ءبىر توپ زاڭ – ەرەجەلەر 1 – تامىزدان باستاپ اتقارىلادى: بانكەنىڭ 6 ءتۇرلى رەسميەت اقىسى كۇشىنەن قالدىرىلادى
2017.07.31 14:54 كەلۋ قاينارى : حالىق تورابى
«جۇڭحۋا حالىق رەسپۋبليكاسىنىڭ ساناق زاڭى» اتقارىلادى؛ تەمىر جول جۇيەسىندە «اسكەريلەردى زاڭ بويىنشا الدىمەن ويلاستىرۋ» قىزمەتى ورىستەتىلەدى؛ بانكەنىڭ 6 ءتۇرلى رەسميەت اقىسى كۇشىنەن قالدىرىلادى؛ بەيجيڭدە ءبىر كۇندىك ساياحات جەلەۋىمەن زاڭسىزدىققا جول بەرگەن 7 ءتۇرلى ارەكەتكە ەڭ كوپ بولعاندا 100 مىڭ يۋانعا دەيىن اقشالاي ايىپ سالىنادى؛ گۋاڭدۇڭ ولكەسى سۋدى ۇنەمدەپ پايدالانۋ ءادىسناماسىندا پايدالاناتىن سۋدىڭ مولشەرىن بەلگىلەۋ ارقىلى باسقارۋدى تۇراقتاندىرادى؛ حىنان ولكەسى ۋاقىتتىق قىزمەتكەرلەردىڭ زاڭ اتقارۋىن زاڭ ارقىلى ادا – كۇدە تيادى... ءبىر توپ زاڭ – ەرەجەلەر 1 – تامىزدان باستاپ تۇرمىسىمىزعا ىقپال ەتەدى.
«جۇڭحۋا حالىق رەسپۋبليكاسىنىڭ ساناق زاڭىن اتقارۋ ەرەجەسى» 1 – تامىزدان باستاپ اتقارىلادى
وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ ساناق زاڭىن» ءونىمدى تۇردە دايەكتى اتقارىپ، ساناق مالىمەتىنىڭ شىنايىلىعى مەن سەنىمدىلىگىنە اناعۇرلىم كەپىلدىك ەتۋ ءۇشىن، مەملەكەتتىك كەڭەس «جۇڭحۋا حالىق رەسپۋبليكاسىنىڭ ساناق زاڭىن اتقارۋ ەرەجەسىن» بەكىتتى، 2017 – جىلى 1 – تامىزدان باستاپ اتقارىلادى. ەرەجەدە نەگىزىنەن تومەندەگى مازمۇندار قامتىلعان: بىرىنشىدەن، ساناق الۋ – تەكسەرۋ قىزمەتىن ءتۇپ قاينارىنان باستاپ رەتكە سالۋ. ەكىنشىدەن، ساناق الۋ – تەكسەرۋ قىزمەتىن ۇيىمداستىرۋ مەن اتقارۋدى كۇشەيتۋ. ۇشىنشىدەن، ساناق ماتەريالدارىن جاريالايتىن نەگىزگى تۇلعانى، ونىڭ ۇقىق كولەمىن، تالاپتاردى انىق تۇراقتاندىرۋ. تورتىنشىدەن، ساناق الۋدا زاڭعا قايشى ارەكەتتەردىڭ جاۋاپكەرشىلىگىن قۋزاستىرۋدى كۇشەيتۋ.
تەمىر جول ارقىلى جولعا شىققان اسكەرلەرگە 1 – تامىزدان باستاپ زاڭ بويىنشا الدىمەن ءمان بەرىلەدى
جۋىردا جۇڭگو تەمىر جول باس سەرىكتەستىگى مەن ورتالىق اسكەري ىستەر كوميتەتىنىڭ ارتقى شەپ قامسىزداندىرۋ ءبولىمى بىرلىكتە ۇقتىرۋ شىعارىپ، اسكەرلەر تەمىر جول ارقىلى جولعا شىققاندا «زاڭ بويىنشا الدىمەن ءمان بەرۋ» قىزمەتىنە ورنالاستىرۋ جاسادى، اسكەرلەر پويەزگە وتىرىپ جولعا شىققاندا اناعۇرلىم قولايلى بولاتىن بولدى.
بانكەنىڭ 6 ءتۇرلى رەسميەت اقىسى كۇشىنەن قالدىرىلادى
قازىر مەملەكەتتىك دامۋ – رەفورما كوميتەتى، بانكە ىستەرىن باقىلاۋ – باسقارۋ كوميتەتى بىرلىكتە ۇقتىرۋ جاريالاپ، 2017 – جىلى 1 – تامىزدان باستاپ، بانكەنىڭ 6 ءتۇرلى رەسميەت اقىسىن كۇشىنەن قالدىرۋدى جاريالادى. ۇقتىرۋدا مىنالار بەلگىلەنگەن: 2017 – جىلى 1 – تامىزدان باستاپ، جەكەلەردىڭ كارتۋچكا بىتىرگەن بانكەنىڭ سىرت جەردەگى تەكشەسىنەن اقشا شىعارعاندا تولەيتىن رەسميەت اقىسى كۇشىنەن قالدىرىلادى، كاسسالىق شەك پەن سچوت اقىسى، جوعالعانىن تىركەتۋ اقىسى، وزىندىك قۇن اقىسى سىندى 6 ءتۇرلى اقىنى الۋدى ۋاقىتتىق توقتاتادى، ءارقايسى ساۋدالىق بانكەلەر ءوز ەرىكتەرىمەن تۇتىنۋشىلاردىڭ سول بانكەدەن اشقان بىردەن – ءبىر كارتۋچكاسىنىڭ اككاۋنتتى باسقارۋ اقىسى مەن جىلدىق اقىسىن كەشىرىم ەتۋى كەرەك. قاتىستى شارالار اتقارىلعاننان كەيىن، شامامەن جىلىنا تۇتىنۋشىلاردىڭ 6 ميلليارد 105 ميلليون يۋاندىق اۋىرتپالىعىن جەڭىلدەتۋى مۇمكىن.
بەيجيڭدە ءبىر كۇندىك ساياحاتقا قاتىستى 7 ءتۇرلى زاڭعا قايشى ارەكەتكە ەڭ كوپ بولعاندا 100 مىڭ يۋانعا دەيىن اقشالاي ايىپ سالىنادى
ءبىر كۇندىك ساياحات جارناماسىن ءوز بەتىمەن تاراتۋ، ۇيلەسىمسىز تومەن باعادا ساياحاتشىلاردى زاڭسىز تۇردە باۋراپ الۋ، زات ساتىپ الۋعا شىرعالاۋ تاسىلىمەن زورلاۋ جانە ءتۇسى وزگەرگەن تاسىلدەرمەن زورلاۋ، ساپار جوسپارىن ءوز بەتىمەن وزگەرتۋ سىندى ءبىر كۇندىك ساياحاتقا قاتىستى زاڭسىز ارەكەتتەرگە بۇدان بىلاي قاتاڭ سوققى بەرىلەدى. بەيجيڭ قالالىق 14 – كەزەكتى حالىق قۇرىلتايى تۇراقتى كوميتەتىنىڭ 38 – رەتكى ماجىلىسىندە «بەيجيڭ قالاسىنىڭ ساياحاتتى باسقارۋ ەرەجەسى» ماقۇلداندى، ەرەجە بيىل 1 – تامىزدان باستاپ اتقارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
