بيىلعى ەكى ماجىلىستە قانداي تۇيىندەرگە نازار اۋدارىپ وتىرمىز؟
2017.03.02 14:10 كەلۋ قاينارى : حالىق تورابى
2017 – جىلى «13 – بەسجىلدىق» جوسپار اتقارىلاتىن ماڭىزدى جىل، قامداۋ جاعىنداعى قۇرىلىمدىق رەفورمانى تەرەڭدەتەتىن جىل، پارتيانىڭ 19 – قۇرىلتايى اشىلاتىن جىل. «جىل ەسەبى كوكتەمدە» دەگەندەي، كوكتەمدە اشىلاتىن ەكى ماجىلىسكە جاماعات كوز تىگىپ وتىر.
كوكەيتەستى تاقىرىپ 1: «شىرىكتەسۋگە قارسى تۇرىپ، پاكتىكتى دارىپتەۋ» پارمەنىن ونان ارى كۇشەيتۋ كەرەك
حالىق تورابى جاماعات نازار اۋدارىپ وتىرعان 18 كوكەيتەستى تاقىرىپ تۋرالى عالامتورلىق ساۋالناما جاريالاعان بولاتىن، 27 – اقپان كۇنى ساعات 20دان 30 مينۋت وتكەنگە دەيىن، «شىرىكتەسۋگە قارسى تۇرىپ، پاكتىكتى دارىپتەۋ» تالعامى 110 مىڭ داۋىسپەن ءبىرىنشى ورىنعا شىققان.
ارنايى ساۋالناماداعى «2016 – جىلى ەلىمىزدە شىرىكتەسۋگە قارسى كۇرەس پارمەندى جۇرگىزىلدى، تومەندەگى ىستەردىڭ قايسىسىنا ەڭ نازار اۋداردىڭىز؟» دەگەن سۇراۋعا توردوستاردىڭ 24.83 پايىزى «شي جينپيڭنىڭ شىرىكتەسۋگە قارسى تۋرۋعا قاتىستى ماڭىزدى ءسوزىنىڭ رۋحىنا» دەپ جاۋاپ بەرگەن؛ توردوستاردىڭ 21.16 پايىزى «ورتالىقتىڭ شارلاپ تەكسەرۋ گرۋپپاسىنىڭ ‹قايتا تەكسەرۋىنە›» باسا نازار اۋدارعان؛ مۇنان سىرت، توردوستاردىڭ 14.09 پايىزى «مەملەكەتتىك باقىلاۋ ءتۇزىلىسى رەفورماسى سىناق تۇيىندەرىن ىسكە قوسۋعا» نازار اۋدارعان؛ 13.48 پايىزى «‹جۇڭگو كوممۋنيستىك پارتياسىنىڭ جاۋاپكەرشىلىكتى قۋزاستىرۋ ەرەجەسىنىڭ› اتقارىلا باستاعانىنا» نازار اۋدارعان.
كوكەيتەستى تاقىرىپ 2: رەفورمانى جاپپاي تەرەڭدەتۋ قامال الۋ كەزەڭىنە قادام تاستادى
كەزەكتە، رەفورمانى جاپپاي تەرەڭدەتۋ قامال الۋ كەزەڭىنە جانە قيىن سالاعا قادام تاستادى، ۇكىمەت فۋنكتسيالارىنداعى بۇرىلىستان، قالا – اۋىلدىڭ دامۋىن ءبىرتۇلعالاندىرۋ ءتۇزىلىسى مەحانيزمىن كەمەلدەندىرۋگە، «اۋىل شارۋاشىلىعىندا قامداۋ جاعىنداعى رەفورمانى» جۇرگىزۋدەن، «مەملەكەت مەنشىگىندەگى كاسىپورىنداردى رەفورمالاۋعا» دەيىن، ءبارى – ءبارى دە تولعاقتى تۇيىندەر بولىپ وتىر.
مەملەكەتتىك ساياسي كەڭەستىڭ مۇشەسى، جۇڭگو دەموكراتيالىق ەل قۇرۋ قوعامى ورتالىق كوميتەتى تەكسەرۋ – زەرتتەۋ ءبولىمىنىڭ باستىعى ساي ليڭنىڭ ايتۋىنشا، اتالعان قوعام ساياسي كەڭەس مەملەكەتتىك 12 – كەزەكتى كوميتەتى 5 – ماجىلىسىنە كوللەكتيۆ اتىنان 38 ۇسىنىس جوبا بەرمەكشى، بۇل جوبالار قالا – قالاشىقتاندىرۋ قۇرىلىسى، قامداۋ جاعىنداعى قۇرىلىمدىق رەفورمانى تەرەڭدەتۋ، جاڭالىق اشۋ ارقىلى دامۋدى ىلگەرىلەتۋ ستراتەگياسى، كاسىپورىنداردىڭ جاڭالىق اشۋىنا قولداۋ كورسەتۋ قاتارلى جاقتارعا شوعىرلانعان.
كوكەيتەستى تاقىرىپ 3: لاستانۋدى وڭاۋ قابىلەتىن جوعارىلاتۋ
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ «ەكى ماجىلىسكە» دايىنداعان ۇسىنىس جوبالارىنىڭ ىشىندە اۋىل – قىستاقتاردا ەنەرگيا قۇرىلىمىنا رەتتەۋ جۇرگىزۋ، بىتىراندى جاعىلاتىن سۇرىپتالماعان كومىردىڭ مولشەرىن تەجەۋ، اۋىل – قىستاقتاردا سۇرىپتالماعان كومىردى بىتىراندى جاعۋدان تۋىلاتىن لاستانۋدى باسقىش بويىنشا وڭاۋ، وسى ارقىلى بەيجيڭ، تيانجين، حىبەي وڭىرىندە اتموسفەرانىڭ لاستانۋىن وڭاۋ قىزمەتىن ىلگەرىلەتۋ قاتارلى ۇسىنىس جوبالار قامتىلعان.
كوكەيتەستى تاقىرىپ 4: حالىق تۇرمىسىنا ساياتىن ماسەلەلەر كوكەيتەستى تۇيىندەر رەتىندە قالىپ وتىر
جۇرتتىڭ حالىق تۇرمىسى جاعىندا نازار اۋداراتىن تۇستارى وتە مول، ازىق – تۇلىك حاۋىپسىزدىگى، وقۋ – اعارتۋ تەڭدىگى، ەمدەۋ رەفورماسى، قوعامدىق قامتاماسىزداندىرۋ، كاسىپتەنۋ، كىرىس، تۇرعىن ءۇي قاتارلى جاقتاردا حالىق زور ءۇمىت كۇتسە، ۇكىمەتتىڭ الدىنا دا ۇزاق مەرزىمدىك جاپالى مىندەت رەتىندە قويىلىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
