جۇمىسشى – قىزمەتشىلەردىڭ نەگىزدىك زەينەتكەرلىك قامسىزداندىرۋ قورى 17 ايلىق تولەۋدى كەپىلدەندىرە الادى
زەينەتكە شىعۋ جاسىن كەشىكتىرۋ ساياساتى تاعى دا ىشكەرىلەي زەرتتەلەدى
«حالىق گازەتىنىڭ» ءتىلشىسى باي تيانلياڭ
2017.03.02 16:24 كەلۋ قاينارى : حالىق تورابى
2016 – جىلى ەلىمىزدىڭ قالا – قالاشىعىنداعى تىڭنان كاسىپتەنگەندەر 13 ميلليون 140 مىڭ ادام بولىپ، ءۇرتىس 4 جىل 13 ميلليون ادامنان جوعارى بولدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى يىن ۋەيمين 1 – ناۋرىزدا مەملەكەتتىك كەڭەستىڭ كەڭسەسىندە وتكىزىلگەن اقپار جاريالاۋ ماجىلىسىندە بىلاي دەدى: بيىل كاسىپتەنۋ جاعدايى ءالى دە كۇردەلى بولادى، دەسە دە جۇڭگونىڭ كاسىپتەنۋ جاعدايىن ورنىقتىرۋعا سەنىمى دە بار.
زەينەتكەرلىك قامسىزداندىرۋى بۇقارانىڭ ءتول مۇددەسىنە ءتيىمدى. بىلتىر قالا – قالاشىقتارداعى جۇمىسشى – قىزمەتشىلەردىڭ نەگىزدىك زەينەتكەرلىك قامسىزداندىرۋ قورىنىڭ جالپى كىرىسى 2 تريلليون 840 ميلليارد يۋان، جالپى شىعىسى 2 تريلليون 580 ميلليارد يۋان بولدى، قازىرگى قالدىق 260 ميلليارد يۋاننان استام، جالپى قالدىق اقشا 3 تريلليون 670 ميلليارد يۋان، 17 ايلىق تولەۋدى كەپىلدەندىرۋگە بولادى. زەينەتكەرلىك قامسىزداندىرۋ قورىنىڭ اينالىسىنداعى باستى ماسەلە ــ وڭىرلەر ارا بىركەلكىسىزدىكتى ءبىر تۇتاس ورنالاستىرۋ. قازىر زەينەتكەرلىك قامسىزداندىرۋىن ولكە دارەجەلى ورىن ءبىر تۇتاس ورنالاستىرادى، ولكەلەر اراسىنداعى زەينەتكەرلىك قامسىزداندىرۋ قورىنىڭ اينالىسىنداعى پارىق ءبىرشاما زور، قورى كوپ ولكەلەر 50 ايلىق تولەۋدى قامتاماسىزداندىرا الادى، قيىنشىلىعى ەرەكشە اۋىر ولكەلەردە قازىر كىرىس شىعىسقا جەتپەي وتىر، جالپى قالدىق قور دا نەگىزىنەن جۇمسالىپ بولعان، پارىق ءبىرشاما زور. بۇل پارىقتىڭ تۋىنداۋىنداعى ەڭ باستى فاكتور ــ زەينەتكەرلەردىڭ سالىستىرماسى ۇقسامايدى، قورى كوپ ولكەلەردە ءجۇز ادامنىڭ ونى زەينەتكەر، ياعني ون ادام ءبىر ادامدى اسىرايدى؛ قورى از ولكەلەردە 12 ادامنىڭ ونى زەينەتكەر، اۋىرتپالىق ۇقسامايدى.
يىن ۋەيمين تاعى بىلاي دەدى: حالىق سانىنىڭ قارتتانۋى جاعدايىندا زەينەتكە شىعۋ جاسىن ۇزارتۋ ساياساتى ادام كۇشى بايلىعىن ءونىمدى اشىپ پايدالانۋدا، زەينەتكەرلىك قامسىزداندىرۋىن ءۇرتىس دامىتۋدا توتەنشە ماڭىزدى رول اتقارادى. الايدا بۇل ساياسات ءاربىر ادامنىڭ ءتول مۇددەسىنە ساياتىندىقتان، سونىمەن قوسا وسى بىرنەشە جىلدا ءوندىرىس قۋاتى قالىپتان تىس اسىپ قالعان ورىنداردان بوساعان جۇمىسشى – قىزمەتشىلەردىڭ بىتىراتىپ ورنالاستىرۋ قىسىمى وتە زور بولعاندىقتان ساياسات بەلگىلەۋ ايرىقشا بايىپپەن يگەرىلۋدە. ءبىز ەلىمىز ەڭبەككۇشتەرىنىڭ جالپى مولشەرىندەگى وزگەرىس جاعدايىنا جانە كاسىپتەندىرۋ جاعدايىنا، سونداي – اق قوعامدىق قامتاماسىزداندىرۋ قورىنىڭ باياندى ارتۋ جاعدايىنا ۇشتاستىرىپ، تاعى دا ىشكەرىلەي زەرتتەۋ جۇرگىزەمىز.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
