حۋاڭ ميڭ: جىل ىشىندە قونىستانۋ كۋالىگى ءتۇزىمىنىڭ تولىق قامتىلۋى جۇزەگە اسىرىلىپ، ناپوسى جوق ادامداردىڭ ناپوسقا قونۋ ماسەلەسى شەشىلەدى
2017.08.07 17:16 كەلۋ قاينارى : حالىق تورابى
حالىق تورابى، 6 – تامىز، بەيجيڭ. قوعام حاۋىپسىزدىگى مينيسترلىگى تورابىنىڭ حابارىنا قاراعاندا، قوعام حاۋىپسىزدىگى مينيسترلىگى 4 – تامىزدا اشقان مەملەكەتتىك اماندىق جۇيەسى بەينە – كەسكىن ماجىلىسىندە، قوعام حاۋىپسىزدىگى مينيسترلىگى پارتكومىنىڭ ورىنباسار شۋجيى، ورىنباسار مينيستر حۋاڭ ميڭ مىنالاردى دارىپتەگەن: جەر – جەردەگى قوعام حاۋىپسىزدىگى ورگاندارى مەملەكەتتىڭ ناپوس ءتۇزىمى رەفورماسىن ىلگەرىلەتۋ تەلەۆيزور – تەلەفون ءماجىلىسىنىڭ رۋحىن مۇقيات ۇيرەنىپ جانە دايەكتىلەندىرىپ، نىسانا، مىندەتتى اناعۇرلىم ايقىنداۋى، قىزمەت ادىستەرىن تاپتەشتەي اتقارىپ، قىزمەت جاۋاپكەرلىگىن ناقتىلاۋى، ناپوستى كوشىرۋ – جوتكەۋ ساياساتىن كەمەلدەندىرۋدى بار كۇشپەن ىلگەرىلەتىپ، قونىستانۋ كۋالىگى ءتۇزىمىنىڭ تولىق قامتۋىن جۇزەگە اسىرۋدى جەدەلدەتۋى، ناپوسى جوق ادامداردىڭ ناپوسقا قونۋ ماسەلەسىن جاپپاي شەشىپ، ازاماتتىق كۋالىكپەن باسقا جەرلەردە جۇمىس ءبىتىرۋ جانە قازا بولعانداردىڭ ناپوستان وشىرىلمەۋىن تەكسەرىپ انىقتاۋ سياقتى بەس ءتۇرلى ءتۇيىندى قىزمەتتى جاقسى ىستەۋى، ناپوس ءتۇزىمى رەفورماسىنىڭ شىنايى تياناقتانۋىنا كەپىلدىك ەتىپ، حالىق بۇقاراسىنىڭ يگىلىكتەنۋ سەزىمى مەن ريزا بولۋ تانىمىن تىنباي جوعارى كوتەرۋى كەرەك.
حۋاڭ ميڭ مىنالاردى تالاپ ەتتى: جەر – جەردەگى قوعام حاۋىپسىزدىگى ورگاندارى ورتالىقتىڭ ساياساتتىق تالابىمەن مۇقيات سالىستىرىپ، قارىز اتقارىلىپ وتىرعان ناپوسقا قوندىرۋ ساياساتىن جاپپاي سارالاپ شىعۋى، ناپوس كوشىرۋ – جوتكەۋ ساياساتىن كەمەلدەندىرۋدى مىقتى يگەرىپ، ءتۇيىندى بۇقارالىق توپتاردى ناپوسقا قوندىرۋدى كۇش سالا ىلگەرىلەتۋى، سىرتتان كوشىپ كەلگەندەردى ناپوسقا قوندىرۋدى بەلسەنە جەبەپ، ناپوس ءتۇزىمى رەفورماسىن باعالاۋدى ورىستەتۋى، ناپوسقا قوندىرۋ ءتارتىبىن اناعۇرلىم ىقشامداپ، ىقشام دا ۇعىنىقتى، مەڭگەرۋگە قولايلى ناقتى ساياساتتىق شارالاردى تەز ارادا زەرتتەپ جاساپ شىعۋلارى كەرەك. قازىر 29 ولكە، اۆتونوميالى رايون، توتە قاراستى قالا قونىستانۋ كۋالىگى ءتۇزىمىن اتقارۋ ءادىسىن بەلگىلەدى ءارى بۇكىل ەل بويىنشا جالپى 43 ميلليون 570 مىڭ دانا قونىستانۋ كۋالىگىن تاراتىپ، قونىستانۋ جىل شەگى سياقتى شارتتارعا بايلانىستىرىلعان نەگىزدىك الەۋمەتتىك قىزمەت وتەۋمەن قامداۋ مەحانيزمىن نەگىزىنەن ورناتتى. جەر – جەر قونىستانۋ كۋالىگى ءتۇزىمىن ىلگەرىلەتۋدى ءىرى حالىق تۇرمىسى نىسانى رەتىندە مىقتى يگەرىپ، جىل ىشىندە بۇكىلدەي قامتۋدىڭ ءىرى – ورتا قالالارعا دەيىن، ءتىپتى اۋداندارعا (قالا) دەيىن جالپىلاسۋىنا كەپىلدىك ەتۋمەن بىرگە، مەملەكەت بەلگىلەگەن نەگىزدىك الەۋمەتتىك قىزمەت وتەۋ مەن قولايلىلىقتىڭ بۇكىلدەي قامتۋىنا شىنايى كەپىلدىك ەتىپ، ۋادەسىن ورىنداپ، حالىقتىڭ سەنىمىنە يە بولۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
