سىرتقى ىستەر مينيسترلىگى «ساد» جۇيەسىنىڭ ورنالاستىرىلۋىنا جاۋاپ قايتاردى: بارلىق زارداپتى ا ق ش پەن وڭتۇستىك كورەيا ارقالايدى
2017.02.28 16:10 كەلۋ قاينارى : حالىق تورابى
شينحۋا اگەنتتىگى، 27 - اقپان، بەيجيڭ (ءتىلشى سۇن چىنشي). سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 27 - اقپاندا وتكىزىلگەن كەزەكتى تىلشىلەردى قابىلداۋ ماجىلىسىندە بىلاي دەدى: جۇڭگو جاق وڭتۇستىك كورەيادا «ساد» جۇيەسىن ورناتۋعا قارسى تۇرۋداعى نيەتىنەن قايتپايدى، قاجەتتى شارا قولدانىپ ءوزىنىڭ حاۋىپسىزدىگىن، مۇددەسىن قورعايدى، وسىدان تۋىنداعان بارلىق زارداپتى ا ق ش پەن وڭتۇستىك كورەيا ارقالايدى.
ءبىر ءتىلشى بىلاي دەپ سۇرادى: حابارعا قاراعاندا، لوتتە توبى بۇگىن القالار ءماجىلىسىن اشىپ، وڭتۇستىك كورەيا ارميا جاعىنىڭ «ساد» جۇيەسى ورنالاستىرىلعان جەرگە بايلانىستى جەر الماستىرۋ كەلىسىمىن بەكىتكەن. وسىدان سوڭ وڭتۇستىك كورەيانىڭ ارميا جاعى قىزمەت تەبىنىن تەزدەتىپ، 3 - 4 ايدا ورنالاستىرۋدى تامامداۋعا قامدانعان. جۇڭگو بۇنى قالاي باعالايدى؟
گىڭ شۋاڭ بىلاي دەدى: ا ق ش پەن وڭتۇستىك كورەيا وڭتۇستىك كورەيادا «ساد» باسقارىلمالى بومبىعا قارسى تۇرۋ جۇيەسىن ورناتۋدى تەزدەتى، ءوڭىردىڭ ستراتەگيالىق تەڭدىگىن اۋىر دارەجەدە ءبۇلدىردى، جۇڭگونى قامتىعان وسى وڭىردەگى قاتىستى مەملەكەتتەردىڭ ستراتەگيالىق حاۋىپسىزدىك مۇددەسىن اۋىر دارەجەدە ءبۇلدىردى، بۇل كورەي تۇبەگىنىڭ بەيبىتشىلىگى مەن ورنىقتىلىعىن قورعاۋعا ءتيىمسىز. جۇڭگو جاق مىنانى قايتا - قايتا دارىپتەپ كەلەدى: قاتىستى جاقتاردىڭ ءوز حاۋىپسىزدىگىن قورعاۋداعى ۇيلەسىمدى قامدانۋىن تۇسىنەمىز، الايدا ءبىر ەلدىڭ حاۋىپسىزدىگى باسقا ەلدىڭ حاۋىپسىزدىگىن ءبۇلدىرۋ نەگىزىندە ورناماۋى كەرەك. وكىنىشتىسى، وڭتۇستىك كورەيا جاق جۇڭگونىڭ باسا نازار اۋدارىپ وتىرعان مۇددەسىن ەلەپ - ەسكەرمەي، قاسارىسقان كۇيىندە ا ق ش - پەن سەلبەسىپ قاتىستى ورنالاستىرۋ جۇمىسىن جەدەلدەتتى. جۇڭگو بۇعان باتىل قارسى تۇرادى جانە كۇشتى نارازىلىق بىلدىرەدى.
گىڭ شۋاڭ بىلاي دەدى: «مەن مىنانى تاعى دا دارىپتەيمىن: جۇڭگو جاق وڭتۇستىك كورەيادا «ساد» جۇيەسىن ورناتۋعا قارسى تۇرۋداعى نيەتىنەن قايتپايدى، قاجەتتى شارا قولدانىپ ءوزىنىڭ حاۋىپسىزدىگىن، مۇددەسىن قورعايدى، وسىدان تۋىنداعان بارلىق زارداپتى ا ق ش پەن وڭتۇستىك كورەيا ارقالايدى. ءبىز قاتىستى جاقتاردى قاتىستى ورنالاستىرۋ جۇمىسىن توقتاتۋعا، قاتە جولمەن قاسارىسىپ جۇرە بەرمەۋگە قۋزايمىز».
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
