جۇڭگو – اراب ەلدەرى ساياحات سالاسىنداعى ساۋداگەرلەرىنىڭ ءماجىلىسى اشىلدى

نيڭشيانىڭ شەتەلدىكتەرگە ارنالعان تارتىمدى 10 ساياحات جەلىسى جاريالاندى

2017.09.07 13:31   كەلۋ قاينارى : حالىق تورابى

　　حالىق تورابى، 4 – قىركۇيەك، يىنچۋان (جاڭ ۋەي، پراكتيكانت فىڭ حۇيپيڭ) 2017 – جىلعى جۇڭگو – اراب ەلدەرىنىڭ ساياحات سالاسىنداعى ساۋداگەرلەرىنىڭ ءماجىلىسى 4 – قىركۇيەك تۇستەن كەيىن يىنچۋانداعى حالىقارالىق اۋىس – كۇيىس ورتالىعىندا باستالدى. ءماجىلىس مازمۇنى : اشىلۋ سالتى، ساياحات بايلىقتارىن تانىستىرۋ، «ءبىر بەلدەۋ، ءبىر جول» اياسىنداعى جۇڭگو – اراب ەلدەرىنىڭ ساياحات سەلبەستىگىنىڭ باستى ماقساتى جونىندەگى اۋىس – كۇيىس، ساياحاتشىلاردى ءوزارا جىبەرۋ جانە قارجىلاندىرۋ نىساندارى جونىندە كەڭەسۋ، نىساندارعا قول قويۋ، ساياحات جولدارىن جانە قارجىلاندىرۋ نىساندارىن تەكسەرۋ سىندى التى بولەككە بولىنگەن. ماجىلىستە نيڭشيانىڭ شەتەلدىكتەرگە ارنالعان تارتىمدى 10 ساياحات جەلىسى جاريالاندى، مۇندا نيڭشيانىڭ اۆتونوميالى رايون كولەمىندەگى تارتىمدى ساياحات جەلىلەرى جانە نيڭشيا مەن كورشىلەس ولكەلەردىڭ تارتىمدى ساياحات جەلىلەرى قامتىلعان.

　　ۇعىسۋعا قاراعاندا، ەكى رەت ءساتتى ۇيىمداستىرىلعان جۇڭگو – اراب ەلدەرى ساياحات سالاسىنىڭ ساۋداگەرلەرىنىڭ ءماجىلىسى جۇڭگو مەن اراب ەلدەرى جانە وڭتۇستىك ازيا ەلدەرى، ەۆروپا – امەريكا ەلدەرى، شياڭگاڭ – اۋمىن – تايۋان اراسىنداعى ساياحات سەلبەستىگىنە ماڭىزدى تەكشە دايىندادى ءارى نيڭشيانىڭ ساياحات سالاسىنا بۇرىن – سوڭدى بولماعان دامۋ تەبىنىن سيلادى.

　　كەلۋ قاينارى: حالىق تورابى