بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

وسى جىل مەن كەلەر جىل ــ تۋىتتىڭ قاۋىرت مەزگىلى، ەل بويىنشا مەجەمەن ءار جىلى 20 ميلليون توڭىرەگىندە بالا تۋىلادى

ارحيۆ ورناتۋ قيىن: «ەكى پەرزەنت كورۋ ورلەۋىنەن» تۋىنداعان بۇراڭ جول

2017.01.13 16:11     كەلۋ قاينارى : حالىق تورابى

  ەكى پەرزەنت كورۋگە جاپپاي جول بەرۋ ساياساتى اتقارىلعاننان بەرى ناق ءبىر جىل بولدى. ەكى پەرزەنت كورۋگە جاپپاي جول بەرۋ ــ ءبىر جاعى جالعىز پەرزەنتتى ەرلى – زايىپتىنىڭ ەكى پەرزەنت كورۋىنە جول بەرۋ ساياساتىنان كەيىنگى تۋىت ساياساتىن جانە ءبىر رەتكى رەتتەپ كەمەلدەندىرۋ، ورتالىق ەلىمىزدىڭ حالىق سانى مەن ەكونوميكاسىنىڭ، قوعامىنىڭ دامۋىنداعى جاڭا جاعدايعا نەگىزدەلىپ شىعارعان كەلەلى ستراتەگيالىق شەشىم.

  ■ ءبىر جىلدا ءبىر ميلليوننان استام بالا كوپ تۋىلدى، تۋىت بولىمدەرىندە توسەك تاپشىلىق ەتتى

  2016 – جىلى تۋىلعان بالا سانى مەجەمەن 17 ميلليون 500 مىڭنان اسىپ، 2000 – جىلدىڭ الدى – ارتىنداعى كولەممەن قارايلاس بولدى، ەكى پەرزەنت كورۋگە جاپپاي جول بەرۋ ساياساتىن شىعاراتىن كەزدەگى تۇسپالمەن نەگىزىنەن سايكەستى

  2016 – جىل ــ ەكى پەرزەنت كورۋگە جاپپاي جول بەرۋ ساياساتى اتقارىلعان ءبىرىنشى جىل، ونىڭ ۇستىنە بۇل جىل مەشىن جىلى بولعاندىقتان، جۇكتى ايەلدەر بۇرىنعى جىلدارداعىدان كوپ بولدى. تانىستارىن ىزدەۋ، جارىم تۇندە ءنومىر الۋ كوپتەگەن جۇكتى ايەلدىڭ ارحيۆ ورناتۋ تاسىلىنە اينالدى. بەيجيڭ قالاسى چاۋياڭ رايونىنداعى ءبىر ءىسورىندا ىستەيتىن ياڭ حانىم تانىستارىنا سۇيەنىپ ءبىر ايگىلى شيپاحانادا ارحيۆ ورناتۋ جۇمىسىن ازەر بىتىرەدى. بەيجيڭ قالاسىنداعى ءبىر شيپاحانانىڭ ءنومىر الۋ زالىندا اۋىر اياق بولعانىنا 7 اي بولعان ءبىر حانىم تىلشىگە ءوزىنىڭ جارىم تۇندە ۋيچات ارقىلى ءنومىر العانىن ايتتى.

  بەيجيڭ وڭىرىندەگى بىردەن - ءبىر 3 – A دارەجەلى ارناۋلى تۋىت شيپاحاناسى ەسەپتەلەتىن استانا مەديتسينا ۋنيۆەرسيتەتى قاراماعىنداعى بەيجيڭ تۋىت شيپاحاناسى بوساندىرعان ايەلدەر سانى جاعىندا باستان – اياق ءبىرىنشى ورىندا تۇر. بۇل شيپاحانادا وتكەن ءبىر جىلدا ءار ايدا تۋىلعان بالا سانى 1200 – 1400 اينالاسىندا بولعان، جەلتوقساندا تۋىلعان بالا ەڭ كوپ بولعان، 2016 – جىلى تۋىلعان جالپى بالا سانى 2015 – جىلداعىدان %22 ارتقان. ساناققا قاراعاندا، 2015 – جىلى قاراشادان بۇرىن بەيجيڭ قالاسىندا ءار ايدا ارحيۆ ورناتاتىن جۇكتى ايەلدەردىڭ ورتاشا سانى 20 مىڭنان اسپايدى ەكەن. 2015 – جىلى جەلتوقساننان باستاپ بۇل سان 30 مىڭ اينالاسىنا جەتكەن.

  ■ ارحيۆ ورناتۋ قيىن بولۋ ماسەلەسى وتە ۇزاققا جالعاسپايدى، 2019 – جىلدان كەيىن تۋىلاتىن بالالاردىڭ سان مولشەرى قالىپتى ارناعا تۇسەدى

  قامداۋ – قاجەتسىنۋ جاعىنداعى قۇرىلىمدىق فاكتورلار قابات كەلگەندىكتەن ارحيۆ ورناتۋ جۇمىسىنا قيىندىق تۋىلدى. تۋىت الدىنداعى، تۋىت كەزىندەگى، نارەستەلەردى كۇتىمدەۋدەگى مازمۇنداردى قالاي جيناقتاۋ، الەۋمەتتىڭ قاجەتىنە قالاي سايكەسۋ جاعىندا ىشكەرىلەي جاڭالىق جاراتىپ، ىزدەنىس جاساۋعا تۋرا كەلەدى.

  ەكىنشى رەت پەرزەنت ءسۇيۋدى جوسپارلاعان اتا – انانىڭ كوبى ەڭ جاقسى شيپاحاناعا بارىپ، انا مەن بالانىڭ حاۋىپسىز بولۋىن ويلايدى. بەيجيڭ قاتارلى ءىرى قالالاردا قامداۋ – قاجەتسىنۋ جاعىنداعى قۇرىلىمدىق فاكتورلار قابات كەلگەندىكتەن ارحيۆ ورناتۋ جۇمىسىنا قيىندىق تۋىلىپ وتىر.

  يۋان شين تالداۋ جاساپ بىلاي دەدى: ارحيۆ ورناتۋ قيىن بولۋ باستىسى 3 – A دارەجەلى ۇزدىك شيپاحانالاردىڭ ارحيۆ ورناتۋى قيىن بولۋعا قاراتىلادى. ءبىر جاعىنان شيپاحانالار كومەسكى كۇشتى اشىپ، بولىمدەردى رەتتەپ، قىزمەتكەر جانە توسەكتى كوبەيتىپ، جۇكتى ايەلدەردى مۇمكىندىگىنشە قابىلداۋى كەرەك. الايدا ۇزاق بولاشاققا نازار سالساق، ارحيۆ ورناتۋ قيىن بولۋ ماسەلەسى وتە ۇزاققا جالعاسپايدى، بولاشاقتا تۋىت بولىمدەرىندەگى توسەكتەر كوپتەپ بوس قالادى. 2019 – جىلدان كەيىن تۋىلاتىن بالالاردىڭ سان مولشەرى قالىپتى ارناعا تۇسەدى، جىلىنا تۋىلاتىن بالالاردىڭ سانى بىرتىندەپ ازايادى.

  2016 – جىلى قازاندا مەملەكەتتىك دەنساۋلىق ساقتاۋ، جوسپارلى تۋىت كوميتەتى قاتارلى 5 مينيسترلىك، كوميتەت «تۋىتتىڭ جالپى بارىسىنا نەگىزدىك ەمدەۋ، دەنساۋلىق ساقتاۋ جاعىنان قىزمەت وتەۋدى كۇشەيتۋ جونىندەگى ءبىرقانشا پىكىردى» شىعارىپ، تۋىت بولىمدەرىندەگى توسەك ورنىن لايىقتى كوبەيتىپ، دارەجە بويىنشا ارحيۆ ورناتۋ شاراسىن قولدانۋدى ورتاعا قويدى. 2016 – جىلى ورتالىقتىڭ مەجە ەسەبىنەن 2 ميلليارد 910 ميلليون يۋان قارجى شىعارىلىپ، قالا دارەجەلى 45، اۋدان دارەجەلى 202 انالار مەن بالالاردىڭ دەنساۋلىعىن ساقتاۋ قۇرىلىمىنىڭ قۇرىلىسىنا قولداۋ كورسەتىلدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.