازىر تورتەۋىنىڭ دەنساۋلىق جاعدايى جاقسى، ولار جابىق ورتانىڭ دەنەگە، كوڭىل كۇيىنە جاسايتىن ىقپالىن جەڭدى، دەنەلىك، پسيحيكالىق ءتۇرلى كورسەتكىشتەردە دە ۇلىعاۋسار قالىپسىزدىق بايقالعان جوق.
180 كۇن بارىسىندا عارىش بولمەسىنىڭ سىرتىنداعى عىلمي زەرتتەۋ قىزمەتكەرلەرى مەن عارىش بولمەسىنىڭ ىشىندەگى ەرىكتىلەر بىرگە قيمىلداپ، ءتۇرلى عىلمي زەرتتەۋ تاجىريبە مىندەتىن ءساتتى ورىندادى. 5 تۇردەگى 25 وسىمدىك قاۋلاپ ءوستى، 2 ۇلكەن عىلىمداعى 21 تاجىريبە نىسانى ءتارتىپتى جۇرگىزىلدى، 2 ۇلكەن عىلىمنان 1700 دەن استام تۇردەگى ساندى مالىمەت جيناپ الىندى. تاجىريبەدە 4 ەرىكتىگە قاجەتتى وتتەگى، سۋ قايتا ءوندىرۋ تاسىلىمەن قامدالدى، سونداي – اق ءبىر ءبولىم ازىق – تۇلىك تە قايتا ءوندىرۋ تاسىلىمەن قامدالدى. ەرىكتىلەر 18 تۇردەگى مەديتسينالىق تاجىريبەگە قاتىناسىپ، قىرۋار قۇندى عىلمي زەرتتەۋ ساندى مالىمەتى جيناقتالدى.
لي يىڭحۇي تانىستىرىپ بىلاي دەدى: بۇل رەتكى تاجىريبە بولاشاقتاعى جۇلدىز ارالىق ۇشۋدا جانە ۇزاق ۋاقىت ايالداپ تۇرۋدا عىلىم مەن تەحنيكا قاتارلاسا العا باسقان ىزدەنىس سيپاتىنداعى نىسان بولدى. ادامزاتتىڭ جەر بەتىنە تاياۋ وربيتاداعى عارىشتا ۇزاق ۋاقىت ايالداپ تۇرۋى ىسكە اسىرىلعان سوڭ جەر شارىنان تىسقارى جۇلدىزدىق بازا كەلەسى قادامداعى نىسانا بولادى، مۇندا مەيلى اي شارىندا بولسىن، الدە مارىستا بولسىن، اۋەلى ادامنىڭ سىرتقى جۇلدىزدا تىرشىلىك ەتۋ جانە سالاماتتىق ماسەلەسىن شەشۋ كەرەك. وسى رەتكى تاجىريبەدەگى وزەكتى مىندەت 3 – داۋىردەگى ورتانى مەڭگەرۋ جانە تىرشىلىكتى قامتاماسىزداندىرۋ تەحنيكاسى بويىنشا بولجامپازدىقپەن زەرتتەۋ جۇرگىزۋ بولماق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
