مەملەكەتتىك ءدارى – دارمەك، ازىق – تۇلىك باقىلاۋ باس مەكەمەسى: قىزعىلت تولقىندى وڭىرلەردىڭ جۇمساق دەنەلى تەڭىز ونىمدەرىن ابايلاپ تۇتىنىڭىز
وڭتۇستىكتىڭ ءىشىنارا تەڭىز ايدىندارىندا قىزعىلت تولقىن پايدا بولدى، سالدانۋ سيپاتتى جۇمساق دەنەلىلەر زاھارىن پايدا قىلادى
2017.06.12 13:53 كەلۋ قاينارى : حالىق تورابى
«حالىق گازەتى» (ءتىلشى جاڭ شياۋمەي). 11 – ماۋسىمدا مەملەكەتتىك ءدارى –دارمەك، ازىق – تۇلىك باقىلاۋ باس مەكەمەسى رەسمي ۋيچات تەكشەسىندە ەسكەرتۋ تاراتتى. تاياۋ مەزگىلدەردە وڭتۇستىكتىڭ ءىشىنارا تەڭىز ايدىندارىندا قىزعىلت تولقىن پايدا بولدى. قىزعىلت تولقىندى ءتىرى ورگانيزمدەردىڭ ءبىرىنشى ەرەكشەلىگى تىزبەكتى الەكساندر تەڭىز بالدىرى باسىم بولىپ، بۇل بالدىر سالداندىراتىن جۇمساق دەنەلىلەر زاھارىن پايدا قىلادى. جۇمساق دەنەلىلەردىڭ سالداندىراتىن زاھارى وتە كۇشتى بولىپ، قازىرگە دەيىن ۋدى قايتاراتىن ەرەكشە امال تابىلمادى. سول ءۇشىن تۇتىنۋشىلار مەن اس – سۋ كاسىبىمەن اينالىساتىن ورىندار قىزعىلت تولقىن وڭىرلەرىنەن اكەلىنگەن جۇمساق دەنەلىلەردى ساتىپ الۋدان بارىنشا ساق بولعانى ءجون، الدا – جالدا بىلمەي تۇتىنىپ، ۋلانۋ ءجايتى تۋىلسا، دەرەۋ شيپاحاناعا بارۋ كەرەك.
تاياۋ مەزگىلدەردە وڭتۇستىكتىڭ ءىشىنارا تەڭىز ايدىندارىندا قىزعىلت تولقىن پايدا بولدى. قىزعىلت تولقىن پايدا بولعاندا تەڭىز ايدىنى نەمەسە كول بەتى قىزىل تۇسكە ەنەدى، ول __ سۋداعى باكتەريا، قاراپايىم جاندىك جانە قالقىما وسىمدىكتەردىڭ ەرەكشە ورتا شارت – جاعدايىندا شۇعىل سيپاتتى كوبەيۋ نەمەسە جوعارى تىعىزدىقتاعى توپتالۋىنان پايدا بولعان سۋ ءتۇسىنىڭ وزگەرۋ قۇبىلىسى. 8 – ماۋسىمدا فۋجيان ولكەلىك تەڭىز – مۇحيت مالىمەت ستانسياسى ۇكىمەت توراپ بەكەتىندە جاريالانعان «فۋجيان تەڭىز جاعالاۋىندا پايدا بولعان قىزعىلت تولقىن جاعدايىنان بەرىلگەن الدىن الا مالىمەتتە (2017 – جىل 41 – رەتكى)» كورسەتىلۋىنشە، فۋجيان ولكەسىنىڭ قىزعىلت تولقىن اپات رايونىن باقىلاپ – تەكسەرۋ دوكلادىنا قاراعاندا، 6 – ماۋسىمدا چۋانجوۋ شىشى قالاسى مەيلين پورتى ماڭايىنداعى تەڭىز ايدىنىندا (ەسكەرتۋ بەرىلگەن تەڭىز ايدىنى Ⅶ رايونى) قىزعىلت تولقىن بايقالعان، كولەمى شامامەن 2 شارشى كيلومەتر، قىزعىلت تولقىن پايدا بولعان سۋ ايدىنى قانىق قىزىل تۇسكە ەنىپ، ءبىرىڭعاي تارالعان.
تانىستىرۋعا قاراعاندا، قىزعىلت تولقىندى ءتىرى ورگانيزمدەردىڭ ءبىرىنشى ەرەكشەلىگى تىزبەكتى الەكساندر تەڭىز بالدىرى باسىم بولىپ، بۇل بالدىر سالداندىراتىن جۇمساق دەنەلىلەر زاھارىن پايدا قىلادى. سالداندىراتىن جۇمساق دەنەلىلەر زاھارى ەلىمىز تەڭىز – مۇحيتتارىندا بايقالاتىن قىزعىلت تولقىن زاھارلى جاندىكتەرىنىڭ ۇدايىلىق بەلگىسى بولىپ، زاھارى وتە كۇشتى، قازىرگە دەيىن ۋدى قايتاراتىن ەرەكشە امال تابىلمادى. بايقاۋسىزدا زاھارلى جۇمساق دەنەلىلەردى جەسە، ادام دەنەسىنىڭ نەرۆ بۇلشىق ەتتەرى سالدانادى، جەڭىل بولعاندا، ەرىندەرى ۇيۋ، شانشىپ اۋىرسىنۋ، قول – اياعىنىڭ بۇلشىق ەتتەرى سالدانۋ بەلگىلەرى بايقالسا، سالماقتى بولعاندا، تىنىس بۇلشىق ەتتەرى سالدانىپ، ادام ولەدى. جەڭىل توكسين، اۋىر مەتالدان ۋلانۋ جايتتەرى بايقالعاندا، ادام دەنەسى ۋىتتى وزدىگىنەن ىعىستىرىپ شىعارا الادى ەكەن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
