بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

«ءبىر بەلدەۋ، ءبىر جول» قۇرىلىسىن كوركەيتۋ جولىندا ءتىل كوپىرىن سالايىق

2017.04.17 13:32     كەلۋ قاينارى : حالىق تورابى

  «ءبىر بەلدەۋ، ءبىر جول» قۇرىلىسىن ىشكەرىلەي ىلگەرىلەتۋ ءۇشىن جان – جاقتىلى ناقتى قىزمەتتەر ىستەپ، ساياساتتىق جاقتان سايكەسۋ، قۇرىعىلاردى تۇتاستىرۋ، ساۋدانى كەدەرگىسىزدەندىرۋ، اقشا اينالىمىن ىركىلىسسىزدەندىرۋ، حالىق تىلەگىن توعىستىرۋدى ىسكە اسىرۋ كەرەك. ءتىل كوپىرى «بەستى توعىستىرۋدى» ىسكە اسىرۋدىڭ العى شارتى مەن نەگىزى ەسەپتەلەدى. «ءبىر بەلدەۋ، ءبىر جول» بويىنداعى مەملەكەتتەر مەن ۇلتتار ءتۇرلى تىلدەردى پايدالانادى، مادەنيەت جاعىنداعى پارقى دا ءبىرشاما زور. سوندىقتان، ءتىل جاعىندا ءوزارا توعىسۋدى كۇشەيتىپ، ەلىمىزدىڭ ءتىل جاعىنداعى قابىلەتىن ارتتىرىپ، «ءبىر بەلدەۋ، ءبىر جول» قۇرىلىسىنا ءتىل كوپىرىن سالۋىمىز كەرەك.

  مەملەكەتتىك دەڭگەيدە ءتىل جاعىنان توعىسۋ جوسپارىن جاساۋ كەرەك. «ءبىر بەلدەۋ، ءبىر جول» بويىنداعى مەملەكەتتەر پايدالاناتىن ۇكىمەتتىك تىلدەر 60قا جۋىق، بۇل تىلدەردىڭ كوبى حالىقارادا جيى قولدانىلاتىن تىلدەر ەمەس. مۇنىمەن سالىستىرعاندا، ەلىمىزدىڭ جوعارى مەكتەپتەرىندە اشىلعان شەتەل ءتىلى كاسىپتەرى نەگىزىنەن اعىلشىن، فرانسۋز، ورىس، يسپان، اراب، نەمىس، جاپون تىلدەرى بولىپ، كوپتەگەن تىلدەر جوعارى مەكتەپتە كاسىپ رەتىندە قوسىلماعان. كەيبىر تىلدەر كاسىپ رەتىندە قوسىلعان بولسا دا، دارىندىلار كەمشىل. ەلىمىز بۇل مەملەكەتتەرمەن اعىلشىن ءتىلى سىندى جيى قولدانىلاتىن تىلدەر ارقىلى اۋىس – كۇيىس جاساي الادى دەسەك تە، باتىستىڭ ءتىل جۇيەسىنىڭ كەرى ىقپالىنا وڭاي ۇشىرايمىز. سوندىقتان، مەملەكەتتىك دەڭگەيدە ءتىل جاعىنان توعىسۋ جوسپارىن جاساپ، جوعارى مەكتەپتەردى ۇيلەسىمدى دە ءتارتىپتى تۇردە، ءبىر – ءبىرىن تولىقتاۋ نەگىزىندە «ءبىر بەلدەۋ، ءبىر جول» بويىنداعى مەملەكەتتەردىڭ تىلدەرىن وقىتۋعا شابىتتاندىرۋىمىز كەرەك؛ حالىقارادا جيى قولدانىلمايتىن تىلدەرگە دارىندىلاردى تاربيەلەۋگە ارنايى قاراجات ءبولىپ، وسى تىلدەرگە دارىندىلار تاربيەلەۋگە ارنالعان ارناۋلى وقۋشى قابىلداۋ ساياساتتارىن بەلگىلەۋ كەرەك.

  ءتىل حاۋىپسىزدىگى ورەسىن جوعارىلاتۋ كەرەك. ءتىل حاۋىپسىزدىگى دەگەندە ءتىل – جازۋ مەن ونى پايدالانۋدا مەملەكەت پەن قوعام ورنىقتىلىعىنىڭ، دامۋىنىڭ قاجەتىن قاناعاتتاندىرىپ، مەملەكەت پەن قوعامنىڭ حاۋىپسىزدىگىنە ىقپال ەتەتىن ماسەلەنىڭ تۋىلماۋىن كورسەتەدى. ءتىل حاۋىپسىزدىگى ەكونوميكالىق حاۋىپسىزدىك، اسكەري حاۋىپسىزدىك سياقتى مەملەكەتتىڭ حاۋىپسىزدىگىنە تىكەلەي ىقپال ەتپەسە دە، كومەسكى، ۇزاق مەرزىمدىك، نەگىزدىك سيپاتتى ىقپال جاسايدى.

  «ءبىر بەلدەۋ، ءبىر جول» قۇرىلىسىنىڭ ىشكەرىلەي ىلگەرىلەتىلۋى مەن ەلىمىز كاسىپورىندارىنىڭ سىرتقا قادام تاستاۋ اياق الىسىنىڭ جەدەلدەۋىنە ىلەسە، ەلىمىزدىڭ ءتىل حاۋىپسىزدىگى جاعدايى اناعۇرلىم قاتاڭ سىناققا ءدۇپ كەلۋدە. سوندىقتان، «ءبىر بەلدەۋ، ءبىر جول» بويىنداعى مەملەكەتتەردىڭ ءتىلى مەن مادەنيەتىنىڭ قازىرگى جاعدايىن كۇش سالا زەرتتەۋىمىز قاجەت؛ ءتۇرلى تىلدەردى قامتىعان ءتىل حاۋىپسىزدىگىنە قاتىستى ينفورماتسيالىق قامبا قۇرۋىمىز، ءتىل حاۋىپسىزدىگى تۋرالى ساقتىق ينفورماتسياسىن دەر كەزىندە جاريالاپ وتىرۋىمىز كەرەك؛ ءتىل حاۋىپسىزدىگىنە قاتىستى شۇعىل جاعدايلارعا توتەپ بەرۋ جانە قۇتقارۋ مەحانيزمىن ورناتۋىمىز كەرەك؛ شەكارا اتتاعان تىلدەردى نازاريا جانە اماليات سىندى ەكى جاقتان زەرتتەۋىمىز كەرەك؛ «ءبىر بەلدەۋ، ءبىر جول» بويىنداعى مەملەكەتتەردىڭ ەل رايىن ويداعىداي باقىلاپ، كومەسكى حاۋىپكە نازار اۋدارىپ وتىرۋىمىز كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار