قايتكەندە بىلەك سىبانىپ، قايراتتانا ىسكە كىرىسە الامىز؟
2017 – جىلعى ەكى ماجىلىستەگى كوكەيتەستى ون ءتۇرلى تۇيىنگە نازار
2017.03.03 14:35 كەلۋ قاينارى : حالىق تورابى
2017 – جىلى رەفورمانى جاپپاي ىلگەرىلەتۋدەگى ماڭىزدى جىل، «13 – بەسجىلدىق» جوسپارداعى ماڭىزدى جىل، جۇڭگو كوممۋنيستىك پارتياسىنىڭ مەملەكەتتىك 19 – قۇرىلتايى اشىلاتىن جىل. وسىنداي ماڭىزدى تاريحي كەزەڭدە اشىلىپ وتىرعان ەكى ماجىلىسكە بۇكىل الەم كوز تىگىپ وتىر.
بەيجيڭگە جينالعان ۋاكىلدەر مەن مۇشەلەر اقىل – كەڭەستەرىن ورتاعا سالىپ، مەملەكەت ىستەرىن كەڭەسەدى. وسى رەتكى ەكى ماجىلىستە قانداي كوكەيتەستى تۇيىندەر كەڭەسكە سالىناتىنىنا كوز جىبەرەلىك.
[كوكەيتەستى ءبىرىنشى ءتۇيىن] رەفورمانى جاپپاي تەرەڭدەتۋ: نەگىزگى سۇلباسى تۇراقتاندى، قامال الۋعا بارىنشا كۇش سالامىز
اقپارات توركىنى: 3 جىلدان استام ۋاقىت قۇلشىنۋ ارقىلى نىشاندىق ءمان الاتىن، سىندارلى ءىرى رەفورما ساياساتتارىنىڭ جوباسى ورتاعا قويىلىپ جانە اتقارىلىپ، ماڭىزدى سالالار مەن شەشۋشى بۋىندارداعى رەفورما شارالارىندا كەلەلى جاڭالىقتار جاراتىلدى، نازاريالىق جاقتاعى، تۇزىمدىك جاقتاعى، ءامالياتتىق جاقتاعى جاراتىلعان جاڭالىقتاردىڭ ناتيجەلەرى كورىنە باستادى، رەفورمانى جاپپاي تەرەڭدەتۋدىڭ نەگىزدىك سۇلباسى تۇراقتاندى. بيىل رەفورمانى جالپى بەتتىك كىدىرىسسىز تەرەڭدەتۋ اسا ماشاقاتتى، قامال الۋ كەزەڭىندە، قيىن سالالاردا ىرىقتى ىلگەرىلەۋشىلىككە قول جەتكىزۋ مىندەتى توتەنشە جاپالى بولماق.
[كوكەيتەستى ەكىنشىءتۇيىن ] كەدەيلىكتەن ارىلتۋدا قامال الۋ: ءدال سۇيەمەلدەۋ ارقىلى كەدەيلىكتەن شىنايى ارىلتىپ، قامال الۋ نىساناسىن ىسكە اسىرۋدى ىلگەرىلەتۋ
اقپارات توركىنى: جۋىردا توڭكەرىستىك بايىرعى رايون سانالاتىن جيڭگاڭشان ءوڭىرى باستاماشىلدىقپەن كەدەيلىكتەن ارىلعانىن جاريالادى. پارتيانىڭ 18 – قۇرىلتايىنان بەرى كەدەيلىكتەن ارىلتۋدا كورنەكتى ناتيجەلەرگە قول جەتكىزدىك. 2013 – جىلدان 2016 – جىلعا دەيىنگى 4 جىل ىشىندە اۋىل – قىستاقتارداعى كەدەيلەر جان سانى جىلىنا 10 ميلليوننان استام ازايىپ، جيىنى 55 ميلليون 640 مىڭ ادام كەدەيلىكتەن ارىلدى؛ كەدەيلىككە كىرىپتار بولۋ مولشەرى 2012 – جىلعى 10.2 پايىزدان 2016 – جىلعى 4.5 پايىزعا ءتۇسىپ، 5.7 پايىز تومەندەدى.
[كوكەيتەستى ءۇشىنشى ءتۇيىن] قامداۋ جاعىنداعى رەفورما: شىعار جولدى ايقىنداپ، «ءتورت ءىرى بايلانىستى» ويداعىداي ءبىرجاقتىلى ەتۋ
اقپارات توركىنى: 2015 – جىلدىڭ سوڭىندا قامداۋ جاعىنداعى رەفورما كۇن تارتىپكە ەنگىزىلدى. 2016 – جىلى قامداۋ جاعىنداعى رەفورمانىڭ ماڭىزدىلىعى، شۇعىلدىعى كورنەكتىلەنە ءتۇستى، ناتيجەمىزدى جۇرت كورىپ – ءبىلىپ وتىر: بولات – تەمىر، كومىر كاسىبىندە وندىرىستىك قۋاتتى ىقشامداۋ جاعىندا جىلدىق مىندەتتى اسىرا ورىندادىق، تاۋار ۇيلەردىڭ ىركۋلى قورى ۇزدىكسىز ازايدى، نارىقتاسقان قارىزدى جارناعا اينالدىرۋ جانە كاسىپورىنداردى بىرىكتىرۋ مەن قايتا قۇرۋ تارتىپپەن جۇرگىزىلۋدە، ناقتى ەكونوميكانىڭ قۇنى ءسال تومەندەدى، ءتۇيىندى سالالاردا ۇرىمتال تۇستاردى بەكەمدەۋ قىزمەتىندە ويداعىداي ناتيجەلەرگە قول جەتكىزدىك.
[كوكەيتەستى ءتورتىنشى ءتۇيىن] اكىمشىلىكتى ىقشامداپ، ۇقىقتى تومەندەگىلەرگە بەرۋ: كەمەلدى باقىلاپ – باسقارۋدى ىلگەرىلەتىپ، ساۋدا – ساتتىق قۇنىن تومەندەتۋ
اقپارات توركىنى: اكىمشىلىكتى ىقشامداپ، ۇقىقتى تومەندەگىلەرگە بەرۋ قىزمەتى 2013 – جىلدان بەرگى 5 جىلدا مەملەكەتتىك كەڭەس ءتۇيىندى ورنالاستىراتىن قىزمەتتەردىڭ ءبىرى بولىپ كەلدى. مۇنان سىرت، 2014 – جىلدان 2016 – جىلعا دەيىن ۇكىمەت قىزمەتىنەن باياندامادا اكىمشىلىكتى ىقشامداپ، ۇقىقتى تومەندەگىلەرگە بەرۋگە قاتىستى مازمۇندار مول بولدى. تەكسەرىپ - بەكىتۋ مەن ۇقىقتى ءتارتىپتى تۇردە تومەندەگىلەرگە بەرۋ شارالارى نارىقتىڭ ومىرشەڭدىك قۋاتى مەن قوعامداعى جاڭالىق جاراتۋ قۋاتىنا سەرپىن بەردى.
[كوكەيتەستى بەسىنشىءتۇيىن] كىرىس ءبولىنسى: كىرىستىڭ ارتۋىن ورنىقتىرىپ، پارىقتى ازايتۋ
اقپارات توركىنى: «13 – بەسجىلدىق» جوسپارعا ساي، 2020 – جىلى قالا – اۋىل تۇرعىندارىنىڭ كىسى باسىنا شاققانداعى كىرىسى ورتا ەسەپپەن 2010 – جىلداعىدان ەكى ەسەلەنەدى. كىرىس ءبولىنىسىن كەمەلدەندىرىپ، كىرىس پارقىن ازايتۋ ــ تۇتىنۋدىڭ ارتۋىن جەبەپ، قوعامدىق تەڭدىكتى ايگىلەۋدىڭ نەگىزى. باجى رەفورماسى، زەينەتكەرلىك قامسىزداندىرۋىن رەتكە سالۋ، قوعامدىق قامسىزداندىرۋ قاراجاتى قاتارلى بۇقارانىڭ «اقشا قاپشىعىنا» ساياتىن حالىق تۇرمىسىنا قاتىستى ساياساتتار بيىلعى ەكى ماجىلىستە جۇرت نازار اۋداراتىن تاقىرىپتار بولادى.
[كوكەيتەستى التىنشى ءتۇيىن] ورتانى وڭالتۋ: ورتانى قورعاۋدى باقىلاۋ كۇشەيتىلىپ، زالالسىز دامۋدى ىلگەرىلەتۋ
اقپارات توركىنى: بيىل مەملەكەت بويىنشا جەر - جەردەگى ەكى ماجىلىستە ولكە، قالالار لاستانۋدى وڭالتۋ قىزمەتىن نەگىزگى نىسانالىق مىندەت دەپ سانادى. 2017 – جىلعى مەملەكەتتىك ورتانى قورعاۋ قىزمەتى جونىندەگى ماجىلىستە ورتانى قورعاۋ مينيسترى چىن جينيڭ: 2017 – جىلى ورتالىقتىڭ ورتانى قورعاۋ جاعدايىن باقىلاۋ قىزمەتى بۇكىل ەلىمىزدى قامتيدى. قازىرگى ورتانىڭ جاعدايىنا باعىتتاي وتىرىپ، ەكى ماجىلىستە ورتانى قورعاۋعا قاتىستى قانداي مىندەتتەر ايقىندالادى؟ مىنە بۇل ۋاكىلدەر مەن مۇشەلەردىڭ جانە جاماعاتتىڭ نازارىن اۋدارىپ وتىر.
[كوكەيتەستى جەتىنشى ءتۇيىن] شىرىكتەسۋگە قارسى كۇرەس: باسىپ ءتۇسۋ جاعدايى قالىپتاستى، ۋاقىتتىق شەشىم ەتۋدەن تۇبىرىنەن وڭالتۋعا قاراي قادام تاستايمىز
اقپارات توركىنى: 2016 – جىلى بۇكىل ەلىمىزدەگى ءتارتىپ تەكسەرۋ – باقىلاۋ تاراۋلارى 100 مىڭ 500 ادامعا ءتارتىپ – ءتۇزىم بويىنشا جازا بەردى، تارتىپكە اۋىر دارەجەدە قايشىلىق جاساپ، زاڭعا قايشىلىق جاساۋ كۇمانىن تۋدىرعان 11 مىڭ ادامنىڭ ءىسىن ءادىليا تاراۋلارىنا تاپسىرىپ بەردى. پارتيا 18 – كەزەكتى ورتالىق كوميتەتى ءتارتىپ تەكسەرۋ كوميتەتىنىڭ 7 – جالپى ماجىلىسىندە مىناداي اتاپ كورسەتىلدى: پارتيانىڭ 4 جىل قۇلشىنۋىنىڭ ارقاسىندا، شىرىكتەسۋدىڭ ءورشۋى ءونىمدى تەجەلدى، شىرىكتەسۋگە قارسى كۇرەستە باسىپ ءتۇسۋ جاعدايى قالىپتاستى. 2017 – جىلى شىرىكتەسۋگە قارسى كۇرەستىڭ پارمەنى باسەيمەيدى، قارقىنى باياۋلامايدى، قىسىم كورسەتۋ اۋقىمى ساقتالادى.
[كوكەيتەستى سەگىزىنشى ءتۇيىن] قورا – جاي سالاسىن باسقارۋ: «تۇرارجايدى ساۋدا ءۇشىن ەمەس، باسپانا ءۇشىن پايدالانامىز» دەگەن ايتىلىم تياناقتاندىرىلادى
اقپارات توركىنى: 2016 – جىلى كوپ جەردە ءۇي باعاسى كۇرت جوعارىلادى، ءۇي باعاسى قاتتى جوعارىلاعان قالالار كوپ رەت تەجەۋ شارالارىن قولداندى. 2016 – جىلدىڭ سوڭىندا ورتالىقتىڭ ەكونوميكالىق قىزمەت جونىندەگى ماجىلىسىندە «تۇرارجايدى ساۋداعا سالۋ ءۇشىن ەمەس، باسپاناعا پايدالانامىز» دەگەن ايتىلىم ورتاعا قويىلدى. ۇرىمتال تۇستا ايتىلعان وسى «اسىل ءسوز» جۋىردا اشىلعان جەرگىلىكتى ەكى ماجىلىستەردە كوپ جەردىڭ ۇكىمەت قىزمەتىنەن بايانداماسىنا جازىلدى. توردوستار «ءۇي باعاسى» بيىلعى ەكى ماجىلىستە حالىق تۇرمىسىنا ساياتىن نازار اۋدارارلىق تۇيىنگە اينالادى دەپ قارادى. مەملەكەتتىك ەكى ماجىلىستە قورا – جاي نارىعىنا قاتىستى قانداي سەگنالدار بەرىلەر ەكەن.
[كوكەيتەستى توعىزىنشى ءتۇيىن] ازاماتتىق زاڭ جالپى ەرەجەسى: جۇڭگوشا ەرەكشەلىكتى ايگىلەپ، قوعام نازار اۋدارىپ وتىرعان تۇيىندەرگە جاۋاپ قايتارۋ
اقپارات توركىنى: پارتيانىڭ 18 – كەزەكتى كوميتەتىنىڭ 4 – جالپى ماجىلىسىندە ازاماتتىق زاڭنامانى قۇراستىرۋ تۋرالى قاۋلى قابىلدانعاننان، ازاماتتىق زاڭ جالپى ەرەجەسى (جوبا نۇسقا) الدا مەملەكەتتىك حالىق قۇرىلتايىندا قاراۋعا بەرىلۋگە دەيىن، وتكەن 2 جىلدا جۇڭگولىق ەرەكشەلىككە يە، داۋىرلىك ەرەكشەلىككە ۇيلەسەتىن، جاماعاتتىڭ ۇمىتىنە ساي كەلەتىن ازاماتتىق زاڭنامانىڭ جۇيەلىك سۇلباسى ۇزدىكسىز ايقىندالىپ كەلەدى. مەملەكەتتىك حالىق قۇرىلتايى تۇراقتى كوميتەتىندەگى مۇشەلەردىڭ ايتۋىنشا، جوبانىڭ 3 – رەت قاراۋعا بەرىلەتىن نۇسقاسىندا نەگىزگى ازاماتتىق ىستەر زاڭناماسى جالپى بەتتىك بەلگىلەنىپ، قوعام نازار اۋدارىپ وتىرعان تۇيىندەرگە بەلسەندى تۇردە جاۋاپ قايتارىلدى، ول ەلىمىزدىڭ ءىس جۇزىندىك تالابىنا ۇيلەسەدى، جالپى جاقتان ءبىرشاما تولىسقان زاڭناما ەسەپتەلەدى.
[كوكەيتەستى ونىنشى ءتۇيىن] زەينەتكە شىعۋ جاسىن كەيىنگە سوزۋ: اتقارىلاتىن جوباسى ساقاداي ساي تۇر، يكەمدى قولدانۋ جاعىندا ءالى دە قۇنتتاي قاراۋدى قاجەت ەتەدى
اقپارات توركىنى: ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ ساندى مالىمەتتەرىنە قاراعاندا، 2015 – جىلدىڭ سوڭىندا قالا – قالاشىقتارداعى جۇمىسشى – قىزمەتكەرلەردىڭ زەينەتكەرلىك قامسىزداندىرۋىنا يە بولۋ سالىستىرماسى 2.87 : 1 بولعان، ناقتاپ ايتقاندا، ورتا ەسەپپەن 3كە جەتپەيتىن قىزمەتكەر زەينەتكە شىققان ءبىر ادامدى باعادى، 2011 – جىلى بۇل سالىستىرما 3.08 : 1 بولاتىن. «13 – بەسجىلدىق» جوسپاردا زەينەتكەرلىك جاسىن كەيىنگە سوزۋدا بىرتىندەپ ىسكە اسىرىلاتىن ساياساتتى ورتاعا قويۋ انىق بەلگىلەنگەن. بىلتىرعى ەكى ماجىلىستە ەڭبەككۇش بايلىعى جانە قوعامدىق قامتاماسىزداندىرۋ مينيسترى يىن ۋەيمين دە زەينەتكە شىعۋ جاسىن كەيىنگە سوزۋ جوباسىن قاتىستى تارتىپتەر بويىنشا بەكىتۋدەن وتكىزىلگەننەن كەيىن جاريالاپ، قوعامنىڭ ءار سالاسىنان پىكىر الاتىنىن، كەمەلدەنگەننەن كەيىن اتقاراتىنىن ايتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
