سىناق ءتۇيىنى مەن ەمدەۋ قامسىزداندىرۋى بىرىكتىرىلىپ اتقارىلسا، تۋىت قامسىزداندىرۋى قالاي رەتتەلەدى
«حالىق گازەتىنىڭ» ءتىلشىسى باي تيانلياڭ
2017.05.03 14:38 كەلۋ قاينارى : حالىق تورابى
بيىل اقپاندا مەملەكەتتىك كەڭەس كەڭسەسى «تۋىت قامسىزداندىرۋى مەن جۇمىسشى – قىزمەتكەرلەردىڭ نەگىزدىك ەمدەۋ قامسىزداندىرۋىن بىرىكتىرىپ اتقارۋ سىناق ءتۇيىن جوباسىن» باسىپ تاراتىپ، قامسىزداندىرۋ ءتۇرىن، قامتاماسىزداندىرۋ مامىلەسىن ساقتاپ قالۋ، ءبىر تۇتاس باسقارۋ، وزىندىك قۇندى تومەندەتۋ وي جەلىسى بويىنشا، حىبەي ولكەسىنىڭ حاندان قالاسى سىندى 12 قالادا ەكى ءتۇرلى قامسىزداندىرۋدى بىرىكتىرۋدىڭ سىناق ءتۇيىنىن اتقارۋدى ورىستەتكەن بولاتىن. وسى سىناق ءتۇيىنى 2017 – جىلى ماۋسىم ايىنىڭ سوڭىنان بۇرىن اتقارىلادى، مەرزىمى ءبىر جىل اينالاسىندا.
قامسىزداندىرۋ ءتۇرى كۇشىنەن قالعانىمەن، يگىلىكتەنەتىن مامىلە وزگەرمەيدى
ادام كۇشى بايلىعى جانە قوعامدىق قامتاماسىزداندىرۋ مينيسترلىگى ەمدەۋ قامسىزداندىرۋى مەڭگەرمەسىنىڭ ورىنباسار باستىعى يان چيڭحۇي: «تۋىت قامسىزداندىرۋى مەن ەمدەۋ قامسىزداندىرۋىنىڭ بىرىكتىرىلىپ اتقارىلۋى، تۋىت قامسىزداندىرۋى مامىلەسىنىڭ ورەسىنە ىقپال كورسەتپەيدى» دەپ تانىستىرىپ، قامسىزداندىرۋعا قاتىناسقانداردى الاڭسىز ەتتى.
«بىرىكتىرىپ اتقارۋ دەگەندىك تۋىت قامسىزداندىرۋىنىڭ كۇشىنەن قالعاندىعىنان دەرەك بەرمەيدى» دەپ باسا دارىپتەدى يان چيڭحۇي، تۋىت قامسىزداندىرۋى مەن ەمدەۋ قامسىزداندىرۋىن سالىستىرعاندا، ءار ەكەۋىنىڭ ۇقسامايتىن قىزمەت رولى جانە قامتاماسىزداندىرۋ ساياساتى بار. تۋىت قامسىزداندىرۋى ايەلدەردىڭ تەپە – تەڭدىگىن، كاسىپتەنۋىن، ۇقىق – مۇددەسىن جانە ايەل جۇمىسشى – قىزمەتكەرلەردىڭ ەڭبەگىن قورعايتىن ەرەكشە يقۋاتقا يە؛ تۋىت قامسىزداندىرۋى قاراجاتىن جەكە ادامنىڭ تاپسىرۋى قاجەتسىز بولىپ، بۇندا ادام ىستەتۋشىنىڭ جاۋاپكەرشىلىگى ايگىلەنەدى؛ تۋىت قامسىزداندىرۋى مامىلەسى ەمدەۋ قاراجاتىنان سىرت، تاعى تۋىت جاردەم قاراجاتى دا بار، بۇنىڭ ءبارىن باسقا قامسىزداندىرۋ تۇرلەرى ورنىن باسا المايدى. تۋىت قامسىزداندىرۋى ءبىر ءتۇرلى قوعامدىق قامسىزداندىرۋ ءتۇرى بولۋ سيپاتىمەن، جالعاستى ساقتالىپ قالىنادى.
سول ءۇشىن، وسى رەتكى بىرىكتىرىلۋ سىناق ءتۇيىنىنىڭ اتقارىلۋى تۋىت قامسىزداندىرۋى مامىلەسى ساياساتىنىڭ رەتتەلۋىن شارپىمايدى، جۇمىسشى – قىزمەتكەرلەردىڭ تۋىت مەزگىلىندەگى تۋىت قامسىزداندىرۋى مامىلەسى دە وزگەرمەيدى، ەڭ نەگىزگىسى، مامىلە قاراجاتى كەمەيمەيدى.
تۋىت ەمدەلۋ قاراجاتى ەسەپتەن كوتەرىلىپ قانا قالماي، تۋىت جاردەم قاراجاتى دا ەسەپتەن كوتەرىلەدى
قامسىزداندىرۋعا قاتىناسقان كوپ ساندى جۇمىسشى – قىزمەتكەرلەردىڭ ەڭ الدىمەن ويلايتىنى تۋىت مەزگىلىندەگى ەمدەۋ قاراجاتى. تۋىت ەمدەۋ قاراجاتى ايەل جۇمىسشى – قىزمەتكەرلەردىڭ جۇكتى بولۋ، بوسانۋ بايلانىسىمەن جۇمساعان تەكسەرۋ اقىسى، بوساندىرۋ اقىسى، وپەراتسيا اقىسى، شيپاحانادا جاتۋ اقىسى، ءدارى – دارمەك اقىسى جانە جوسپارلى تۋىت وپەراتسياسى اقىسى سياقتىلاردى قامتىپ، تۋىت قامسىزداندىرۋى مامىلەسىنىڭ ماڭىزدى قۇرامداس بولىمدەرى سانالادى.
الايدا، شىعىمى زور ءبىر ءتۇر تۋىت جاردەم قاراجاتى بولىپ، مەملەكەتتىڭ قاتىستى زاڭ – ەرەجەلەرىندەگى بەلگىلەمەگە ساي، كاسىپتىك ايەلدەرگە بوسانۋ سەبەبىنەن قىزمەت ورنىنا شىقپاعان مەزگىلدە بەرىلەتىن تۇرمىستىق قاراجاتقا قاراتىلىپ، ول جالپى تۋىت قامسىزداندىرۋى قورى كىرىس – شىعىسىنىڭ ٪60 تەن استامىن ۇستايدى. تۋىت جاردەم قاراجاتى ەڭبەكاقى كىرىسىنىڭ ورنىن باسىپ، قور ولشەمى سول مەكەمەنىڭ الدىڭعى جىلعى جۇمىسشى – قىزمەتكەرلەردىڭ ايلىق ورتاشا ەڭبەكاقى ولشەمى بويىنشا شىعىس ەتىلەدى، شىعىس ەتىلۋ ۋاقىتى، ادەتتە، تۋىت دەمالىسى ۋاقىتىمەن بىردەي بولىپ، 90 كۇننەن كەم بولمايدى.
قور ورنىقتى اينالىسقا ءتۇستى، قامتۋ كولەمى كەڭەيتىلگەننەن كەيىن ءتىپتى دە كەمەلدى بولماق
ۇعىسۋعا قاراعاندا، تۋىت قامسىزداندىرۋى سوڭعى جىلداردان بەرى ورنىقتى اينالىسقا ءتۇسىپ، تالاي مەزگىلدەردەن بەرى كىرىس شىعىستان مول بولىپ، ۇنەمدەلگەن اقشا ءبىرشاما جەتكىلىكتى بولعان. بۇندا 2015 – جىلى تۇتاس جىلدا رەت سانى بويىنشا 6 ميلليون 420 مىڭ ادام تۋىت قامسىزداندىرۋى مامىلەسىنەن يگىلىكتەنىپ، تۇتاس جىلداعى تۋىت قامسىزداندىرۋى قورىنىڭ كىرىسى 50 ميلليارد 200 ميلليون يۋانعا جەتسە، شىعىس 41 ميلليارد 100 ميلليون يۋان بولىپ، وتكەن جىلعى ۇقساس مەزگىلدەگىدەن جەكە – جەكە ٪12.5 جانە ٪11.8 ارتقان. ال 2014 – جىلى تۇتاس جىلدا رەت سانى بويىنشا 6 ميلليون 130 مىڭ ادام تۋىت قامسىزداندىرۋى مامىلەسىنەن يگىلىكتەنىپ، تۇتاس جىلداعى تۋىت قامسىزداندىرۋى قورىنىڭ كىرىسى 44 ميلليارد 600 ميلليون يۋانعا جەتسە، شىعىس 36 ميلليارد 800 ميلليون يۋان بولىپ، وتكەن جىلعى ۇقساس مەزگىلدەگىدەن جەكە – جەكە ٪21.1 جانە ٪30.2 ارتقان.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
