بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ليۋ بينجيە: ازىق – تۇلىك حاۋىپسىزدىگىن باقىلاۋدا قوعام ورتاق وڭاۋ جاعدايى نەگىزىنەن قالىپتاستى

2017.03.11 14:07     كەلۋ قاينارى : حالىق تورابى

  حالىق تورابى، 10 – ناۋرىز، بەيجيڭ (حالىق تورابىنىڭ ءماجىلىس حابارلارى گرۋپپاسى). بۇگىن تۇستەن بۇرىن مەملەكەتتىك 12 - كەزەكتى حالىق قۇرىلتايىنىڭ 5 – ءماجىلىسى تىلشىلەردى قابىلداۋ جينالىسىن وتكىزدى، مەملەكەتتىك حالىق قۇرىلتايى وقۋ – اعارتۋ، عىلىم – تەحنيكا، مادەنيەت، دەنساۋلىق ساقتاۋ كوميتەتىنىڭ مەڭگەرۋشىسى مۇشەسى ليۋ بينجيە، ىشكى ىستەر ـ ءادىليا كوميتەتىنىڭ ورىنباسار مەڭگەرۋشى مۇشەسى ۋاڭ شىڭميڭ، قازىنا – ەكونوميكا كوميتەتىنىڭ ورىنباسار مەڭگەرۋشى مۇشەسى يىن جۇڭچيڭ، ورتا جانە بايلىقتى قورعاۋ كوميتەتىنىڭ ورىنباسار مەڭگەرۋشى مۇشەسى يۋانسى، مەملەكەتتىك حالىق قۇرىلتايى تۇراقتى كوميتەتى مەجە ەسەپ قىزمەت كوميتەتىنىڭ ورىنباسار مەڭگەرۋشىسى ليۋ شيۋۋىن، مەملەكەتتىك حالىق قۇرىلتايى تۇراقتى كوميتەتى كەڭسەسى حاتشىلار مەكەمەسىنىڭ شارلاۋشىسى فۋ ۋىنجيە «حالىق قۇرىلتايىنىڭ باقىلاۋ قىزمەتىندەگى» قاتىستى ماسەلەلەر جونىنەن جۇڭگولىق، شەتەلدىك تىلشىلەردىڭ سۇراۋلارىنا جاۋاپ قايتاردى.

  «مەملەكەتتىك حالىق قۇرىلتايى وتكەن جىلى ازىق – تۇلىك حاۋىپسىزدىگى زاڭىنىڭ اتقارىلۋ جاعدايىنا زاڭنىڭ اتقارىلۋى تۇرعىسىنان جۇرگىزگەن تەكسەرۋىنىڭ ناتيجەسى قالاي بولدى؟» دەگەن سۇراققا مەملەكەتتىك حالىق قۇرىلتايى وقۋ – اعارتۋ، عىلىم – تەحنيكا، مادەنيەت، دەنساۋلىق ساقتاۋ كوميتەتىنىڭ مەڭگەرۋشىسى مۇشەسى، ۋاكىل ليۋ بينجيە بىلاي دەدى: بۇل رەتكى تەكسەرۋ حالىق قۇرىلتايىنىڭ زاڭنىڭ اتقارىلۋىن تەكسەرۋىنەن بەرگى ولشەمى ەڭ جوعارى، كولەمى ەڭ ۇلكەن، جاسامپازدىعى ەڭ كوپ ءبىر رەتكى زاڭنىڭ اتقارىلۋىن تەكسەرۋى بولدى. كوميتەت باستىعى جاڭ دىجياڭ تەكسەرۋ گرۋپپاسىن تىكەلەي باستاپ اتىز، اس ۇستەلى، وقۋشىلار اسحاناسى، ساپا تەكسەرۋ قۇرىلىمى، ازىق – تۇلىك مانەرلەۋ زاۆودى سىندى جالپى تىزبەككە تەكسەرۋ جۇرگىزدى. ليۋ بينجيە مىنانى اتاپ كورسەتتى: وسى رەتكى زاڭنىڭ اتقارىلۋىن تەكسەرۋ ارقىلى ازىق – تۇلىك حاۋىپسىزدىگىن باقىلاۋدا قوعام ورتاق وڭاۋ جاعدايىن نەگىزىنەن قالىپتاستىرۋ ىلگەرىلەتىلدى.

  ليۋ بينجيە زاڭنىڭ اتقارىلۋىن تەكسەرۋدىڭ ونىمدىلىگىن مىناداي بىرنەشە جاقتان ايتىپ بەردى:

  ءبىرىنشى، وسى زاڭ زور كۇشپەن ۇگىتتەلىپ، جالپىلاستىرىلدى. ازىق – تۇلىك زاڭىنا وزگەرىس ەنگىزىلىپ ءبىر جىل بولماي جاتىپ زاڭنىڭ اتقارىلۋىنا تەكسەرۋ جۇرگىزىلدى، مۇندا وسى زاڭنىڭ ىشكەرىلەي دايەكتىلەنۋىن جەبەۋ ماقسات ەتىلگەن.

  ەكىنشى، ازىق – تۇلىك حاۋىپسىزدىگى ءتۇزىمىنىڭ ىشكەرىلەي كەمەلدەنۋى ىلگەرىلەتىلدى. ۇساق ازىق – تۇلىك، شاعىن مانەرلەۋ ورنى، شاعىن جايما، الەۋمەتتىك اسحانا سياقتى ناقتى ازىق – تۇلىكپەن قامداۋ ورىندارى تۇگەلدەي وسى زاڭ بويىنشا بەلگىلەمە، ءتۇزىمدى كەمەلدەندىردى.

  ءۇشىنشى، كەيبىر كورنەكتى ماسەلەلەردى ۇعىستىق، مىسالى، جۇڭگو ازىق – تۇلىگىنىڭ ولشەم ماسەلەسى، جۇڭگونىڭ ازىق – تۇلىكپەن قامداۋ تىزبەگىندەگى توڭازىتىپ ساقتاۋ تىزبەگى ماسەلەسى. وسى رەتكى تەكسەرۋدە كورنەكتى ماسەلەلەر شەشىلدى.

  ءتورتىنشى، باسقارۋ كۇشەيتىلدى. مەملەكەتتىك حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ بارىسىندا قازىر نەگىزگى ساتىدا كورىنىستە زاڭ اتقارۋشىلاردىڭ كوپ ەكەنىن، امالياتتا ازىق – تۇلىك تەكسەرەتىندەردىڭ از ەكەنىن اڭعاردى. حالىق قۇرىلتايى تۇراقتى كوميتەتى نەگىزگى ساتىلار ازىق – تۇلىك، ءدارى – دارمەك زاڭ اتقارۋشىلارىنىڭ جەتكىلىكتى بولۋىن، ءسوزسىز، قامتاماسىزداندىرۋى كەرەك دەگەندى دەر شاعىندا ورتاعا قويدى، مەملەكەتتىڭ ارناۋلى تاراۋلارى جانە جەرگىلىكتى ورىندار ارقىلى ازىق – تۇلىك باقىلاپ – باسقارۋ تەبىنىن كۇشەيتتى، نەگىزگى ساتىنىڭ باقىلاپ – باسقارۋ بۋىنىنداعى ماسەلەلەردى شەشتى.

  بەسىنشى، قوعام ورتاق وڭاۋ جاعدايىنىڭ قالىپتاسۋىن ىلگەرىلەتتى. ازىق – تۇلىك حاۋىپسىزدىگى بارلىق ادامدى، بارلىق وتباسىنى، بارلىق كاسىپتى شارپيدى، مەملەكەتتىڭ 20 نەشە تاراۋىنا سايادى، قازىر قوعام ورتاق وڭاۋ جاعدايى قالىپتاستى. مەملەكەتتىك كەڭەستىڭ ازىق – تۇلىك حاۋىپسىزدىگى كەڭسەسىنىڭ سايكەستىرۋىمەن ونداعان تاراۋ قاتىناسىپ، ازىق – تۇلىكتى باقىلاۋدا ازىق – تۇلىك ماتەريالىن وندىرۋدەن، اۋىل شارۋاشىلىق تاراۋىنان، سۋ ونىمدەرى تاراۋىنان، ورمانشىلىق تاراۋىنان تاسىمالداپ، مانەرلەۋ بارىسىنا دەيىن، ونان ازىق – تۇلىكپەن قامداۋعا دەيىن ورتاق وڭاۋ جاعدايىن قالىپتاستىردى. مۇنىڭ ىشىندەگى ءارقايسى بۋىن تۇگەلدەي باقىلاپ - باسقارۋ كولەمىنە ەنگىزىلىپ، بۇكىل ەل حالقىنىڭ ازىق – تۇلىكتى الاڭسىز تۇتىنۋى قامتاماسىزداندىرىلدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار